蚝食龙虾!详睇尖东酒店自助餐两大回本位
2017-11-10

尖东一间酒店自助餐以生蚝、龙虾做最新主题,生蚝、龙虾一向都受欢迎架啦,buffet迷肯定首先扫左几轮即开生蚝、龙虾山,但除咗冻食,餐厅亦炮制咗其他生蚝龙虾菜式!一定要试匀晒主题菜式先可以回本,究竟有乜食?快速睇一转!

即刻介绍「生蚝」先!一开始梗系追食生蚝啦,采访当晚有两款法国生蚝:Cadoret Oyster、Carantec Oyster。由厨师即开畀客人,好新鲜,每次只限3只。


两款生蚝都充满海水味,但Cadoret Oyster口感比较爽口,而Carantec Oyster就偏向creamy啲。


除咗生蚝,一定要拎苋菜芝士焗蚝,将苋菜、芝士摆放喺蚝肉上面焗制而成,蚝肉keep住鲜甜之余,仲有啖啖「芝」味。


以生蚝制成嘅蚝汤,蚝鲜味浓而不过咸。


口感香脆嘅吉列炸蚝,炸粉不太厚,但蚝肉依然好湿润,仲有少少海水味添!


而另一主角「龙虾」亦唔输蚀,餐厅专登砌起呢个好震撼嘅龙虾山,食客一见到就即刻举「夹」,虽然refill速度快,但食客嘅疯抢速度非常快,绝对系回本item!


锺意龙虾「肉」感嘅可以食番茄薯蓉芝士焗龙虾,龙虾入面仲有啲龙虾膏架!


避风塘炒龙虾钳带有少许辣劲,好香口。不过客人要自己拆龙虾钳,都有少少麻烦。


餐厅仲特别制作日式龙虾卷,将龙虾肉连饭、紫菜、沙律酱、蟹籽及香葱整成寿司样。


如果想食饱肚嘢,可拣美式龙虾饭,鲜甜嘅龙虾汁精华全部流入炒饭之中,yummy!


餐厅即煮喇沙厨房亦换上马来龙虾喇沙,肉质弹牙嘅龙虾配以柠檬草、辣酱、椰奶、黄姜、乾葱、虾酱等12款食材,赞!


海鲜番茄粥配龙虾钳,除咗龙虾钳,仲有大虾、带子等海鲜,令成碗粥好有鲜味,但食落都好清淡。



更多【饮食潮流】:
1. 星巴克圣诞系列 两款迷你布甸杯新登场
2. 糖厂街市集回归!特色咖啡配街头小吃
3. 海绵宝宝素食点心 登陆中环尖沙咀(有片)


仲有乜海鲜食?

冻海鲜除咗生蚝、龙虾之外,其实都仲有5、6款海鲜架,有花蟹、雪蟹脚、面包蟹、虾、田螺等等。



刺身方面有三文鱼、吞拿鱼、油甘鱼、三文鱼籽及八爪鱼;寿司则有一大盘摆放喺枱面,有八爪鱼、赤贝、腐皮、青瓜卷、蟹籽卷等等。日式小食有芝麻八爪鱼、芝麻豆腐、冲绳水云等等。


汤水方面,有中式嘅沙参玉竹冬瓜排骨鸡汤、西式嘅忌廉蘑菇汤。


泰式沙律都好受欢迎,有蛋沙律、水果沙律、海鲜沙律及菠萝沙律。


另外仲特别有个沙律厨房,客人拣选蔬菜後可自选十几款配料,好有「营」。


唔少得即切牛扒,有鲜嫩多汁嘅肉眼扒。


叉烧鸡蛋仔,叉烧由酒店另一间米芝莲二星餐厅香宫炮制而成,口感香脆得嚟又有叉烧嘅咬口。


有乜甜品?

我知有好多甜品控,餐厅甜品都几多款式,有椰奶斑兰洋菜冻、开心果法式炖蛋、意大利芝士蛋糕、香橙杯子蛋糕、绿茶孖宝芝士饼、脆脆朱古力蛋糕、法式杏仁小饼、拿破仑、焦糖香蕉蛋糕等等。


Häagen-Dazs雪糕有成12款口味畀你拣包括:士多啤梨芝士饼、抹茶、香柠雪菓、士多啤梨、夏威夷果仁、冧酒提子、咖啡、芒果、意大利芝士饼、曲奇呍呢嗱、红桑子雪菓及呍呢嗱,劲多选择。


除咗雪糕仲有frozen yogurt添!


即叫即制嘅法式薄饼,睇下旁边嘅配料有成十几款。


即叫即制嘅仲有呢款即焗姜味巧克力伴烤苹果,大约每15分钟就会出炉一次。


以巴黎铁塔盛载嘅macaron,以及新鲜即切嘅水果,款式不时转换,采访当晚有西瓜、蜜瓜、菠萝及火龙果。


自助午餐
供应时间:星期一至四12nn-2:30pm、星期五至日及公众假期12nn-3pm
价钱:(星期一至四)成人$378/位、小童$278/位、(星期五至日及公众假期)成人$468/位、小童$318/位

自助晚餐
供应时间:星期一至四6:30pm-9:30pm、星期五至日及公众假期6pm-9:30pm
价钱:(星期一至四)成人$628/位、小童$498/位;(星期五至日及公众假期)成人$688/位、小童$518/位


使用OpenRice优惠券最高可享7折优惠,有效期至2017年11月30日
>>>低至7折龙虾与蚝自助餐优惠,另赠送每位客人欢迎饮品乙杯

Café Kool
地址:尖沙咀麽地道64号九龙香格里拉大酒店阁楼


文:Joy

关键字
自助餐
酒店自助餐
buffet
生蚝
龙虾
尖东
尖沙咀
饮食潮流
开饭仔为大家发掘香港这个美食之都的最新美食资讯,分享饮食潮流文化。
餐厅资料
本月热门
【随时更新】零食速报 每周新款零食、酒品点评
6天前
【2021生日优惠】持续更新!7月寿星半价叹和牛烧肉套餐
2021-07-09
榴槤Buffet真的很兴奋~ 九龙区酒店7、8月限定榴槤盛宴
2021-06-30
尖沙咀新开烧肉Omakase 专人烧日本A5和牛+特级宝盒钻石肉
2021-06-28
投奔盛夏 7-8月份下午茶推介
2021-07-08