慢煮纽西兰牛肉、三文鱼 观塘工厦抵食日式丼饭店(有片)
2019-02-28

潮流兴慢煮,唔少新餐厅都以慢煮作为招徕,包括观塘呢间日式丼饭店。每日供应四款慢煮丼饭,包括选用纽西兰牛嘅慢煮火炙牛腹扒丼,以鸡髀肉配双色芝士嘅照烧鸟肉芝士爆丼等。即叫即慢煮,食客可以透过玻璃见到厨房制作过程,咁就唔怕等嘅时候会闷啦。
 


慢煮屋位於观塘一座工厦当中,系唔少附近上班一族嘅饭堂。全日供应四款日式慢煮丼饭套餐,贵精不贵多。套餐附送嘅前菜同餐汤大概一个星期换一次,餐汤更加系无添加味精嘅蔬菜汤,感觉都健康啲。
 


姜汁酱烧豚肉丼($88)

以美国豚肉片为主,加上酱汁食落惹味得嚟又唔会盖过猪肉香,不过以慢煮嚟计就略嫌肉质硬左啲啲,而且姜汁味道唔够突出。不过胜在豚肉份量十足,多到可以遮住哂啲饭,加埋中间有只半熟温泉蛋,捞埋蛋汁食就啱啱好喇。
 


姜汁酱烧豚肉帆立贝丼(需预订 $88)

嚟呢度食饭最好先订台,皆因预订再Like加Share佢地Facebook嘅话就可以免费升级!最新升级版就系呢款姜汁酱烧豚肉帆立贝丼,喺上面加上轻烤帆立贝,帆立贝用嘅系刺身级别,啖啖鲜味口感嫩滑。
 



慢煮火炙牛腹扒丼($108)

而牛魔王就一定要叫呢款火炙牛腹扒丼!选用新鲜纽西兰牛肉,抽真空再慢煮以保持肉质嫩滑,火炙後再淋上秘制烧汁、黑椒同蒜粒。食落果然相当软腍,部分有少少筋。牛肉油花分布平均,肉味香浓。而且调味得宜,烧汁配粒粒分明嘅珍珠米,捞饭自然够好味。
 

更多【新店直击】:
1. 鲜鲍鱼珍宝喇沙、四色手工咖央多士 西环正宗娘惹菜荃湾重开
2. 全场划一收费 $20、$40、$60食海胆山+刺身+锅物 湾仔新开日式食堂
3. 牛魔王出动!旺角新开烧肉店 稀有M9+全血纯种澳洲和牛

 

照烧鸟肉芝士爆丼($88)

选用美国300+鸡髀扒,同样抽真空再慢煮,加上水牛同车打芝士後烧香,一上台就闻到香喷喷嘅芝士同鸡油味!食落鸡肉亦非常嫩,而且肉质结实唔会过腍。鸡肉本身已经有入味,加埋双色芝士就更加香口。
 


慢煮三文鱼配牛油果丼($98)

颜色非常丰富,而且蔬菜份量唔少。主要系慢煮挪威三文鱼扒,撕成粒粒後加用柠檬、柚子胡椒等调制嘅橘子酱汁,令鱼肉味道更清新,再配同样富含Omega 3嘅牛油果粒、青瓜、紫菜、鱼子等等。卖相吸引之外口感层次都非常丰富,味道清新完全无油腻感。
 






慢煮屋
地址:观塘开源道60号骆驼漆大厦3期11楼G室




文、相、片:Cathy

关键字
观塘
日本菜
慢煮
丼饭
慢煮屋
新店直击
走在最前线,为大家搜罗及报道有关新开餐厅的资讯。
餐厅资料
本月热门
情人节去K11 MUSEA 一文睇晒浪漫餐厅
2020-02-06
美国人气肉桂卷抵港!烟韧原味/朱古力/焦糖胡桃卷(有片)
2020-02-06
全城抗炎 与医护同行!提供医护餐饮免费优惠餐厅一览
2020-01-31
全城抗炎!60间餐厅推$0-$25酒精搓手液换购计划
7天前
有平有贵 情人节餐各级价格攻略
2020-02-04