位於新蒲崗的天廚素食館，雖然較少逛街友，但每日午飯時間，要在食館搵位坐下都幾難……。雖然格局和菜式跟一般的齋舖分別不大，但吃落你就自然發現箇中滋味……。
香荔酥卷($35) 的材料雖然只是芋頭蓉和腐皮，但經過炸香之後，卻成為食客的至愛，老闆娘話OL 失晒儀態都係為o左！
蘭花素雙魷($45) 的魷魚雖然冇乜味道，但又腍又爽的口感都可以算為補償。用魔芋粉（即o者喱仔的蒟蒻）混和甘筍汁製成的素魷魚，咁健康的製品，食幾多都無妨啦！
另一道菜──醬爆花枝西芹($48) 又辣又爽口，素花枝片彈牙竟然有點兒像魚蛋呢！嫌唔辣又或者怕辣？在落單前跟侍應講咪得囉！
仲嫌貴？咁您可以選擇廳每日由下午二時半至十時的任點任食自選(誕期除外) ，六十款有多的菜式任叫任食，成人只收 $55 ，小童則$35 ，睇您仲會唔會話貴。