尖咀Omakase 独创三文鱼子海胆日式糯米饭 新开业优惠 第2位半价
2020-03-19

冇得飞日本,相信大家都会比平时更加想食日本嘢!最近尖沙咀开咗间Omakase,有多款新鲜刺身、寿司同独家创作料理供应,价钱算系几亲民,新开业期间仲有第2位半价优惠添!

餐厅两位主理师傅都入咗行15年,一位擅长日式烧物、碗物、煮物等後厨料理,一位则擅於制作寿司、刺身等料理,二人联手合作,坚持采用日本直运嘅珍贵新鲜时令食材。加上餐厅大部分座位都系围住张吧枱坐,可以近距离观赏师傅手势之余,亦可随时同师傅交流!

抵食午巿套餐  Omakase Sun

呢个午巿套餐包括咗12件季节特选寿司,汤品、茶碗蒸同甜品等,一定够饱!寿司款式会因应时节而转换,开饭仔去采访时,就有毛蟹海胆、银鳕鱼、小肌、深海池鱼同日振岛中拖罗等平时较少食到嘅寿司。银鳕鱼加咗少少蒜香再经火炙,又滑又香;鮟鱇鱼肝加入西瓜渍,口感更丰富亦辟去腥味;至於小肌,鱼肉幼嫩又富有醋渍香。每件寿司都系师傅即场手握,寿司饭选用鱼沼越光米,甜度更见饱满。面头嘅鱼生,亦落咗唔少心思,一下一下嘅千刀切,多条切痕令酱油更均匀咁渗入鱼生内,口感亦较普通一片就咁食嘅爽口滑身。

呢个set原价 $368,喺新张优惠期间,二人同行嘅话每位都只系200零蚊就食到!

高性价比晚巿套餐 Omakase 月

呢个set包晒有前菜、刺身、寿司、汤品、御料理同甜品,款款都食得出师傅嘅心思。

大大只北海道真蚝固然可以一次过满足晒视觉同味觉,拖罗三切入口即溶亦系港人至爱,但刺身中嘅富山湾鰤鱼亦不能忽视,鰤鱼喺舖头自家熟成咗10日,令油分更香,肉质更软滑弹牙,加埋少少柚胡椒,仲有微微辛香添。不过由於熟成需时,未必次次去亲都遇到呀,睇下你哋运气了。

平时食开嘅天妇罗,通常都系炸虾呀南瓜呀茄子等等,呢度食到嘅,居然系南非鲍鱼天妇罗同北海道帆立贝天妇罗!师傅表示呢两款系喺最新鲜嘅状态拎去制作,帆立贝炸至半生熟,鲍鱼天系先经慢煮然後至炸,难怪食落外层香脆得嚟,内里仲依然能够保持鲜味同爽口!

最特别嘅系师傅独创嘅三文鱼子海胆瑶柱日式糯米饭,选料采用粘性较高嘅日本直运糯米,口感烟韧。北海道马粪海胆放入焗炉焗至甘香後再加入煮酒蒸两三个钟,咸鲜味更突出。至於粒粒瑶柱,则预先用昆布木鱼汤浸咗成晚,再炒香,用慢火煮一两个钟。每样材料处理细致,一啖食落口,阵阵鲜味逐层爆发,不过都系嗰句,期间限定嚟,迟下师傅可能就换咗另一款新菜啦~

 花晨便当

花晨月夕
地址:尖沙咀赫德道2号金麟商业中心2楼


文、相、片:Kar

关键字
尖沙咀
厨师发办
Omakase
日本菜
刺身
寿司
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
3天前
全城抗炎!送上门懒人煮食包及套餐大合集2.0 花胶炖汤/火锅/铁板烧
2020-10-07
牛大人火锅姊妹店!旺角新开台式烧肉吃到饱 任食澳洲 M5 和牛、SRF极黑牛霜降牛肉眼
7天前
【即睇10月生日】酒店半价放题 Tiffany & Co.旗舰店导赏
2020-10-06
高级意大利菜餐厅尖沙咀重开 拥无敌海景 即席炮制经典芝士黑松露意粉+抵食3道菜午餐
2020-10-12