【特约分享】食鱼生转运 三种好意头日本海产介绍
2019-10-14

中国有唔少食物都有寓意,好多时我地都会喺节日食返啲应节嘅食物,攞吓好意头,如新年食年糕,有步步高陞之意。原来日本都同我哋一样有食应节食物嘅习俗,据日本嘅民间传说,食指定水产可以增强运势,以下三款日本人常吃嘅鱼生富有特殊意义,亦有转运功效,同时营养丰富,对身体仲有好多好处添!


长寿富贵 鲷鱼

相传在日本代表丰收之神「七福神」惠比寿,曾经手执鲷鱼现身,而且日文中鲷鱼发音吉利,所以鲷鱼喺日本有崇高嘅地位。鲷鱼嘅寿命可超过40年,而且鱼身呈红色,故有长寿富贵同祝福之意。另外鲷鱼亦低卡高蛋白,有助维持肌肉及令老年人强身健体,丰富嘅维他命B1都有助保持皮肤健康及预防感冒。


出人头地 油甘鱼

日本油甘鱼又名「出世鱼」,日文「出世」意为「出人头地」,而油甘鱼成长至唔同阶段会有唔同名称,就好似人喺社会上步步晋升一样,所以有出人头地寓意。据说16世纪时一啲武将同大名会会互赠油甘鱼,所以油甘鱼对日本人嚟讲系一份珍贵礼物。油甘鱼嘅鱼油对身体有唔少好处,DHA‧EPA 令大脑常保活络,改善血液循环,硒元素亦能保护身体抗氧化。


顺风满帆 帆立贝

扇贝(帆立贝)於古时属高级食材,日文为「帆立」,因为形状同帆船相似同埋游水姿态有如乘风启航一样,有顺风满帆之意!鲜甜嘅帆立贝牛磺酸含量高,有效纾缓疲劳同强化肝脏。锌亦能促进新陈代谢,改善皮肤同头发问题。


想喺香港搵间餐厅食齐呢三种日本产开运鱼转吓运,尖沙咀嘅割烹橹杏帮到你。餐厅由即日起至10月31日推出以三种鱼为主题嘅特别菜单「缘起物Fair」,当中的「开运食材会席料理」,由前菜、刺身及甘味一共九道菜,大部份都以鲷鱼、油甘鱼及帆立贝作主题。


此外都有供应以三种鱼为主题嘅单点菜单,如帆立贝海胆冷面、薄切真鲷鱼刺身、炸帆立贝配蕃茄忌廉汁煮渡蟹及真鲷鱼茶渍饭等。嚟紧想转吓运的话,一於去试吓啦~


割烹 橹杏

地址:尖沙咀弥敦道63号iSQUARE国际广场28楼2801号舖


而呢间位於铜锣湾嘅佐楽同样有供应以开运鱼为主题嘅菜单,唔想自己谂食咩,可以试试呢个日本开运鱼特别套餐,前菜、主菜及甜品合共有九款食物,如炸帆立贝海胆紫菜卷及鲷鱼味噌烧等,款款都好吸引啊!至於单点菜单,都有烤鲷鱼、鲷鱼茶渍饭及油甘鱼噌烧等开运鱼美食,锺意嚐「鲜」味嘅朋友记得去试试!


佐楽

地址: 铜锣湾霎东街15-21号12楼



想了解更多开运鱼的秘密?浏览以下网址啦!

https://seafood-jfoodo.jetro.go.jp


关键字
日本菜
刺身
鱼生
客户专讯
餐厅资料
本月热门
【随时更新】便利店寻宝 每周新品速报
1天前
给自己一个休息时间 10-11月下午茶推介
2019-10-25
鼎王来了!味道服务媲美台湾 必食麻辣鸭血锅及员工教路秘制鼎王饭(有片)
2019-11-01
粮尾打气!5间湾仔平价饭堂推介
2019-10-24
10月份好评餐厅十强
2019-11-05