香脆松软!精选香港6大牛角包
2022-01-06

散发住阵阵嘅牛油香,金黄香脆嘅外层加上一层又一层松化嘅酥皮,你话呢个世界上又点会有唔锺意牛角包嘅人呢~今期开饭仔为大家搜罗咗6间超人气嘅牛角包,有来自外国嘅过江龙名店、亦有酒店饼房名厨开设嘅面包专门店同埋一啲本土小店,一齐睇下边款啱你口味!


天然无添加面包 品谷

本土面包店,由一对蓝带毕业嘅兄弟主理,因为佢哋有感坊间嘅牛角包太多添加剂同防腐剂,所以佢哋嘅面包店就主打天然无添加。最受欢迎嘅牛角包,选用法国有机面粉混合日本面粉同A.O.P牛油,再加上佢哋使用独特嘅方法摺叠出25层嘅酥皮,除咗香脆松软富牛油香呢啲基本嘢,牛角包比一般更大件同松化,口味多样化如芝麻、抹茶、杏仁口味等。而且由搓面团、发酵到烘焙完成足足需要三日,诚意满满。

图: kakaeats


缓慢发酵法 Maison Eric Kayser

来自法国嘅面包专门店,一直推崇正宗法国手工制面包,店舖最出名系佢地哋嘅酥皮面包均沿用液体发酵同缓慢发酵法,曾经喺巴黎同纽约获选为最佳牛角包。牛角包除咗原味,重有多款咸口味,如吞拿鱼及烟三文鱼蛋沙律牛角包等。

图: eatReal


法国烘焙名店 Gontran Cherrier

由国际知名糕饼主厨Gontran Cherrier主理,喺全球有超过50间店舖。面粉同牛油等材料都由法国直送,每个步骤都人手制作,难怪日日都排长龙。招牌牛角包外层酥脆内层柔软,重有好香牛油味添。特别推介大家试杏仁味同Raspberry Cloud,前者有一片片杏仁同杏仁果酱,口感同味道都好丰富;後者就放满蛋白糖霜同Raspberry,味道酸酸甜甜几开胃。

图: cowing


酒店前行政总厨主理 Bakehouse

面包控一定对呢间面包店唔陌生,由四季饭店嘅前任饼房行政总厨主理,主打传统手工制作嘅面包,全部产品都系每日新鲜制作,采用法国传统面粉,用料讲究。招牌牛角包短短一星期就可以卖出超过2,000个,添加新西兰Canary牛油,比较挺身,每层都做到薄而香脆,烟韧有致,更充满牛油香。

图: strayno


台湾过江龙 八月堂

来自台中嘅人气牛角包专门店,喺香港都已经愈开愈多分店喇,每次行过都闻到好香~为咗令大家喺香港都食到同台湾店一样嘅味道,可颂面团会从台湾运到香港,选用欧洲顶级牛油、日本百年品牌面粉同ISO认证鸡蛋。想食返最原始牛油香气,必试原味蜂巢可颂,多层次摺叠手法配上长时间低温发酵制成,一切开见到蜂巢般嘅气孔就知道唔简单。另外仲有吉士、朱古力、黄金流沙等十几款口味,唔怪之得登陆香港咁耐都咁受欢迎。

 图: Food_player


龙虾汤流心牛角包 享慢煮意 

呢间人气小店以慢煮为概念,必食一定系招牌龙虾汤流心牛角包,焗至香脆嘅牛角包,一切开有热辣辣嘅龙虾汤流出嚟,除咗打卡一流,入口每一啖都系浓厚嘅牛油香同龙虾汤味,好有惊喜。另外爆浆蟹膏流心牛角包都一样鲜味满满。锺意食甜嘅,有肉桂苹果流心同海盐焦糖咖啡流心口味拣呀~

 图: kakwanisa



文: Yanica



关键字
牛角包
面包店
面包
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
1天前
【2022生日优惠】持续更新!5月寿星+指定月份补祝生日 叹火锅78折起
2022-04-29
好消息!6间老店/人气小店 结业重开
2022-05-11
8大必试片皮鸭!超平$178/只、特色北京填鸭三食
2022-04-27
5大芋泥甜品推介 芋泥麻糬煎饼、爆焰手工芋泥西多
2022-04-29