【2020中秋】 酒醇茶香 甜魔必选朱古力月饼 (不断更新)
7天前

除咗传统嘅蛋黄莲蓉月、流心奶黄月饼之外,近年亦都愈嚟愈多朱古力月饼出现。无论系各大朱古力品牌,或高级酒店,不约而同都推出混合酒香、茶香嘅朱古力月饼,甜魔试完实大呼过瘾。

Butterfly Patisserie 迷你朱古力月饼礼盒

瑰丽酒店嘅饼房行政总厨Holger Deh,系一位朱古力大师,佢特别以自家招牌朱古力,为今年中秋制作咗一系朱古力月饼,包括芝麻、椰子蓉、茉莉花茶三种口味,甜中带甘。而每卖出一盒月饼,酒店都会捐出一个午餐盒畀ImpactHK,帮助社会上有需要嘅人士。又可以食月饼,又可以做善事。

Godiva   软夹心朱古力月饼

朱古力月饼都可以有好多款,佢哋今年6款新味都系以朱古力壳包住软心朱古力,底层再搭配果仁或富中式特色嘅材料,多重口感,口味亦够特别:桂花豆沙牛奶朱古力、覆盆子玫瑰朱古力、生姜芒果黑朱古力、百香果榛子牛奶朱古力、抹茶金桔白朱古力同椰蓉夏威夷果仁黑朱古力月饼。

Venchi 花花朱古力月饼

呢几个花花形嘅朱古力月饼,唔止有样,仲有内涵。三款口味包括榛子饼乾碎、抹茶可可碎,同黑樱桃朱古力月饼,全部都系以全天然食材制作。榛子饼乾碎嗰款,外层系56%黑朱古力,包住榛子饼乾同榛子蓉朱古力;抹茶可可碎同黑樱桃嘅外层都系75%黑朱古力,前者混合抹茶朱古力同开心果蓉,後者系黑樱桃酱加杏仁蓉黑朱古力。

Schoggi Meier  茶味朱古力月饼

茶同酒都系生活嘅享受,呢间喺香港自设厂房嘅朱古力品牌,今个中秋分别喺朱古力月饼内加入美酒同茗茶口味。香醇醉月朱古力月饼内馅用咗4款靓酒,包括威士忌、BAILEYS等,配搭64%黑朱古力,甜中带甘,口感软滑;而嚐茗品月 ‧ 朱古力月饼则有茉莉花茶黑朱古力、柑橘南非红茶黑朱古力等口味,甜中渗有阵阵茶香,中和腻感。

网上商店(按此

海景轩 威士忌朱古力月饼

海景嘉福洲际酒店嘅威士忌朱古力月饼,一向系酒迷飞佛,今年继续以四种单一产地嘅朱古力,融合纽约自家熟成嘅苏格兰威士忌制作月饼,当中有嚟自加纳,带有烧烤味嘅甘苦朱古力,亦有嚟自厄瓜多尔,甜甜地又带果味嘅70%黑朱古力等。

Lady M 奔月月饼礼盒

年年个月饼盒都靓到飞天嘅Lady M,今年嘅设计就真系飞天啦~ 首次联乘Netflix同东方梦工厂,以即将上映嘅动画音乐剧Over The Moon为主题。呢个奔月月饼礼盒以碧蓝色作主调,印有动画元素,仲有机关可以着灯。两款口味嘅月饼,包括迷你奶黄同迷你朱古力,朱古力味非常浓郁呢。

月高陞 酥皮朱古力金沙奶皇   

由第一代奶皇月饼原创人叶润发 师傅亲自监制嘅月饼,当然有保证。呢款酥皮朱古力金沙奶皇月饼以人手制作,诚意十足,黑朱古力酥皮香甜浓郁、口感松化。建议可用微波炉叮热-10秒或者焗炉焗10-12分钟再摊冻一阵食,如果屋企冇焗炉嘅,用平底镬以微微火加盖乾烘10分钟一样得。

餐饮券:79折 酥皮朱古力金沙奶皇月饼1盒 (4个装)
餐饮券:7折 酥皮朱古力金沙奶皇月饼1盒 (8个装)

Tea WG   茗茶月饼

Tea WG每年都会推出以茶入馔嘅月饼,今年当然都唔例外。加入狮城早餐茶嘅月饼有啖啖烤瓜子香、天灯颂愿茶嗰款则有甜甜嘅黑白朱古力;仲有款加入黑峰塔茶嘅就混入埋核桃同榛子香。随礼盒仲会附送天灯颂愿茶添,一啖月饼一啖茶,就唔怕腻啦。

龙岛 甜蜜盛意朱古力月饼礼盒

想食朱古力月饼嘅,仲有呢个朱古力品牌。红盒内有个奶皇同朱古力流心月饼,甜度十足。仲加多6粒唔同口味嘅朱古力,例如抹茶软心、乌龙茶软心、玉兔棉花糖等。


更多【2020中秋合集】:
1. 台式流心奶皇、电车限量版月饼 早鸟优惠及限量预购精选集合
2. 齐撑本土小店ssss 自家制蕃薯香芋金沙月饼、马拉直送榴槤冰皮
3. 健康抗炎 素食/低糖月饼之选
4. 创意新潮冰皮/雪糕月饼之选



文:Kar
相:Tom Li、餐厅提供


关键字
中秋节
月饼
朱古力
酒店
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
2020-09-11
全城抗炎!屋企都叹到三层架下午茶 Tea Set外送/外卖自取推介
4天前
悠闲时光 9月份下午茶推介
2020-09-02
【9月生日优惠】最低至半价!生日平食放题.韩式炸鸡
2020-09-02
Stephy新开茶饮店 台湾回流 期间限定 联乘Snoopy推棉花糖朱古力特饮
2020-09-11