九龙首个Teavana Bar登陆观塘!香港独有8款创意茶饮(有片)
2019-07-24

锺意饮茶嘅朋友仔注意喇,呢间连锁咖啡店新开茶饮吧!观塘分店新设Teavana™ Bar,开放式设计可以畀大家观赏冲调过程。亦新增八款香港独有嘅创意现代茶饮,包括棉云泡沫鲜果雪漾星冰茶、日出抹茶、荔枝伯爵红茶等。亦可以自选自己喜爱嘅原片茶叶茶,口味配搭多元化。
 


Starbucks Teavana™ Bar继去年喺铜锣湾旗舰店首次登场後,嚟紧将会进驻九龙区!观塘apm店听日(25/7)会增设Teavana™ Bar,而尖沙咀iSQUARE店亦会喺26/7开设香港独家Teavana™ Kiosk,方便大家Grab & Go。两间店将会提供多款鲜果茶、特调茶饮、鲜奶茶等等,其中八款仲系香港独有!
 


(左)日落洛神花茶($39),(右)日出抹茶($39)

两杯茶饮都有亮眼嘅渐层卖相,分别以日落同日出嚟比喻。日落洛神花茶用鲜橙片、橙汁配梳打水,最後倒上紫色嘅洛神花茶。而日出抹茶就以日本抹茶为底,加芒果热情果汁,最後以菠萝片嚟模仿太阳升起。两款都加入热带水果元素,好啱炎炎夏日饮呀。
 


棉云泡沫鲜果雪漾星冰茶($45)

棉云泡沫其实系用脱脂奶高速打成绵密轻盈嘅奶泡,配果茶增加口感层次又会觉得腻。鲜果茶底有两款口味,可以拣菠萝或士多啤梨配搭品牌云雾绿茶。而且可以自己选择甜度,想几Refresh你话事。
 


(左)蜜桃青柠薄荷云雾绿茶($45),(右)荔枝伯爵红茶($45)

创意唔单止系指口味配搭,喺冲调方式上亦有新方法。蜜桃青柠薄荷云雾绿茶糅合调酒概念,云雾绿茶底加薄荷叶、青柠、蜜桃汁等Shake匀,配底部带果肉嘅蜜桃啫喱,最後加上苏打水同青柠。而荔枝伯爵红茶用原粒荔枝配搭有佛手柑香嘅伯爵红茶,顶层加入蝶豆花茶形成天然梦幻渐层。
 

更多【饮食潮流】:
1. 盛夏Take个break 7-8月下午茶推介
2. 旺角Barbie主题泰式少女心Afternoon Tea!同场有Barbie 烘焙工作坊自制甜品
3. 蜡笔小新点心强势回归!必点Pat Pat奶冻、朱古力流沙包

  

蜜糖香蕉亚麻籽($45)

知道香港人越嚟越着重健康,呢款饮品就特别用蜜糖、乳酪粉,同有机亚麻籽粉制作,皆因亚麻籽高纤又有助抗氧化,香蕉亦可以帮手舒缓紧张情绪!茶底可以喺云雾绿茶、英式红茶、洛神花茶、薄荷香柠绿茶,同白茶当中选择,好似开饭仔呢杯就系洛神花茶底。
 


日本梅子青柠红茶($45)

糅合英式红茶同日本梅子嘅创意配搭,里面亦用咗梅子蜜糖酱、新鲜青柠,同梳打水调配,令红茶变得酸甜清新。
 


另外亦有原片茶叶茶供应,热饮可选择一款茶包或特调茶,而冻饮就可以拣两款Teavana™茶包!例如可以以比较清淡嘅果莓白茶配搭无咖啡因嘅甘菊花茶增加香味。
 





Starbucks Teavana™ Bar
地址:观塘观塘道418号创纪之城五期(apm)2楼15号舖




文、相、片:Cathy

关键字
Teavana
抹茶
星冰茶
观塘
Starbucks
饮食潮流
开饭仔为大家发掘香港这个美食之都的最新美食资讯,分享饮食潮流文化。
餐厅资料
本月热门
【随时更新】最後倒数!即将结业的老字号及人气小店
2020-04-01
【随时更新】零食速报 每周新款零食、酒品点评
6天前
全城抗炎! 5间酒店自助餐转型 任点任食海鲜/主食/甜品 变阵保卫生
2020-03-17
【特约分享】超抵外卖陪你抗疫 即睇将军澳饮食地图!
2020-03-10
【随时更新】全城抗炎!多间集团餐厅及老字号宣布 暂停晚巿或休业 (内附名单)
6天前