最平$48!观塘新开怀旧港风素食自助餐 大虾芝士焗伊面、麻辣口水鸡(有片)
2019-08-29

近年有唔少素食自助餐兴起,无论系中式、日式定西式都大把选择。观塘新开呢间素食自助餐就以港式怀旧风作主题,唔单止装修,大部份食物都系走港式风格,有五十几款选择,同时亦会写明食物系属於蛋奶素定纯素等种类,咁就唔怕食错啦~而且下午茶时间$48就食到啦!

餐厅设有单人座位,一个人嚟食都唔怕尴尬。


餐厅有供应唔少坊间素食比较少供应嘅选择,如呢个麻辣口水鷄,用大豆纤维制成素鸡,再加入麻辣酱及豆瓣酱等调味,够晒惹味。


大虾芝士焗伊面用素芝士忌廉煮成,味道一样香浓,而且仲无咁易漏添。


黑松露炒蛋刈包用蒸笼存放,确保食嗰阵一定热辣辣。面包软熟,黑松露味都几出吓。


茄汁焗猪柳饭用菇类代替猪柳,加入大量蕃茄及芝士,味道浓郁。


仲有好多其他选择㗎~如素腐皮卷、卤水拼盘、红油青瓜及炆茄子等等,都好有港式风味。


更多【新店直击】:
1. 日本食评网高分!连续四年米芝莲推介多贺野拉面抵港 粟国塩味拉面、豚鸭沾面
2. 幸福Pancake首次进驻九龙!尖沙咀新店限定宇治抹茶浓厚慕斯班戟
3. 童年回忆!上环新开怀旧风小卖部 食自家制猪油捞饭、米磨肠粉(有片)


另外有蒸肠粉、荷叶饭、面包布甸、港式碗仔翅及用莲藕制成嘅沙拉骨,选择真系几多元化。


炸物都有好多款,特别啲有炸秋葵。


甜魔都唔使惊,除咗有传统中式糖水紫米露及蕃薯糖水外,仲有港式糕点马拉糕、白糖糕及米通等,最後当然唔少得西式甜品啦!


时段价钱: 

星期一至五 午餐 $68 (大小同价) 

星期六日及公衆假期 午餐 $98 (成人) $68 (小童) 

星期一至五 下午茶 $48 (大小同价) 

星期一至四 晚餐 $108 (成人) $78 (小童) 

星期六日及公衆假期 晚餐 $138 (成人) $88 (小童)



素街  

地址: 观塘骏业街56号中海日升中心1楼B号舖





文、相、片: Yanica


关键字
素食
自助餐
观塘
港式
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】便利店寻宝 每周新品速报
2019-12-30
荃湾新开无敌海景日式放题 占地过万尺 新张期间88折!
2020-01-03
迎接全新2020 1-2月下午茶推介
2020-01-06
【2019回顾】 过江龙之年 逾50间海外人气店登陆 + 2020年预告 (有片)
2019-12-30
【特约分享】新年去始创 食尽中、日、国际贺年佳肴
2020-01-13