黄埔新开酒店级质素西餐厅 自家制手工菜式值一试 (有片)
2018-02-13

黄埔呢个地方,自从有咗地铁站之後,就愈嚟愈多好嘢食喇。最新有间西餐厅,主打唔少手工菜式,加上负责人曾经喺多间五星级酒店度做过采购,所以拣返嚟嘅食材都有酒店嘅水准,回头率都几高㗎。

招牌秘制汉堡都有返咁上下高度,厚厚der澳洲手打和牛、蕃茄、牛油果等等叠下又一层叠下又一层,最顶放多只太阳蛋,份量十足。中间块车打芝士仲会用火枪即叫即烧添,做到热溶嘅效果,所以上到枱就唔好放得太耐喇,嗱嗱临食。底面嘅buns系自家制包嚟,有牛油嘅香味,同时好松软。

宽条面配龙虾用嘅系活波士顿龙虾,所以食落都feel到啲肉几新鲜弹牙,而啲龙虾酱汁亦都几香浓下。要特别讲下啲面,系佢哋每日自家制嘅,用意大利蛋同面粉制作好粉团之後,再放入意粉机将粉团变薄同切条,面条有蛋香之余,亦相当烟韧,好有咬感。除咗宽条面之外,佢哋嘅天使面同样都系自家制嘅。

另一样手工菜式就系pizza喇。由搓粉到碌成饼底,都系全人手制作,喺搽酱、入炉之前仲会用叉喺饼底上拮窿窿,令块pizza脆口啲。搽埋以新鲜车厘茄、洋葱、罗勒等自家调配嘅茄酱,同埋mozzarella芝士条,就可以放入炉焗。最後放上36个月嘅西班牙黑毛猪风乾火腿同火葥菜,咸香薄脆嘅巴马火腿火箭菜薄饼就大功告成。

至於食肉兽,拣「美国黑安格斯T骨牛扒」就无误喇,煎香完再用190度慢烤30分钟,所以即使大大嚿但都唔会好韧,肉质软嫩而juicy。

Last but not least,佢哋啲饮品造型都几靓仔。法国玫瑰花鲜奶茶同荔枝玫瑰梳打两款都以玫瑰花入馔兼做点缀,就算唔系情人节饮都觉得好sweet池。前者系用自制玫瑰糖浆制,而後者就更加分别用上伊朗同法国嘅乾玫瑰作调色同调味,成杯粉红色好少女心。



Amber’s Table
地址:红磡必嘉街120号黄埔新天地黄埔花园第3期百宝坊地下G27号舖


文、相:Kar


关键字
黄埔
西餐厅
汉堡
自家制
意粉
新店直击
走在最前线,为大家搜罗及报道有关新开餐厅的资讯。
餐厅资料
本月热门
【2021生日优惠】持续更新!9月寿星叹Omakase送寿司蛋糕+清酒
2021-08-31
【随时更新】零食速报 每周新款零食、酒品点评
2天前
【特约分享】Happy Hour饮番杯Schweppes®期间限定特饮!9间必去铜锣湾餐厅(上)
2021-08-24
【特约分享】Happy Hour饮番杯Schweppes®期间限定特饮!9间必去铜锣湾餐厅(下)
2021-08-31
自家制作!五间手工意大利面专门店合集
2021-08-24