咖啡世界同葡萄酒世界一样咁宏大,唔同产地、庄园、种植及处理方法以至烘焙及拼配,都可以带来各种风味。不过相信每个啡友都有自己嘅偏好,有人锺意果酸、有人喜爱甘苦,所以饮到一只完全符合自己心水嘅咖啡并唔容易!
精品咖啡店The Coffee Academics Roastery於中环开设pop-up店,并非只得咖啡饮,更设有Custom Blending Bar,可以度身订造个人专属咖啡豆!咖啡师Ed称:「首次推出嘅Custom咖啡调配服务,可以根据生活习惯、个人口味等,拼配出你喜爱而且独一无二嘅咖啡豆。」
客人先用iPad回答问卷,包括锺意咩音乐、旅行模式,然後最重要嘅咖啡味道、body同aftertaste,最後就拣斋啡定加奶饮、冲法等。锺意听咩歌同饮咖啡有咩关系?Ed话:「主要影响到饮咖啡嘅mood,锺意听Rock嘅人,口味可能偏向重啲!」
总共有27种来自世界各个咖啡豆产地嘅咖啡豆,非洲、中南美洲、亚洲,甚至连中国云南都有!拼配就会由咁多款咖啡豆挑选出三款,以40%、40%及20%比例混合,有成千种mixing,而全部都系中度烘焙,唔会太浅或过深,用唔同冲法都可以保持到咖啡风味及复杂性。
咖啡豆有两个价钱,Premium ($238/200g)用上80分以上咖啡豆,再贵少少嘅Award Winning Micro Lot ($368/200g)会包括埋公平贸易咖啡豆、Cup of Excellence及较罕有嘅微批次等,着名巴拿马艺妓都有两款。部分咖啡豆有社会责任元素,如中国云南出产嘅咖啡豆可以帮助到少数族裔,巴西Direct Trade咖啡豆系来自Women in Coffee活动,可以帮助到当地妇女,而洪都拉斯咖啡豆亦帮到当地儿童及青少年。
咖啡师会即席喺客人面前拼配,成个过程最快20分钟就可以完成,亦可以选择需唔需要磨粉、几时取货等,相当方便。而且亦可以拣包装贴纸,写埋名,送礼自用都得。
<
Ed话暂时客人口味都几平均,以Choco、Nutty大路口味为主。开饭仔嘅个人拼配系以混合哥斯达黎加、秘鲁同埋印尼苏门塔腊而成,以果仁味为主,medium body得来有长长余韵,饮落好舒服。但咖啡好讲个人口味,所以想调配独一无二又适合自己口味嘅咖啡豆,就要去为期六个月嘅pop-up店喇!
The Coffee Academics Roastery
地址:中环金融街8号IFC 3楼LA5
营业时间:10:30am-8pm
文、相、片:Perrins