各位充满少女心嘅女士们注意，又有一间新嘅打卡餐厅要Bookmark喇！今次系来自泰国曼谷、传统泰菜Nara Thai Cuisine嘅姊妹品牌、以梦幻粉红色作主题嘅超人气餐厅Lady Nara，选址尖沙咀海港城。新店仲会首次公开其中一位创办人Narawadee Srikarnchana（Yuki）过往在家研发的私房食谱，系香港店先有嘅限定菜式！
室内设计以典雅绿配上粉红色，水吧枱用上淡淡嘅粉红水磨石铺设，仲有同总店一样嘅菱形镜墙，一张打卡专用嘅藤造秋千，梦幻得嚟又坐得舒适。
龙虾冬荫意粉（香港限定）（$168）
香港先有得食嘅龙虾冬荫意粉！用冬荫龙虾汤、龙虾肉、番茄莎莎、鯷鱼等炒香，惹味得嚟仲带有龙虾嘅鲜香，必试之选。另外一款冬荫限定菜式系招牌冬荫龙虾汤配蒜蓉包，一样咁鲜味！
香茅烧鸡（香港限定）（$328）
选用原只黄油鸡，先用鱼露、青柠汁、香茅等18款香料腌制过夜，然後再将新鲜香茅酿进鸡腔中，以180度烤焗半小时，出炉一刻劲香！肉质嫩滑多汁，而且香料味浓厚。
芝士肉酱粟米片（$98）
除咗限定菜式外，当然唔少得几款总店镇店菜式，芝士肉酱粟米片以墨西哥粟米脆片配搭泰式打抛猪肉，加埋三款酱汁包括菠萝莎莎酱、东北辣椒酱及牛油果酱等，香脆又惹味。
菠萝牛肉他他配甜酸蛋黄酱（$128）
而菠萝牛肉他他配甜酸蛋黄酱系着名法式牛肉他他变奏版，特地选用软腍嘅牛肩排，加入自制香辣蛋黄酱、菠萝粒等手剁而成，比起普通嘅牛肉他他多咗一份酸香层次。
更多【新店直击】： |
软壳蟹和牛汉堡配薯条（$168）
自家制的和牛汉堡扒配上香脆嘅炸软壳蟹、冬荫功蛋黄酱、酸甜鸡酱、车打芝士等，一入口无论口感定味蕾都超丰富！
泰式奶茶意大利芝士饼 （$88）
朱古力曲奇雪糕三文治（$68）
玫瑰泰奶茶（$48）、香茅蝶豆花梳打（$48）
地址: 尖沙咀广东道3-27号海港城港威商场3楼3303号舖
文: Yanica
相、片: Tom Li