出街食飯去熱門餐廳去得多，不妨試吓小眾或較有地區性嘅餐廳～今期介紹呢幾間店有埋OpenRice訂座優惠，咁就試得更加開心啦！
H.O.P House on Peel 指定時段單點餐牌正價85折 
圖：一間時尚風格嘅泰式酒吧餐廳，以串燒為主打食品，所有串燒醬汁都係自家製作㗎。好似特色酸豬肉腸味道微酸開胃，肉質都算結實有咬口；烤豬肉串就傳統啲，勝在濃味好啱佐酒。另外蝦多士、泰式風味烤安格斯肋眼牛扒都啱聚餐share食，齊齊試多幾款～
二鍋頭 (沙田) 送葡萄汽酒一支【此優惠只適用於18歲以上人士】
圖：呢間火鍋放題將港式邊爐同雞煲二合一，如果想有啲新意，仲可以揀香濃黑椒豬手煲、用鹹牛乳同腐乳炮製嘅雙乳雞煲；之後嘆埋烤魚、火鍋，食物選擇超豐富～逢星期一至日指定時段入座享用晚市火鍋放題，每4位成人就送指定葡萄汽酒一支，保證食得盡興！
Bagaicha Restaurant & Bar 單點及晚市套餐9折
圖：天熱嘅時候食吓香濃嘅印度菜，其實都幾開胃。呢間小店嘅咖喱有十幾款選擇，其中牛油雞香滑入味；羊肉咖喱就啱偏好重口味嘅朋友，配印度烤餅特別有風味。另外尼泊爾餃子Momo、酸奶等都值得一試。
Mul Hayam Glatt Kosher Restaurant 訂座即送任選湯品一款
圖：地中海菜同猶太以色列美食會令你諗起咩呢？佢哋嘅前菜、醬料、主食伴菜同湯品好多時都會加入鷹嘴豆，例如油炸鷹嘴豆餅、鷹嘴豆泥佐洋菇等；另外傳統烤肉串、燒挪威鮭魚等燒肉都係推介菜式。而家訂座即送任選湯品一款，例如少見嘅鷹嘴豆湯、法式湯等。
圖：嚟到呢間居酒屋，無論氣氛同環境都好似去咗日本當地嘅小店一樣，除咗刺身、串燒、煮物等傳統料理之外，仲有用直火熱住嘅日式保仔飯𠻹！如果你係壽喜燒Fans，同樣以直火上菜嘅牛小排壽喜鍋都令人回味。而家經OpenRice訂座後人均消費達HK$200即享日本刺身生蠔半價，或送啤酒/餐飲一杯。
圖：慕容有兒
一間適合同朋友聚餐狂歡嘅酒吧餐廳，主打各式各樣地中海菜，例如地中海烤雞燒得香口juicy，烤紐西蘭羊膝則配上地中海特色醬；如果只係想食少少嘢配酒過吓口癮，地中海四色醬拼盤包括中東茄子醬、鷹嘴豆醬、紅椒合桃醬同中東芝麻醬，用薄餅蘸嚟食好夾。另外亦有瑪嘉烈特意大利薄餅、黑松露醬蘑菇忌廉意大利飯等大眾化口味可以揀。
圖：鍾意飲Whisky嘅朋友，呢間西式酒吧啱晒你呀！佢會不時更新Tasting酒單，務求帶畀大家新鮮感。留意用OpenRice訂座試4款指定Whisky同鹽燒雞心、一口蝦多士、魷魚頭串等小食有8折優惠啊。
圖：供應新派日式輕食同Comfort Food，包括刺身壽司、惹味壽司捲、天婦羅、炸雞等，幾啱夏天行街前後，想食得豐富、抵食又多元化。幾推介偏重口味嘅「麻麻地軟殼蟹壽司捲」，配埋日式麻醬冷烏冬，而家天氣食幾開胃。
Cotton Lane Café 春日優惠TEA SET 85折
圖：喺跑馬地想揾間小店享受靚Tea，不妨試吓呢間主供法日式早午餐嘅cafe。裝潢採用白色主調，清雅格調最啱同閨蜜chill吓～春日Tea Set包括3款甜點同4款鹹點，如迷你自家製三文魚牛角包、風乾火腿配忌廉芝士、紅梅忌廉蛋糕。
Hungry Eye Restaurant & Bar 6月全單85折 / 7至8月全單8折 (自助餐及私人派對除外)
圖：有時想試異國風味，酒吧餐廳都可以畀到驚喜你～呢間就以印度菜、尼泊爾菜為主，無論輕食Momo，抑或咖喱、串燒、火焰烤肉等都有供應，配埋小眾風味嘅酒款、雞尾酒，間中試吓都唔錯。
文：Cathy
