【开饭热店大赏】周末试开饭热店 荃湾线篇
2016-05-25
星期六日终於唔洗返工嘅话,就系约亲朋好友去饭局,同另一半撑枱脚,或者自私食一个人慢慢Hea嘅时候。不过香港餐厅咁多间,唔想「中伏」嘅话,不如参考一下新鲜出炉嘅优秀开饭热店大赏2016得奖名单!去完港岛线观塘线,今次嚟到荃湾线,其中有餐厅今年第一次得奖就连中两元,更有「过江龙」一嚟就横扫三大奖项!

最优秀开饭小食店 (2016), 最优秀深水埗区开饭热店 (2016)
香滑多酱猪肠粉 合益泰小食

深水埗呢区特别多平靓正美食,其中一个代表一定系呢度嘅猪肠粉 !自家古法炮制嘅手拉蒸猪肠粉米香十足,香、白、滑、浓、弹五合一,难怪米芝莲都将佢地列入街头小食推荐。

而且猪肠粉嘅精髓系混酱(好似系),姐姐会先落好豉油、香浓芝麻酱同少少邪恶但超香嘅猪油!枱上面嘅甜酱、辣酱同烘过嘅芝麻粒就自己选择加几多都得。除咗肠粉,猪皮萝卜同绵滑嘅粥都系实惠又好味嘅推介。


图:Bayvanlalalee8888


最优秀荃湾/葵青区开饭热店 (2016)
相机食先悠闲Cafe 荳子

想搵间Cafe食下轻食Hea返阵,一定要去连锁咖啡店或者旺区嘅楼上Cafe?唔一定,近几年多咗唔少有水准嘅Cafe开喺地区当中,荃湾呢间就系好例子。

Cafe有汉堡意粉等轻食,但最出色嘅都系甜品。抹茶流心芝士挞连埋抹茶雪糕同贝壳蛋糕蛋糕,一次过满足抹茶控三个愿望,上枱时盒里面仲有乾冰,喷哂白烟咁啱哂相机食先。拿破仑蛋糕同窝夫都唔错,最後提埋大家,非繁忙时间可以问下有无3D拉花咖啡㗎!


图:vampirecatlalahoi


最优秀开饭咖啡茶室 (2016)
唔系港女都爱食 Lady M

嚟自纽约嘅精品蛋糕店,招牌千层蛋糕喺当地都有唔少明星Fans,一嚟到香港就吸引咗唔少爱甜嘅女士排长龙一试,所以亦有「港女饼」之称。

千层蛋糕由大概20层薄身班戟制成,每层中间再加忌廉,整个过程都系人手制作。蛋糕嘅班戟充满蛋香,忌廉幼滑轻盈,无论用刀定用叉都可以轻易切开,唔会天一半地一半。而且口味又多,仲会喺特别节日推出特别蛋糕,就算唔系港女都会为之疯狂。


图:noel.ho.1297


全城人气「抹茶」开饭热店 (2016), 最优秀开饭甜品店 (2016), 最优秀尖沙咀区开饭热店 (2016)
抹茶三冠王 中村藤吉

如果你身边有唔少「吃货」朋友嘅话,旧年打开Instagram同Facebook应该都会比唔同绿色嘅抹茶甜品大肆「洗版」。开启呢股抹茶风潮嘅原因之一就系中村藤吉佢嘅出现!

嚟自日本京都嘅抹茶老字号,未开店已经引嚟唔少抹茶控注意,一开门更系大排长龙。全部抹茶甜品都有浓郁抹茶甘香,就睇你钟意点样配搭。心多多想咩都试啲嘅可以点京之精选或者抹茶芭菲,钟意冰凉滑溜感觉嘅就要生茶啫喱,最後唔怕早起排队嘅就可以一试每日限定供应嘅抹茶蕨饼啦!


图:DessertMonster6loveatcc


全城人气「卡通主题」开饭热店 (2016)
优质咖啡加分数 查理布朗咖啡专门店

就咁讲Charlie Brown呢个名或者未必可以第一时间谂起,但讲埋佢只狗仔Snoopy应该就会有印象!呢间Cafe以花生漫画人物做主题,唔单止影相位多,出品亦有酒店级水准!

轻食小食饮品蛋糕一应俱全,轻食方面以史诺比饭配肉酱最吸睛,因为真系有成只3D Snoopy...饭喺度。而饮品方面就以咖啡为主,唔少食家都话咖啡水准出乎意料地唔错,甚至拍得上酒店级。最後甜品环节可以点一件有公仔大头嘅蛋糕,为一餐画上得意又甜蜜嘅句号。


图:Zoeylaw1234肚饿上班族


全城人气「抹茶」开饭热店 (2016)
食软雪糕雪糕雪糕 Sweets House Cha Cha

喺香港叫得自己做抹茶控嘅应该都听过佢嘅大名,系日本「菓匠茶屋」旗下嘅副线,专卖软雪糕、泡芙同大判烧。

佢地抹茶软雪糕虽然唔系全城最浓味,不过软雪糕用北海道3.6牛奶制造,Rich得嚟口感特别软滑。抹茶控食返支抹茶止下瘾得,其他朋友试支牛奶抹茶两沟亦得,得咗。另外泡芙亦有唔少Fans,抹茶馅幼滑带少少回甘,泡芙皮又够脆。要饱肚嘅就当然要食埋个大判烧啦。


图:lawmt叮叮w


想知全部得奖结果及颁奖礼盛况,即上:http://bit.ly/1Ogj2Jm


随时接收最新资讯
赞好OpenRice专页!
关键字
开饭热店大赏
荃湾线
抹茶
肠粉
千层蛋糕
开饭专题
开饭仔为你提供各类型最新饮食情报及优惠,全面照顾你的饮食喜好。
相关文章
【开饭热店入围名单巡礼】来一场正宗葡萄牙盛宴
2017-02-27
【优秀开饭热店大赏 2017】颁奖礼盛况
2017-05-17
【开饭热店入围名单巡礼】甜入心之选 城中人气甜品店
2017-02-21
【开饭热店入围名单巡礼】渡过美好的小食甜点时光
2017-02-27
【开饭热店入围名单巡礼】走访各路中式饭店感动胃儿
2017-03-08
【开饭热店入围名单巡礼】小城地道茶记面档寻滋味
2017-02-27
餐厅资料
更多
收起
本月热门
【随时更新】便利店寻宝 每周新品速报
2019-12-30
荃湾新开无敌海景日式放题 占地过万尺 新张期间88折!
2020-01-03
迎接全新2020 1-2月下午茶推介
2020-01-06
【2019回顾】 过江龙之年 逾50间海外人气店登陆 + 2020年预告 (有片)
2019-12-30
【特约分享】新年去始创 食尽中、日、国际贺年佳肴
2020-01-13