新加坡米芝莲海南鸡饭 进驻九龙新增足料奶盖、养生茶
2018-11-05

各位食鸡嘅鸡迷,新加坡米芝莲推介美食嘅海南鸡饭店啱啱进驻咗九龙啦,以後唔使过海都有得食。新舖除咗有新菜式之外,仲有新店独有嘅奶盖茶同养生茶系列,grab and go都得,附近上班族嘅下午茶同「万岁」请客有新选择啦~

同铜锣湾店一样,都系一间舖内有齐「天天海南鸡饭」、「五十年代」、「老街坊」、「超好面」四个品牌嘅出品。招牌海南鸡饭当然继续有啦,配上浓稠黑酱油、自制辣椒酱、姜蓉酱,鸡滑饭香,饭粒中仲渗出淡淡姜香。

不过,开新舖点可以冇新嘢?嚟紧介绍嘅呢两咸两甜菜式,会同时喺两间店推出。开胃小食酒糟 四宝好鬼香,一上菜就有阵阵花雕酒香飘入鼻。四宝分别系鸡肝、鸡肾、无骨鸡翼同无骨鸡脚,酒香肉爽。

新加坡出名肉骨茶,而新菜和牛骨茶就系肉骨茶嘅升lvl版啦。以日本和牛肉、牛肋骨、牛筒骨加多种药材等熬足4个钟,汤底嘅牛肉味相当浓郁,比起平时嘅肉骨茶肉香更重,牛魔王要试。

对於香港人嚟讲,食完饭食甜品是常识吧。呢度都有自己嘅特色甜品,分别系咖椰锅饼同榴槤炸汤圆。前者嘅班戟皮煎得香脆,内馅夹住嘅甜甜der咖椰酱;至於後者,榴槤控绝对会爱上。呢粒炸波波,中间嘅馅系D24榴槤蓉啊,连埋混入斑兰汁搓成嘅皮一齐食,清香而不腻,好想食完一粒再一粒。

如果有去过铜锣湾店嘅朋友就应该知道,嗰边嘅饮品主要以cocktail为主打,而呢边,就系近期大热嘅鲜果茶、奶盖同养生系列。每杯都落足料㗎,鲜果茶以鲜果肉制作,而养生系列好似木瓜绿茶咁,仲真系有几嚿木瓜同雪耳喺入面,可以拮埋嚟食。呢排天气开始乾燥,要滋润下啦。

至於奶盖,用嘅系北海道牛奶,奶味自然浓香,而且最後洒上岩盐,令到芝士咸香更突出。芝芝果果呢杯,相信会系好多女士嘅飞佛,一嚟健康二嚟香甜,口感creamy。

仲有呢支纯米酒,天天sake,好清爽,完全唔似平时啲sake咁辛辣,就算系女生都唔会抗拒。细细支一餐实饮得晒。当然,如果你系好酒之人,就拣大size嘅先满足到你哋啦。

天天海南鸡饭
地址:尖沙咀柯士甸道西1号圆方1楼1050A号舖

文、相、片:Kar

关键字
九龙
新加坡菜
海南鸡饭
sake
榴槤
奶盖
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
2020-09-11
全城抗炎!屋企都叹到三层架下午茶 Tea Set外送/外卖自取推介
3天前
悠闲时光 9月份下午茶推介
2020-09-02
【9月生日优惠】最低至半价!生日平食放题.韩式炸鸡
2020-09-02
Stephy新开茶饮店 台湾回流 期间限定 联乘Snoopy推棉花糖朱古力特饮
2020-09-11