Wine & Dine十周年终极预告 陈豪超莲现身卖咖啡刈包
2018-10-09

仲有两个星期,就系一年一度嘅建行亚洲香港美酒佳肴巡礼( Wine & Dine Festival)喇!作为官方媒体伙伴,开饭仔亲身为你报导第一手资讯 !今年踏入第十届特别多搞作,面积由以往嘅4.1公顷去到4.9公顷,亦有更多新元素,除咗睇返上回介绍(Wine & Dine十周年预告 09年佳酿+特别版啤酒威士忌晒冷),亦有最新预告一吓今年亮点先!



今年十大展区之中,六个为美酒、四个为美食,酒区同以往差唔多,都系以国家区分,亦有尊尚名酒区、权威品酒师Robert Parker Wine Advocate严选佳酿等,威士忌手工啤酒区成为重点,亦有女士锺意嘅气泡及鸡尾酒区,大会再请来酒专家黄大钧同各位介绍美酒。


留意返罕有产区代表,包括系首次於Wine & Dine亮相嘅斯洛文尼亚Istrski Rubini Cabernet Sauvignon 2009,同Wine & Dine同一年面世!本来只供会员享用,限量供应,带成熟莓果香气、咖啡、可可及香料等,复杂但易入口。而来自乌拉圭嘅Bouza Monte Vide Eu 2016,为酒庄旗舰酒,果香重,适合配衬肉类及烧味。



而同样第一次参展嘅The Flying Winemaker,有一系列由酿酒师Eddie McDougall精心挑选嘅Rose,包括西澳葡萄酒展获金奖嘅McDougall & Langworthy、用意大利葡萄但於澳洲酿制嘅Eddie McDougall Rosato、法国Revolution Bastards Rose等等。



手工啤除咗有本地人气品牌少爷、大围啤、Heroes,亦有今年首度参与嘅新晋酒厂Carbon Brews啤酒。Aloha Sour番石榴味极重,甜到如果汁咁易入口,而1bu系Hazy Pale Ale,色泽带混浊,但有啤酒花香而滑溜唔苦涩。



压轴登场有陈豪教大家品味咖啡!新增嘅咖啡园有陈豪嘅Blooms Roastery坐镇,有专诚拍卖得来嘅危地马拉艺妓咖啡豆、制作浓缩咖啡嘅墨西哥及哥伦比亚拼配豆。而Moses亦特别以法兰绒方式冲泡,令人联想起港式丝袜奶茶,配合返户外气氛,分分钟会饮到Moses亲手冲嘅咖啡俾你饮架。


超莲BB嘅玖五牛肉面,亦专登为Wine & Dine设计出刈包,於会场独家供应,舖头都食唔到!猪腩肉预先炆制至入味,加上花生粉、酸菜等,食落软熟而且带甜甜咸咸,超莲精心推介呀。



其他必吃包括天天海南鸡饭、Picada秘鲁粟米饼、米芝莲推介Kelly’s Cape Bop紫菜饭卷等等,於拍住赏环球小吃街就可以扫晒所有小食喇。


而香港迪士尼乐园今年亦首度参与Wine & Dine,将酒店最受欢迎兼iconic嘅公仔点心带来中环,亦有新出嘅小吃,每一款都充满迪士尼元素,好似Jack带子蟹肉芝士慕丝多士、三眼仔菜肉包、小熊维尼芒果慕丝等。



为庆祝Wine & Dine十周年,酒迷可以购买全新「Perfect 10」纪念品酒证,包20张品酒券、10张美食券、一天无限进出尊尚名酒区、迎宾酒品一杯,仲有只Lucaris金色别注被酒杯,零售价都要成$470架。


想知最新消息,梗系要mark实我哋当日现场即击!

「建行(亚洲)香港美酒佳肴巡礼」
日期:2018年10月25日至28日
时间:
25/10 19:30-23:30
26/10 12:00-23:30
27/10 12:00-23:30
28/10 12:00-22:00
地点:中环海滨活动空间及添马公园
入场费:每位$30(3-12岁、65岁或以上、全日制学生及残疾人士半价)
入门品酒证 $100 - 品酒券5张及塑胶酒杯1只
标准品酒证 $200 - 品酒券8张及Stolzle纪念酒杯1只
全新「Perfect 10」纪念品酒证 $800 - 20张品酒券及10张美食券、进入贵宾廊一次并享用迎宾酒品一杯、可进出尊尚名酒区及第十届限量版Lucaris酒杯1只
票务详情:10月3日起於城市电脑售票网及10月19日於香港旅游发展局旅客谘询中心公开发售



文、相、片:Perrins

关键字
Wine & Dine
香港美酒佳肴巡礼
葡萄酒
啤酒
威士忌
饮食潮流
开饭仔为大家发掘香港这个美食之都的最新美食资讯,分享饮食潮流文化。
本月热门
【随时更新】便利店寻宝 每周新品速报
1天前
4月份好评餐厅十强
2019-05-07
实现梦想 开一间联系社区嘅咖啡馆 上水独立Cafe粉岭重开(有片)
2019-04-29
泰国手标奶茶登陆香港!铜锣湾ChaTraMue旗舰店直击(有片)
2019-04-25
铜锣湾新开$78新派素食自助餐 六十多款任拣 素食寿司、冰镇咕噜肉(有片)
2019-05-02