大学生校外食堂大揭秘──九龙城篇
2017-01-16
年青人嘅力量系唔可以睇少,大人们好多时都未必有佢哋咁精明咁知窿路,尤其大学宿舍附近其实有唔少食好西嘅地方。今次开饭仔决定带大家食晒全香港嘅大学生食堂,第一站就嚟到九龙城,由於呢到邻近几间九龙区嘅大学,当然系收埋唔少平民美食喇,睇下啲後生有咩推介畀我呢啲老友记(扮老Mode启动)。

男人嘅浪漫 成发潮州菜馆


              (图:Lawrence Lau

好多人一谂起九龙城就以为一定系食泰国嘢,其实呢到仲有其他好嘢食,潮州打冷就系一个唔错嘅选择。唔少大学生都锺意喺附近打完波成班男人过嚟食晚饭顺便啤啤佢,因为呢到真系CP值好高。食得打冷点可以唔叫返碗韭菜猪红,另外用酸梅做配料嘅潮香骨亦可以一试,味道酸酸地令人胃口大增,再饮啖啤酒,简直系男人嘅浪漫。


宵夜开餐之选 有口福车仔面



你知啦,住得大学宿舍好多时都夜训,十一二点先嚟肚饿,梗系要落九龙城食返个宵夜填下肚。呢间有口福车仔面就系其中一间宵夜之选,有超多款餸任你拣,萝卜、猪皮入味,咖喱鱼蛋汁惹味,土鱿爽口,价钱公道,啱晒宵夜开餐,难怪时不时都有大学生夜妈妈嚟食啦。


唔赢装修赢实力 兴隆泰国美食


 (图:mohkc

讲到泰国菜,九龙城的确系有数之不尽咁多个选择,但系要数出大学生最爱去嘅泰国菜馆,一定非呢两间莫属。单睇装修同环境,你未必会拣呢间兴隆泰国美食,但试过你就明白点解晚晚都会有人排队等位!招牌菜猪肉碎生菜包,只有少量肥肉,辣度适中;串烧蘸上秘制嘅花生沙茶酱,的确会令人食上瘾。餐厅环境就系简陋咗啲,但美食搭够,已经值得令人回头!


学生公认最抵食 泰禾美


(图:Paulin Tang

泰禾美系最受附近住嘅大学生欢迎嘅泰菜,抵食之余亦有质素,包你可以喺到食到肚满肠肥。青木瓜沙律用清甜木瓜丝配上酸辣配菜,超开胃;烤鱼大大条,摆上枱晒够霸气。仲有呢到嘅烧鸡翼烧得恰到好处、菠萝炒饭亦有唔少食客推荐,所有食物由泰国人亲自主理,唔怪得味道咁正宗喇。近排泰禾美仲搬咗新舖,比起旧舖啲位阔落咗,环境舒服咗,今次又多个藉口返去再帮衬啦! 


早茶夜茶无任欢迎 点心居


 (图:BoboBinMaryMuahx

做得大学生又点少得玩通顶,当然要玩完成晚朝早再饮埋早茶先叫热血!点心居营业时间由朝早六点至凌晨两点半,无论早餐团定宵夜团都无任欢迎。呢到嘅流沙包差唔多系每抬必叫,一咬开个包热腾腾嘅蛋黄流沙全部涌晒出嚟,记住要小心烫口。蜜味叉烧肠粉皮薄,而且分分钟仲滑过你块面,配上甜豉油,又系另一样必叫点心。仲有好多传统点心,款款都用真材实料,价钱公道,茶位只系位位三蚊,所以不论系老人家定学生都咁锺意过嚟饮啖茶、食个包!


辣得够过瘾 有福气

 
(图:祖记小宝fumihiko

大学生同成班同学仔一齐打边炉,一边见住啲食物滚吓滚吓,一边吹水讲笑,不知几开心。但一般嘅火锅又点会满足到大家呢,不如试下食川菜风味嘅鸡煲烤鱼啦!呢间有口福,个名就几架势,食完会唔会觉得自己超有口福呢?烤鱼嘅酸辣惹味非常,囗水鸡又滑又入味,愈食愈开胃。最後用埋鸡煲或者烤鱼嘅汤底打埋边炉,真系不得了!


创新心思之作 嚐乐


 (图:dercchFoodcaptain.hk

九龙城一向多甜品舖,有时食厌咗中式传统甜品都会想试下啲新嘢。嚐乐嘅装修相当有心思,放满咗唔少模型摆设同名信片,令人有一种亲切感。呢度有多款创新甜品,其他地方肯定未见过,而且款款个样都好靓,真系令人有冲动试晒咁多款。当中黑糖奶茶皇奶茶味浓,星星茶庄嘅绿茶果冻甜度适中,唔会太甜腻,做饭後甜品最适合。不过店内面积唔大,只有五张枱,可能要等多阵,多人可以叫外卖返宿舍食。


文:Dap


其他精选文章推介:
【新店直击】100%日本原产人气蛋糕店登陆太古 Tea Time生日蛋糕有着落(有片)
【熟食中心寻宝】点心奶茶瓣瓣掂 上环市政大厦
【鸡年开饭】「糕」贺鸡年!农历新年新年糕


随时接收最新资讯
赞好OpenRice专页!
关键字
九龙城
点心
泰国菜
打冷
车仔面
开饭专题
开饭仔为你提供各类型最新饮食情报及优惠,全面照顾你的饮食喜好。
相关文章
元朗「泰」滋味 5间特色泰国菜馆
2017-04-13
【编辑推介】一次过满足你的星马泰愿望
2017-03-09
【新店直击】闹市必试水准点心店:真点心
2017-05-04
一个人喺太子食乜好?
2017-05-04
够麻甩够地道 元朗4间香口车仔面店
2017-02-22
【爱心热店专访】荃湾80後暖男 特制饭盒送长者(有片)
2017-04-24
餐厅资料
更多
收起
本月热门
【随时更新】便利店寻宝 每周新品速报
2019-11-29
【2019圣诞】早鸟优惠! 圣诞自助餐推介
2019-11-27
秋风起!5间大闸蟹放题食店集合
2019-11-19
【2019圣诞】年尾叉电 圣诞下午茶集合推介
2019-11-19
【2019圣诞】约会之选 圣诞市集推介
2天前