享受微醺周末!居酒屋新风潮!(1)
2019-05-03
星期一至五系办公室坐到攰一攰,放工天色已暗,周未难免会想去喝杯Relex下。虽然话香港讲喝讲食嘅地方唔算少,但对爱去日本旅游嘅港人嘅讲居酒屋始终有一股难以言喻嘅治癒力!周末最啱约一班好友一齐喝一口清爽过瘾嘅清酒,配上炉头传来嘅炭香,周末一解心口个股工作带嚟嘅闷气啦!快啲send个短讯比好友:「一齐去喝一杯啦!」

一藏酒场 (湾仔)      
一藏酒场位於湾仔筑地‧山贵水产市场,系一间主打日本清酒嘅居酒屋,配以传统日本酒肴-海鲜烧物,带你进入仿如置身於日本嘅味觉之旅。酒场设计高贵典雅,场内所有清酒全部由日本直送!将真正地道嘅日式酒场体验引入香港! 系三五知己吹水乾杯嘅好去处之地!

(人气) 鬼地狱海鲜汤乌冬
世界上辣椒嘅辣度以「史高维尔辣度单位」嚟衡量辣椒素嘅浓度,世界上最辣嘅辣椒美国「卡罗莱纳死神」辣椒有220万度,而鬼地狱海鲜汤乌冬则有100万度!(唔好睇少碗乌冬好似唔红咁⋯⋯) 轻则泪水狂飙,重则火烧心!想试又怕辣嘅朋友仔不妨先试小辣或者走辣版本!

店长指定清酒Tasting Set
一set三杯50ml季节限定嘅日本清酒,美酒师会为每个客人精选适合嘅清酒,为女士推介较为轻盈易入口嘅、为男士及有preference客人推介较浓烈及特别嘅清酒,务求切合每个客人需要,饮过如果锺意,仲可以一盒盒180ml咁散买走!

(期间限定) 德岛県香鱼炉端烧定食
用上被誉为日本最後清流-四国德岛县四万十川嘅香鱼,香鱼肉质鲜嫩多汁,简单咁抹上少少盐巴烤,已经香味四溢!餸饭一流!

(期间限定) 爱媛県鲷鱼配极鲜鱼汤泡饭

以「鱼之王样」真鲷煮成,鱼汤乳白色,赏味指数极高,米饭王者日本新泻米配上每日新鲜熬制热辣辣嘅鱼汤,简单得嚟清甜十足!一吃就上瘾!

(期间限定) 冲绳阿古豚角煮定食定食
以冲绳「梦幻之猪」阿古猪整成,降霜肉脂肪十分甘甜,入口即溶,肥而不腻!搭配流心温泉蛋好夹!豚角仲有唔同程度嘅油份供容人选择,非常贴心! 


申子居酒屋 (旺角)
申子居酒屋位於竞争激烈嘅旺角黑布街,所以老板念咗唔少Gimmic主意吸引客人,既让客人用水晶板、岩石板DIY烧肉,又有自制甜品,更提供外卖餐点同Cocktail,打破一贯居酒屋格局!主厨更曾到访大阪老字号居酒屋学艺一个月,至今师傅仲会每月都港视察,对食材处理同食物品质极为执着!所以菜式都坚持用新鲜日本直送材料,部分菜式更是自家研制,系旺角难得有姿势又有实际嘅居酒屋! 钟意食日本菜嘅朋友不妨试试!

吉列千层芝士豚肉 (三重芝士)
独门自创吉列千层芝士豚肉,特别挑选日本栗饲豚腩肉,豚肉肥瘦适中。猪腩肉卷八层,加入芝士蘸粉炸,质感外脆内软,芝士味浓,更有拉丝效果,配埋沙律酱同猪扒汁一齐食,酸酸甜甜非常开胃! 

蓬松中玉子
蛋包围住玉子同芝士,切开有流心蛋汁流出,超滑超香! 配埋沙律酱、烧汁同葱花进食蛋味更突出,味道更日式!

广岛蚝锅
选用广岛蚝,而且份量十足,蚝肉饱满,汤底浓稠无味精,入口鲜甜美味又多汁!

申子卷 
自家研制嘅招牌卷物之一,以鲜炸鱼皮做馅料,入口香脆可口,配上三文鱼、吞拿鱼、油甘鱼, 柔软中有爽脆感,口感相当特别!

黑松露鸡肉芝士杂炊
鸡肉同新款芝士混合炊成嘅白饭,入口有芝士香,配上面头嘅黑松露酱,入口有微微嘅黑松露香气,仲一啲都不腻,正呀!



桻之烧 (筲箕湾)  
一间位於东大街嘅Fusion居酒屋烧烤小店 ,食材讲究新鲜,店内主打串烧同海鲜,以即烧活海鲜、创意串烧作主打。每日下午会派专员到去筲箕湾鱼市场买当日最靓嘅本地野生游水海鲜,海鲜迷预订想食嘅海鲜!店内更有超过三十款日本酒,让食客可以边喝酒边吃烧烤,每星期仲会提供约十五款清酒供食客散叫(300ml),款式每星期转换,人少少想饮翻杯都无有怕啦!!


招牌汁烧鲜蚝饭团 

新鲜热腾腾即叫即烧嘅饭团加咗大厨自家调制嘅惹味日式酱汁,配上日本广岛蚝,味道鲜甜带米香!有紫菜包着饭团一同咀嚼,加埋少少沙律酱,味道更昇华! 

至尊太白农场鲜醉鸽皇
店内自家屠宰不超过25天嘅惠州新鲜无激素嘅乳鸽,用肉眼,老鸡,加肉桂香叶等,熬超过5小时摊涷去油,再配上适量玫瑰露酒及稽山源绍兴十年陈酿花雕浸最少一整天入味,才上餐桌。难怪酒味出众,肉质弹牙,嫩滑入味,仲配有盐焗新鲜鸽内脏,值得一试!

全港首创盐烧马友一夜干
店主从渔民手上买入约12両嘅原条鲜马友,再用日本海盐腌一夜,令原本鱼油味重嘅马友收乾水分,肉质变得结实,然後简单地烧香,做到咸香惹味,味到鲜香,鱼味香浓,难怪咁多客人都净系食剩鱼头鱼尾啦!

名物の鲜鸡皮手打虾胶卷
自家制工序复杂嘅手工菜式,用上足两只嘅新鲜鸡腿皮,去油脂肥膏後包上手打虾胶及墨鱼胶。烧香咗嘅鸡皮将鸡油逼落虾胶同墨鱼胶入边,香味四溢!鸡皮嘅香脆同虾胶嘅鲜甜弹牙互相完美配合,口感一流!

酒渍鲜鸡肝
鸡白酒渍成嘅日本新鲜鸡肝,食当每一啖都有鹅肝嘅质感,入口即融,有淡淡果香味,餸酒一流!

心动不如行动!有兴趣就快啲约埋三五知己去叹下美食啦!快啲bookmark定啦!


*以上图片只供参考,所有食品以实物为准. 食品供应因餐厅而异
关键字
居酒屋
旺角
芝士
清酒
日本
辣椒
美食
海鲜
定食
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
本月热门
【随时更新】零食速报 每周新款零食、酒品点评
4天前
至甜初夏 6月下午茶推介
2020-06-15
甜蜜蜜暑假 7月下午茶推介
2020-07-03
送A4和牛拼盘!最平$298任食两小时 铜锣湾新开鬼怪主题日式烧肉放题店
2020-06-22
【7月生日优惠】免费食酒店晚餐.免费粥底火锅
2020-07-02