深水埗必食秘店 2016版
2016-06-15
你会去深水埗做咩?买电脑手机?去旧区行下?有无谂过嚟深水埗「食好西」?唔好比明将嘅传说吓亲,其实呢区仲有唔少美食等待各位食家发掘,开饭仔之前就写过一篇深水埗必吃秘店,日新月异,今次嚟个2016更新版,带你食匀用心整嘅港式汉堡,粒粒皆辛苦嘅手工芋圆,新兴韩风炸鸡,Foodie呃Like至爱嘅紫薯等等!

飘香手工港式汉堡  添福小食


Photos by nico_bread

食厌咗大大份嘅美式汉堡嘅话,不如转个口味嚟食个即叫即整嘅港式汉堡。呢间小店唔少街坊都话只要经过都会闻到好香嘅味道,招牌黑椒牛肉汉堡大概等五分钟就完成,但味道一啲都唔马虎,厚身牛肉汉堡扒Juicy得嚟带黑椒味,咬落肉扒有少少牛筋更好咬口。另外猪扒包同鸡扒包一样简单好味,价廉物美。

正宗大排档风味  爱文生


Photos by Calvin Kwok

温馨提示,呢间系真·大排档,即系绿色铁皮屋加全室外座位,夏天去食的确会觉得有啲热,但呢度嘅镬气就可以话系只此一家——之前喺开饭餐厅专访,师傅就话平均两三日就会烧坏一只镬!所以招牌菜当然就系各式怀旧小菜,豉椒生肠爽脆惹味,小炒王足料香口,黑椒薯仔牛柳粒咸中带辣,再加碟铁板黑椒咸猪手,可以送三碗白饭!

简朴家庭式越南菜  第一郡


Photos by hkfoodtalk

越南菜嘅其中一个特色就系清爽,呢间小店嘅出品就非常彰显出呢个特点。米纸虾卷馅料十足,用薄米纸包住大虾、芫茜、檬粉等,点埋有花生粒嘅酸甜酱汁更滋味。越式法包嘅包外脆内软,馅料有扎肉、肉松、青瓜及酸萝卜,饱肚得嚟又清新醒神。饮埋冰凉滑溜嘅牛油果沙冰,最後食份清香烟韧嘅斑兰绿豆糕做甜品,就系心满意足嘅大餐。

穿越时空嘅经典  嘉顿咖啡店


Photos by 蒙奇奇

可能你细个都食唔少嘉顿面包,但就未必知道深水埗嘅面包厂有Cafe同餐厅!穿过展览厅之後就会见到咖啡店,有轻食例如蛋糕、酥饼等供应,全部都系厂房每日新鲜制造。士多啤梨蛋糕茶餐就有一件松软美味嘅士多啤梨忌廉蛋糕再加一杯饮品,纸杯仲系蓝白格仔aka生命面包包装Pattern,成件事好似穿越返去八十年代咁。不过记得喺六点Cafe收工前去啦!

中医馆嘅手工芋圆  康瑞凉茶


Photos by Calvin Kwok

人不可以貌相,舖头都系,呢间中医馆唔单止卖埋凉茶,而且仲有埋台式甜品!睇过开饭餐厅专访就会知道,一碗招牌仙草百配,里面所有地瓜圆、芋圆同小丸子都系老板凌晨逐粒逐粒人手搓,有台湾夜市食芋圆嗰种烟靭弹牙嘅口感,加埋仙草嘅甘甜同其他材料,抵食又满足。其他糖水例如桂枣雪耳小丸子或者酒酿桂花汤圆亦有滋补作用。

相机先食紫薯窝夫  Cafe Charm's


Photos by Pigsy & mush_room

虽然OpenRice会员们可能都听过一句「平生不去西九龙,纵称食家也也枉然」,但其实西九龙中心除咗大佬级嘅明将之外,仲有唔少真·优质餐厅嘅。呢间Cafe就系其中一个好例子。最吸引嘅就系佢地嘅紫薯迷人窝夫配豆腐雪糕,水滴形窝夫脆口有蛋香,紫薯蓉香浓唔过甜。钟意咸食嘅话亦可以一试特选芝士炸鸡窝夫,连Afternoon Tea Set都相当有板有眼而且性价比高,卖相同食物同样吸引。

Food Court食Oppa炸鸡  皇帝鸡


Photos by Cur

同样位於西九龙,今次系上Food Court,呢个Food Court喺深水埗当中素有名气,因为大部分都系街坊小店而唔系连锁店。当中就以呢间韩式小食最特别,因为老板系真·韩国Oppa嚟!炸鸡分三款口味:韩辣酱、甜辣同甜酱油,三款都系即叫即翻炸同加酱汁,炸皮脆得嚟又够薄,鸡肉已经去皮去骨,啖啖肉而且Keep到Juicy。虽然小店只得炸鸡卖,但依然非常好生意,下午7点到卖哂就收舖㗎啦。

随时接收最新资讯
赞好OpenRice专页!
关键字
深水埗
芋圆
炸鸡
紫薯
大排档
开饭专题
开饭仔为你提供各类型最新饮食情报及优惠,全面照顾你的饮食喜好。
相关文章
【编辑推介】韩风炸鸡:屋里炸鸡
2016-06-09
试食报告! 青衣戏棚扫街攻略
2017-04-09
端午糭动员 新潮口味逐只数
2017-05-18
台式手工火锅落户铜锣湾 晚市半放题有惊喜(有片)
2017-05-08
好新奇!KFC推出全港首部语音及体感侦测技术点餐机(有片)
2017-04-20
【爱心热店专访】派饭背後 深水埗明哥:我唔认为自己有爱心,我只系用心 (有片)
2017-03-07
餐厅资料
更多
收起
本月热门
【随时更新】便利店寻宝 每周新品速报
3天前
尖沙咀新商场开幕 过江龙餐厅一览
7天前
【特约分享】食鱼生转运 三种好意头日本海产介绍
4天前
日本人气茶室登陆尖沙咀 招牌Tea Set、甜品推介(有片)
2019-09-25
【特约分享】茶记实测 西多、菠萝油控必睇
2019-09-19