被誉为「经典意菜鼻祖」嘅意大利餐厅VA BENE曾於中环兰桂芳扎根超过二十年，系香港人气数一数二嘅意大利菜，其後迁至上海，最近回流香港於九龙塘重新开业！新店采用地中海风作室内设计概念，半开放式设计令采光度更佳，食物方面厨师团队以传统意菜为基础，糅合其他欧陆菜嘅烹调手法，重新设计更合港人口味嘅新菜式，另外餐厅午市仲供应超抵食嘅半自助餐！
餐厅於平日供应$198半自助餐，包一份自选主菜、甜品及饮品，仲有出面嘅自助bar可以任食海鲜、烧牛肉、沙律及甜品，呢个价钱嚟讲真系好抵食！假日都只系$268咋。
VA BENE特色烤鸡 ($488)
厨师先将黑松露酱同鸭肝捞匀，配上自家制嘅百里香，迷迭香及鼠尾草味道嘅海盐，均匀咁涂於鸡只嘅皮同肉之间，并以真空方法腌制24小时，然後连同新鲜百里香烤焗。新鲜出炉嘅烤鸡香气扑鼻。侍应会先捧出原只烤鸡畀食客相机食先 ，然後将烤鸡去骨，咁就可以直接食到超嫩滑嘅鸡肉喇～
波士顿龙虾扁意粉 ($268)
选用波士顿龙虾，预先将多只龙虾虾壳熬成浓汁，再加上龙虾虾膏制成龙虾汁，味道更香浓鲜甜。之後将意粉及浓汁炒成乾身，意粉吸收晒酱汁味道，一入口会感受浓浓龙虾香。而且制作过程中特地加入鯷鱼炒香，咸香嘅鯷鱼令龙虾鲜味更突出。
北海道海胆自家制意粉 ($238)
酱汁加入海胆制成，好creamy！面头仲加咗原块北海道海胆，绝对满足到一众海胆控。
更多【新店直击】： |
意式番茄酱海鲜薄饼 ($188)
意大利菜又点少得薄饼？薄饼每日新鲜制作，要试出餐厅龙与凤，当然要试吓一啲经典菜，意式番茄酱海鲜薄饼集齐五至六款时令海鲜，配搭鯷鱼及新鲜罗勒叶，轻盈又清新。
松露和牛薄片($168)
甚有法式经典前菜牛肉他他影子嘅松露和牛薄片，特意选用嫩滑嘅和牛牛柳部份，而且刻意切得稍厚增添口感，最後配上鸡蛋碎及新鲜黑松露片，入口软滑香气浓郁。
Afternoon Tea Set ($268)
唔至半自助餐抵，连Afternoon Tea Set都好抵食！二人用三层架下午茶都只系$268，咸食包括龙虾牛角酥、自家制蟹饼、三文鱼卷等；甜食就有红丝绒蛋糕、柚子芝士蛋糕、意式奶冻及马卡龙等！
海洋浪花 Marine Splash($68)、玉蝶恋花 La Farfalla($118)
地址: 九龙塘达之路80号又一城1楼L1-34号舖
文、相、片: Yanica