恐惧斗室Billy出没!主题公园哈罗喂「血腥」美食(有片)
2017-08-31

就嚟又到一年一度嘅万圣节,入主题公园玩之前不妨睇埋开饭仔介绍今年嘅套餐同小食,包括影迷必试嘅《恐惧斗室》主题套餐,「血腥」特饮,有气氛又唔啱小朋友嘅儿童餐,同方便边行边食又够饱肚嘅小食等。食饱咗好上路、吖唔系、系行路去鬼屋玩吖嘛。
 

《恐惧斗室》主题套餐
 

钟意《恐惧斗室》嘅Fans应该会尖叫,系兴奋到尖叫呀。成个套餐有哈罗喂气氛得嚟又贴题。前菜意式虾云吞配黑菌忌廉汁及蕃茄汁,大厨特别将云吞整到成个大脑咁,加埋番茄汁真系有啲「血腥」。之後嘅甜椒蕃茄汤更加系系一片「血池」旁边摆咗Billy大头!
 

而主菜有三款选择,最搞鬼嘅一定系柠檬百里香海盐焗鲈鱼配白酒汁,因为海盐特别整成Billy大头咁,食之前要先扑开Billy大脑!
 

而另一「血腥」选择就系鲜茄海鲜南瓜意大利饭,用甜椒同猪油网包住嚟扮人类内脏,而且食之前仲要亲身将南瓜汁用针筒打落去,又系一个影相位。最後红酒烩牛尾卖相亦系一片红,各位食肉兽唔知会唔会因为有啲恐怖而唔敢食?
 

嚟到最後甜品环境就系以电影每次都会出现嘅「Play Me」录音带作为造型嘅椰子竹炭朱古力慕斯,绝对要相机食先。另外仲有恐惧斗室特饮,两粒生果「眼珠」下面其实系柠檬沙冰,造型搞鬼但饮落相当消暑呢。
 

供应餐厅:冰极餐厅(全日)及海龙王餐厅(11:00 - 14:30及16:30至餐厅关门)
供应日期:2017年9月15日至10月30日




巫饭极乐套餐
 

另一恐怖造型套餐之选,以巫师同炼金术做主题。前菜猛鬼断头台个名听落有啲恐怖,但其实系老虎虾沙律伴海鲜啫喱嚟。而汤就特别用高身玻璃樽装住,令大家饮呢樽蕃茄冻汤嘅时候好似有种饮紧魔法药水嘅感觉。
 

主菜卖相绝对会令大家「哇」一声,因为有只手喺墓地伸出嚟!其实呢碗瑶柱鲍鱼鸡粒炒饭上面系插咗只鸡脚啫。甜品炼金迷阵好有魔术Feel,乾冰白烟中嘅系黑朱古力、白朱古力、士多啤梨同芒果口味慕斯。
 

供应餐厅:海洋冰室
供应日期:2017年9月15-17,23-24及30日,10月1-2,5-8,13-15,19-22,26-29及31日




哈罗喂全日祭儿童餐
 

小朋友都想食哈罗喂套餐?当然有儿童餐供应啦!南瓜忌廉汤配蒸蛋及黑橄榄,得意又搞鬼。主菜鲜虾橄榄蕃茄意粉配哈哈笑薯圈唔单止卖相吸引,仲配埋Kraft Heinz x 海洋公园珍藏版迷你茄汁。食埋牛油蛋糕配竹炭曲奇及卡夫棉花糖酱做甜品,满足哂。
 

供应餐厅:冰极餐厅(全日),海龙王餐厅(11:00 - 14:30及16:30至餐厅关门),海洋冰室(全日)
供应日期:冰极餐厅及海龙王餐厅:2017年9月15日至10月31日
海洋冰室:2017年9月15-17,23-24及30日,10月1-2,5-8,13-15,19-22,26-29及31日




哈罗喂全日祭特饮
 

连饮品都好有哈罗喂特色!HW102017口福疫苗饮料(Lakeside Chill Bar供应)大大支针筒够玩味,有红色(姜味汽水、柠檬汁、石榴糖水)同绿色(青柠汁、雪碧、薄荷糖水)两款选择。想再「血腥」啲可以拣血池地狱,饮之前将针筒里面嘅士多啤梨汁倒落绿色薄荷饮品里面,真系几有血池效果。
 

供应餐厅:Lakeside Chill Bar/海洋冰室
供应日期:Lakeside Chill Bar:2017年9月15日至10月31日
海洋冰室:2017年9月15-17,23-24及30日,10月1-2,5-8,13-15,19-22,26-29及31日




恐惧斗室单点小食
 

想边行边食嚟医肚嘅话,可以留意呢啲小食呀。烟火鸡槌配肉酱及粟米片同黑椒牛肉汉堡配格格薯块(动感美食坊供应)都够大份,而小食拼盘配肉酱(海滨广场雪糕车供应)就有两件炸鸡槌同三条辣肉肠,点埋肉酱啖啖肉最啱食肉兽啦。

供应餐厅:动感美食坊/海滨广场雪糕车
供应日期:2017年9月15日至10月31日



文、相、片:Cathy

关键字
海洋公园
哈罗喂
恐惧斗室
万圣节
饮食潮流
开饭仔为大家发掘香港这个美食之都的最新美食资讯,分享饮食潮流文化。
餐厅资料
更多
收起
本月热门
【随时更新】零食速报 每周新款零食、酒品点评
5天前
【2021生日优惠】持续更新!6月寿星送海鲜拼盘
2021-06-01
《优秀开饭热店大赏2021》赛果公布
2021-05-24
5月份好评餐厅十强
2021-06-04
一秒变出 招牌十八层海胆杯 佐敦小店全新体验 魔术X铁板烧
2021-06-11