好多人对甜品或者糖水嘅印象就系甜同唔健康，但其实香港而家已经有唔少主打健康嘅甜品店，多数都系低糖、纯素或者选材较谨慎～今期搵咗4间介绍畀大家，有中式有西式，就算甜都可以甜得健康！
目录
真材实料生磨糖水 研香
图: pigfoodiexhk
疫情期间开设嘅糖水店，由团购开始做起，因为太受欢迎老板就决定开实体店喇！好多时食糖水都会遇到加多啲糖去掩盖唔足料嘅问题，不过喺呢度食就唔怕喇，店内嘅糖水都非常真材实料，如招牌8小时慢煮芝麻糊，选用日本金芝麻再配搭黑白芝麻磨成，特别有层次，微微嘅甜令芝麻香更突出。另外佢每种糖水都使用全天然果仁制作，如开心果露选用意大利西西里岛嘅开心果，开心果香同甜味都好自然。
健康椰皇系列 金满堂甜品
图: iamanman
一直秉持「甜得健康」信念，使用香叶熬制而成嘅冰糖代替砂糖，大大降低糖水甜度又不失浓郁风味，同时增添清热滋润嘅功效，而且所有糖水都选用最新鲜嘅食材。推介椰皇系列，椰皇炖汤丸超级重椰香，炖蛋白嘅口感好似布甸咁软滑，清心丸口感就烟烟韧韧，成个甜品都好滋润呀。锺意榴槤嘅朋友要试埋榴槤女王，椰子嘅清香加上嫩滑蛋白及少少榴槤，三种味道都好夹。
真希腊乳酪小店 小满定律
图: Kan Lee
西贡主打希腊乳酪嘅小店，好多时坊间嘅都系「希腊式」乳酪，真正嘅Frozen Greek Yogurt高蛋白质以及低糖低脂，健康好多㗎！乳酪可自选筒或杯装，跟一款或三款配料及酱汁，配料都唔系成日见到嘅曲奇脆脆同朱古力，而系自家制嘅绿茶糯米糍同咖啡蒟蒻等，仲有其他烘焙店供应嘅曲奇、焦糖核桃同蝴蝶酥等～如果唔想太甜，酱汁都有热情果汁同红桑莓汁拣！
纯素甜品 Moono
图: 通常整Vegan甜品嘅难度都在於要喺质感上做到同正常甜品相似，呢间小店嘅老板花咗唔少心思同时间去研究呢点㗎，以素食甜品嚟讲几出色～好似呢款纯素马卡龙，经过改良後口感同一般分别唔大，而且甜度更低，食落更舒服。玄米茶青提子卷蛋都推荐，玄米茶忌廉同蛋糕嘅部份都系微甜，茶味突岀，加埋青提子令卷蛋多一份清新嘅感觉！
文: Yanica
