纽约人气甜品店登陆尖沙咀 香港限定甜品 创意柠茶蛋糕(有片)
2020-01-06

由2019等到2020,终於畀甜品控等到啦~ 嚟自纽约、风靡全球嘅甜品店Dominique Ansel听日就喺尖沙咀开业啦~

呢间餐厅甚有来头,主厨兼创办人Dominique曾经荣获世界 50 大最佳餐厅中「全球最佳甜点主厨」,过往亦曾设计过多款内外兼备嘅创意甜品,包括将牛角包同冬甩合二为一嘅Cronut®。虽然香港店冇呢个食到系有啲可惜,但亦有多款由Dominique亲自设计,净得香港度先至食得到嘅创意甜品呀!

菠萝油、柠茶、火腿通、黑白淡奶?呢几款充满香港特色嘅食物,通通都变晒做甜品呀!

 菠萝油 – 椰子热情果蛋糕   件装 $65/ 原个 $520

呢个「菠萝油」,外层以椰子慕丝同椰子dacquoise 蛋糕制成,中间夹着嘅牛油则系海盐味mascarpone 忌廉,内馅系菠萝青柠热情果果酱。见到系好有冲动想用手拎起成个食,不过系软腍腍㗎,味道清新微酸。

 纸包柠檬茶 – 伯爵茶佛手柑蛋糕  件装 $62/ 原个 $480

食得嘅纸包柠檬茶底面两层「包装盒」系白朱古力片,内层以伯爵茶mascarpone慕丝配佛手柑奶酪同杏仁饼等,茶味香浓,又真系有啲似柠茶喎。不过食多几啖又有少少略甜嘅感觉。

 通心粉 - 芝士蛋糕    $58

至於放大版嘅火腿通,则系口感软绵,芝士味浓郁嘅双重芝士蛋糕嚟。用上fromage blanc 同 ricotta 两种芝士作基调,再加入柠檬,所以都唔会话太腻嘅。加埋白朱古力「火腿丝」同棉花糖「红萝卜」,像真度高得嚟又不失可爱。

 黑白淡奶 – 海盐焦糖牛奶布甸    $65

打开「黑白淡奶」罐盖,面层系海盐焦糖味奶冻,再哔深啲,系以冧酒浸泡过嘅蛋糕,甜中带咸。

 鱼蛋 – 炸红豆雪糕糯米糍$68

除咗橱窗内嘅创意甜品,仲有啲系即叫即制嘅甜品,要数最搞鬼嘅就系呢串咖喱鱼蛋啦~ 几可乱真啊~ 竹签拮住4粒「鱼蛋」,要快食啊,入面系红豆雪糕糯米糍嚟,外层用火枪轻烧过,外热内冷,外层仲烟韧微脆添。

 港式奶茶曲奇杯  $48

呢个曲奇杯成樽益力多咁,不过倒入去嘅却系奶茶,曲奇则带有淡淡玉桂味。食嗰阵记得小心啲,呷返几啖奶茶先好咬曲奇呀,唔到漏泻。

 蛋卷蛋挞  $38

好多人都锺意食嘅蛋挞,平时通常都系饼皮或酥皮,今次变咗系蛋卷皮呀!每层蛋卷都系人手卷制,层层薄脆口感又几唔错。

讲咗咁耐,点少得餐厅嘅经典法式甜酥面包呢?


DKA (Dominique’s Kouign Amann)  $38

特别推介DKA,外层嘅焦糖皮相当脆身,但入面又好酥化松软,口感丰富,难怪喺全球每个地方都系热卖产品。

 法式芝士梳乎厘奄列  $88

另外,呢度仲有一系列以鸡蛋为主题嘅咸点,传统法式梳乎厘奄列,加入软糯嘅fontina 芝士同香草,咸香软熟,香葱味突出,趁热食仲有微微拉丝添~

 棉花糖热朱古力


当文历饼店
地址:尖沙咀广东道3-27号海港城海运大厦地下OT G63A号舖
开业日期:1月7日


文:Kar
相、片:Tom Li


关键字
尖沙咀
甜品
过江龙
美国菜
蛋糕
新店预告
走在最前线,为大家搜罗及报道有关即将开张的话题新餐厅资讯。
餐厅资料
本月热门
【随时更新】零食速报 每周新款零食、酒品点评
7天前
悠闲时光 9月份下午茶推介
2020-09-02
【2020中秋】台式流心奶皇、电车限量版月饼 早鸟优惠及限量预购精选集合 (不断更新)
2020-08-20
和牛及海胆主题菜单 尖沙咀西京烧専门店夏日新菜式
2020-09-02
饮得嘅抹茶富士山!日式茶室旺角重开 必试抹茶系列、焦糖布甸拿铁
2020-09-10