吔咩嗲 吔嘢事無所

营业中

休息中

晚市.一汁多菜定食2款熱菜+1款冷菜湯品+飯💲89 起是次點餐: 左口魚秋葵櫻花蝦 +$20秘製Malasa雞 安格斯牛櫛瓜配洋蔥蘋果醬 +$20小店環境非常舒適，我哋係用餐前15分鐘打查詢食物都可以快速為我哋留位，仲要超好禮貌🥹非常感謝店員用心！先講湯，當晚湯品係日式家庭會煮嘅椰菜胡椒菇湯，我諗大家都想像到呢個味道！係一個舒服嘅湯品。由於我第一次試Malasa既菜式，佢哋亦寫明推介，我覺得似咖哩加沙嗲既香，雞柳好焦脆都無乜雪味，唔錯！配埋粟米都幾解膩！🐥至於牛卷令我有小小失望！佢個醬配得非常好但口感同味道都無令我驚艷既感覺，就似係我哋屋企都會煮到既一樣，小小失落但好明顯係健康菜式！牛仲可以揀五成、七成/全熟！🐮同場另一個set就無影到，我哋就叫咗個雞皮餃子配腐乳醬 & 自家製墨魚堡 +$20。試完係真係驚喜！似大舊版嘅花支丸！兩款都可以一戰！🦑但今次就無影到啦！總括嚟講係絕對可以試既餐廳，午市好似再平啲！如果我再經過又唔使排隊就好大機會再食！聽講甜品都幾正，有機會再試！🥹🫶🏽佢哋好似係官塘都開咗，大家一齊支持下！🤟🏽—————————食物: 🤍🤍🤍▫️價錢: 🤍🤍🤍▫️環境: 🤍🤍🤍🤍回

一汁多菜定食（$88），可選一熱兩冷菜 / 兩熱一冷菜，最後要咗兩客兩熱一冷菜。一汁：野菌田園奶油湯，味道不錯，有層次，有奶香、菇香、胡椒香，但洋蔥味無乜。熱菜：秘製Masala雞，Masala醬微辣惹味，雞扒肉嫩。熱菜：海老明太子伴西蘭花，有四五隻蝦仁，爽口，明太子唔多所以味道唔出。熱菜：即製惹味大阪燒，大量蔬菜，但煎得唔夠香口。熱菜：鹿兒島吉列黑豚肉餅，炸得幾好，外脆裡面仲有少少肉汁。冷菜：南瓜沙律配蘋果青瓜堅果，幾特別，口感清新。冷菜：自家製溫泉蛋配花椒鰹魚汁，專登揀嚟撈飯用。白飯，兩碗都食到少少硬嘅飯，疑似乾身咗嘅飯焦。整體嚟講，可以一試。食物款式選擇都多，食落有香港住家菜嘅味道。PS：自己 scan QR code 落單。沒有加一服務費。

荃灣新開的日式西餐小店✨一汁多菜定食(三款餸$88 / 四款餸$98)鹿兒島吉列黑豚肉餅🐷天婦羅蔬菜餅🥬明太子拌海老西蘭花🦐🥦沙律菜配百香果柚子檸檬汁🥗 一汁多菜定食(三款餸$88 / 四款餸$98)安格斯牛櫛瓜卷配自製洋蔥蘋果醬🐮即燒惹味大阪燒 🍴左口魚秋葵伴柚子醋櫻花蝦 🦐 南瓜沙律配煙肉堅果 🎃 三味雪糕(朱古力、抺茶、芝麻)拼麻糬🍦 由荃灣站行大約10分鐘到餐廳👣提供多款餸菜選擇🍽️，每款餸菜都食到係有心機製作💗，溫度味道恰到好處🔥，炸物(天婦羅、吉列黑豚肉餅)外脆內軟細嫩柔韌😋 整體十分滿意，會再來👍🏻