边行边食 新蒲岗扫街5大推介
2019-07-29
扫街系唔少香港人都好喜爱嘅动作。未够钟食饭又扫一扫,食饱饱又要扫一扫,总之,行喺条街度见到一间间嘅小食店就会忍唔住,乜都想食!今次扫街热点嚟到新蒲岗,虽然新蒲岗位置比较僻,但都有唔少朋友仔喺呢区觅食㗎~而且价钱够贴地,啱晒喺度返工返学、又成日口痕嘅大家去扫食!

真材实料鸡蛋仔    629鸡蛋
新蒲岗嘅629鸡蛋仔,由老板one man band打理(但近期好似请多咗个帮手),靠住自行研发嘅足料蛋浆同做好一底鸡蛋仔嘅专注,尤其系嗰「3分20秒」嘅专注,成功吸引街坊排队嚟食。呢度嘅鸡蛋仔外脆内软,蛋香浓,真材实料,绝对唔系香精味。款式都几多,连乌龙味都有。格仔饼就够厚实,食完唔觉食空气。

古法九层拿破仑    常温 
呢度最出名嘅就系坚持全人手制嘅古法九层拿破仑,比起普通西式甜品嘅拿破仑嚟讲,手搓酥皮、合桃蛋白饼层层相间,口感仲丰富,而且仲非常香牛油味。下午茶叹返件最正。不过每日出炉唔多,真心卖完即止。买唔到嘅话不妨试吓件装戚风蛋糕,都好松软,唔差㗎~

超平生煎包    麦记美食
生煎包同锅贴嘅人气都不相伯仲,十系十蚊左右就可以食到!生煎包煎至金黄香脆嘅包底,入面暖暖嘅猪肉馅同汤汁,加埋真系好warm~而且生煎包同锅贴都系细细件,可以一啖K.O.一个,绝对系热辣辣又饱肚之选!

重口味串烧   舔舔脷美食
鸡肾大大件爽口,咬落好香脆,而且辣度够!香草、孜然粉、辣粉等嘅调味料都畀得劲足,劲惹味。而除咗平时成日见到嘅烧鸡翼、烧茄子咁之外,呢度竟然有唔少海鲜嘅选择。另外仲有极邪恶生炸鸡髀,外脆内juicy,拎住两串行街食都咪话唔爽!

素食奶盖茶之选    NUTTEA
Nuttea嘅嘢饮用咗较健康嘅蔗糖,而且卖点系用坚果冷压成坚果乳去代替牛奶,所以店内所有奶茶、奶盖饮品都系全素,真系素食者嘅福音~但其实就算系非素食者都一样大赞呢度嘅奶盖口感厚实又多份果仁香,更重要嘅系冇平时嘅奶盖咁heavy,罪恶感即刻减半!

文:Yanny


关键字
新蒲岗
鸡蛋仔
拿破仑
生煎包
串烧
奶盖
扫街热点
香港各区都暗藏不少扫街热点,开饭仔就为大家逐区发掘,分享扫街文化。
餐厅资料
更多
收起
本月热门
【随时更新】零食速报 每周新款零食、酒品点评
7天前
全城抗炎! 5间酒店自助餐转型 任点任食海鲜/主食/甜品 变阵保卫生
2020-03-17
【特约分享】超抵外卖陪你抗疫 即睇将军澳饮食地图!
2020-03-10
【随时更新】最後倒数!即将结业的老字号及人气小店
2天前
2月份好评餐厅十强
2020-03-05