牛油果控天堂!香港牛油果餐厅合集
2020-07-22

抗疫期间,当然要食多啲有益又营养嘅食品增强免疫力喇~牛油果一向都被誉为Super Food,有极高及全面嘅营养价值,含维他命 E有抗氧化功效,而且大部份都系不饱和脂肪,对身体有好多好处㗎。香港都有唔少餐厅供应以牛油果为主嘅餐单,仲有好多意想不到嘅配搭,有时lunch想食得light啲都系一个唔错嘅选择。


伦敦过江龙  Avobar

来自伦敦牛油果主题餐厅,相信大家都唔陌生。餐厅系全球首间海外分店,全部菜式都以牛油果入馔。招牌菜式包括牛油果特色汉堡及终极牛油果多士等等,最近仲因应夏日,推出咗几款新菜式,夏日风味沙律(素食)、Avobar鸡肉饭、和风鸡肉牛油果多士及香草牛油果杏仁奶昔,全部都好清新!夜晚六点後买外卖仲有得平呀~


牛油果迷必到café Athletic Juice & Espresso Bar

图: hkfoodorapoohpoor

最吸睛系佢哋嘅招牌饮品牛油果latte,先将牛油果果肉挖出压成果蓉垫底,latte以牛油果果壳盛载,再放上牛油果蓉上,啱晒牛油果控「相机饮先」。而Avocado toast香脆得来又松软,仲带有淡淡蜜糖味添。


连锁素食店 Green Common & Kind Kitchen

呢间连锁快餐店Green common嘅升级版未来汉堡 Plus,加入未来汉堡扒、新鲜番茄、生菜、细滑嘅牛油果及拉丝纯素 Daiya 芝士,纯素食者可食用!而呢两款牛油果食物就喺旗下新开嘅Kind Kitchen供应,未来牛肉墨西哥脆片将牛油果酱同莎莎酱淋喺墨西哥脆片上,配以混合惹味香料嘅未来牛肉酱,每啖都系浓浓嘅墨西哥风味。仲有满满牛油果嘅牛油果超级碗!温馨一提Kind Kitchen因应疫情关系暂时休息,可以Bookmark定迟啲再去!


花草主题咖啡店 鸟语 Floom Floom

图: lankiman6330

尖沙咀楼上咖啡店,有唔少「打卡位」,如呢个led灯文字水泥墙、木造榻榻米位置。主打和风洋食,亦有供应几款牛油果菜式,冲绳 · Taco饭加入牛油果、墨西哥肉酱及Nachos,大量沙律菜可以中和腻感。牛油果 · 温泉蛋多士都系必点,一份就铺上满满牛油果,另一份就加入温泉蛋,咁就可以试晒两款配搭喇。


自家制牛油果雪糕 Verde MAR

图: RheaChim

呢间墨西哥菜由墨西哥大厨主理,食物正宗多选择,同埋供应多款自创牛油果菜式!包括牛油果配粟米饼、炸牛油果条、牛油果苹果Pancake及牛油果汉堡三部曲等,仲有呢个自家制牛油果雪糕,用上杏仁奶制作,口感幼滑,中间系模仿牛油果核嘅芒果酱,酸酸甜甜同牛油果好夹!






文: Yanica


关键字
香港
牛油果
合集
咖啡店
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
7天前
全城抗炎!送上门懒人煮食包及套餐大合集2.0 花胶炖汤/火锅/铁板烧
2020-10-07
本地搵食有着数!OpenRice x 旅发局 合推 5折餐饮券+餐饮礼遇
2020-09-21
悠闲早晨 3间英、澳、日Brunch推介
2020-09-21
滋味到家!新鲜海野海鲜+逾200款蔬果肉类 食材直送上门网站推介2.0
2020-10-08