鼎王来了!味道服务媲美台湾 必食麻辣鸭血锅及员工教路秘制鼎王饭(有片)
2019-11-01

千呼万唤来自台湾嘅鼎王麻辣锅终於喺尖沙咀开业啦!好多时喺香港食过江龙餐厅,最怕嘅就系味道会同原店差咁一截。不过香港鼎王就无呢个烦恼,负责人话无论味道、装修以至服务都跟足台湾,所有管理层都曾经到台中总店实习两星期添!


食材选择方面与台湾都九成相似,因为知道香港人锺意食肉,加多咗两三款香港店先有嘅肉类。而大部份食材都系由台湾供应商直送,保证同台湾店一模一样。


鸳鸯锅($68/位)


汤底选择其实就得麻辣鸭血锅同酸菜白肉锅两个选择,难得嚟到当然要拣个鸳鸯锅试晒两款啦!麻辣鸭血锅加入猪骨、蔬果、大豆芽、香料及药材熬制,味道温和,唔会太辣,建议就咁饮都得!而且鸭血同豆腐都入晒味,无限refill㗎!


而酸菜白肉锅就选用天然发酵腌制嘅酸菜,酸味啱啱好,锅内仲藏有粉条添。


日本A4和牛($388)

呢款日本A4和牛就系香港店先有嘅菜单,负责人特意从鹿儿岛南部农场拎货,和牛纹理超靓,而且牛味浓郁。


日本黑豚肉($108)

同样系香港店先有嘅配料,猪肉软腍,有微微入口即溶嘅感觉,放入酸菜锅到食特别夹!


日本黑豚手打丸($88)、干贝滑($118)

黑豚手打丸口感相对坊间丸类就特别啲,口感较扎实,有种肉饼嘅口感,而且肉味都好浓厚。干贝滑系开饭仔私心推荐之选,真系食到一丝丝干贝,干贝鲜味都好突出!


更多【新店直击】:
1. 铜锣湾$298矶烧海鲜及串烧放题!任食鲍鱼/元贝/蛏子皇共七款海鲜
2. 新鲜靓生果!葵广新开鲜果茶饮店 必试静冈蜜瓜奶、香印青提茶、大糖领桃茶
3.  北海道人气汤咖哩进驻尖沙咀 必试香港限定特制芝士豚肉口味


老油条($48),豆皮($48)

老油条同豆皮都系必食之选啊!两者都系放入汤轻轻碌1-2两秒就食得,吸收晒汤底麻辣香,虽然邪恶但好满足。


卤大肠头($88)

卤大肠亦系推介之一,卤水带少许甜味,大肠软腍,入口即溶啊。


蛋饺($68)

想食台湾味,呢款蛋饺就够晒正宗啦。蛋饺由台湾店直送,味道同嗰边真系一样㗎!


枸杞菊花露($98)

加入枸杞及菊花等材料煲成,味道清新香甜,饮完即刻无咁热气。


彩蛋当然喺最後!店内免费供应台湾白饭,员工仲教咗一个秘制饭嘅做法畀开饭仔,先盛一碗饭,再加入麻辣汤底及酸菜,最後加上醋及少许葱花,又真系几好味喎。温馨一提,想去记得订位先啊~


鼎王麻辣锅

地址: 尖沙咀金巴利道26号地下5号舖






文: Yanica

相、片: Tom Li


关键字
台湾
过江龙
火锅
麻辣锅
鸭血
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】便利店寻宝 每周新品速报
2019-11-29
【2019圣诞】早鸟优惠! 圣诞自助餐推介
2019-11-27
秋风起!5间大闸蟹放题食店集合
2019-11-19
【2019圣诞】年尾叉电 圣诞下午茶集合推介
2019-11-19
【2019圣诞】约会之选 圣诞市集推介
2天前