Jan Jan 串揚專門店 (鉅芝樓)

营业中

休息中

超級有水準的灣仔串燒店💛最近想吃串燒，念念不忘又去吃了一次！他們再一次用實力證明為什麼能夠營業這麼多年🥰✨很喜歡一坐下來已經有一小盒生椰菜給我們吃🥗真的每一道都好好吃！！ 最推介以下串燒/小食🎀 雞翼 真是世界級！！皮脆內軟，肉有肉汁嫩滑🥰 留意有幾款雞翼，最好吃的是$15 /隻這款🎀 雞肉棒 - 配上生雞蛋有咬口，太好吃了🎀 牛肉串燒！！ 餐牌上肉類最普通那隻牛肉串燒已經很好吃🤤🤤🎀 三文魚茶漬飯 - 濃味得來恰到好處，清甜🎀 柚子sorbet 🥰 甜甜酸酸飯後甜品星期六晚830左右去，人也不多很易找到位置🥰更多世界各地旅遊和飲食資訊，請follow @bunnys2peach_travel 🌷

已經超過一年無去過旅行，好掛住日本嘅美食。唯有喺香港搵啲正宗日本嘢食下。好鍾意食炸物所以就嚟Jan Jan食大阪名物 - 串揚串揚即叫即炸所以非常脆，炸粉漿薄薄一層唔會覺得油膩。原本放枱上面嘅「嚴禁沾兩次醬」，由於疫情關係已變成放喺樽入面，自己想食幾多就倒落自己碟度，衛生之餘仲方便咗。唔想淨係雞肉咁普通，所以點咗雞肉紫蘇卷。鍾意食紫蘇嘅話一定要點呢個，好好味。豬就無乜特別，肉唔算好嫩，但唔難咬開。食串揚一定叫海老，肉質爽口彈牙而且有鮮味。芝士一咬開入面係流心，超好味見到有新鮮蠔所以就試下，連埋蠔殼上碟，面頭有蛋黃醬，仲有紫蘇花裝飾，賣相好靚蠔肚脹卜卜肥美又鮮甜串燒點咗ねぎま(大蔥雞肉串)同埋煙肉三文魚，次次喺日本居酒屋都必點大蔥雞肉串，燒過嘅大蔥變得好甜，夾埋雞肉好好味。而煙肉三文魚呢個配搭第一次試，估唔到咁夾。另外仲點咗一份炸雞，味道同日本食到嘅炸雞一模一樣，送啤酒一流！食咗咁多串揚已經好滿足，但想有飯到肚，所以點咗燒飯團(味噌)同埋三文魚茶漬飯。烤過嘅飯團微微燶，有陣好香嘅飯焦味，而且表面少少脆，咬開入面米飯黏糯，日本米真係特別好食。無論係食物、服務或者環境，都有一種去咗日本嘅感覺

朋友飯聚，「她」選好時間日期地點後，更發來OPENRCIE連結給我們參考。原來是一間來自大阪的串揚專門店，那串揚是什麼呢?  原來串揚就是介乎於串燒與天婦羅之間串物。心想，「她」必定是為我的暗瘡鋪路。日日獻新「油」     拒用萬年油串燒跟天婦羅吃得多，串揚在香港真的少機會能吃到。細讀OPENRICE的餐廳簡介，當中一句令我印象很深刻:「店主採用的油是從日本進口3種混合油，再經店方自家過濾，而且天天更換絕不過夜」    竟然每天更換食油，相信在這事事經濟效益為先的世界，能做到這點的食肆真係少之又少! 真心說句: 你做得用心，我食得放心。 很多食肆忽略了食油這一塊，任憑你的食材如何新鮮、廚師烹調如何高超、什麼有機種植、甚至即收割即煮，只要你用上萬年油或劣質油，質素就會大減，對食客身體亦無益。快餐店炸薯條很好吃嗎? 我看不見他的萬年油，但一入口已知油不新鮮。某些粥麵店，在你面前炸油炸鬼，像很新鮮似的，那鑊油，看一眼已覺得恐怖，再看一下那油炸鬼的顏色，就心知不妙。 此店廚房用上開房式設計，所有製作一目了然!食物北海道海膽湯葉卷 ──  內層是腐皮和紫菜，面層是海膽，而最上層是新鮮的日本芥辣。