得闲饮「茶」 5间特色茶室介绍返
2017-07-18

成日都话得闲饮茶,但得闲嗰阵,你有几何得闲真系去饮「茶」先?近年多咗人品茶,茶室亦都开咗唔少,间间都各有特色,今次讲住5间先。

汤圆配中国茶   Mr. S. Y. Punti

图:Helenbobo39im_bowiecc(Instagram)

过时过节屋企一定会食汤圆,而通常食汤圆,都系配姜汁糖水,辣辣地又甜甜地咁食。之但系,呢间小店几得意,汤圆可以选配中国茶呢个新配搭,芝麻汤圆浸住喺乌龙茶中,渗有茶香,甜中带甘。至於茶饮,可以试下杏仁茶,杏仁余韵几香,甜度适中但又唔会盖过茶香。

手工茶味意式雪糕   茶作

图:Foodcaptain.hkWildchildcarol

传统中国茶、手工奶茶等等都有得饮,老板得闲嘅话仲会亲自示范点样泡茶,分享下茶道咁,即使初入门嘅朋友仔都可以体验下。夏天饮冻嘢最开心,所以冷泡茶会系唔错嘅选择,但上到嚟不能不试嘅,一定系呢度嘅手工茶味意式雪糕!铁观音呀、蜂蜜茉莉龙珠呀、普洱呀、桔普雪芭等等都有,有啲茶味香浓啲,有啲清香啲,系几特别嘅,不过喺新蒲岗又真系远咗少少呀。

焦烤柠檬茶   茶。家

图:mandy-suenTwingyli

抹茶控对呢间一定唔会陌生,佢哋嘅人气之选,绿茶芝士蛋糕茶味同芝士味平衡,两者都做得香浓而幼滑。不过如果试过嘅朋友,再嚟可以试其他款式,泰式奶茶芝士蛋糕都唔错呀,特别嘅口味唔系周围搵到。焦烤柠檬茶系另一推介,柠檬茶成日饮,但柠檬经过烧烤嘅过程,带有焦香味,同平时嘅感觉唔同呀。

特浓朱古力茶壶   人间世茶会馆

图:cfung426懒羊Jim

观塘呢间工厦café聚集之地,亦开咗间茶馆,地方非常之宽敞,一心想嚟悠闲叹茶,hea返个下昼嘅就啱晒。环境清静,亦有唔少茶具供欣赏。店主闲来亦会分享下泡茶嘅心得,茶客可以互相交流。而且呢度嘅茶款都几多,普洱、铁观音以外,亦有少见嘅岩茶、单欉。配茶甜品都有几样选择,配搭特别嘅有豆腐mousse茶饼,外貌协会嘅就有成个茶壶形嘅特浓朱古力mousse。

清纯品茗   文博轩

图:月兔子Kitty食

真文青应该会几锺意呢度,首先地利方面,佢喺文青最爱嘅赛马会创意艺术中心度。而内涵,即系佢嘅menu亦见特色,时下兴食饺子,佢都有,仲要系姜汁芥兰饺子,姜味突出而唔辣。其余轻食包括桂花糕、柠檬红茶果冻等。呢度以提供清纯品茗为主,系一个可以安静享受同学习品茶嘅地方,出面比较少饮到嘅肉桂红茶都有得饮,btw想睇茶艺示范嘅就需要预早约定喇。


文:Kar


关键字
观塘
新蒲岗
上环
西环
茶室
甜品
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】最後倒数!即将结业的老字号及人气小店
2020-05-19
【随时更新】零食速报 每周新款零食、酒品点评
2天前
全城抗炎!人气酒店自助餐重开 每位送鲍鱼、带子
2020-05-11
全城抗炎!喺屋企做大厨 懒人煮食包/套餐集合文
2020-05-13
旺角新开花艺Cafe 丰富全日早餐+明太子猫耳朵+特调有机花茶(有片)
2020-05-18