【孖住食 更滋味】超值闺蜜、情侣二人餐 兼享现金回赠优惠
2020-10-16

每次同亲闺蜜、伴侣出街食饭,最难嘅唔系夹期,而系拣餐厅。因为总系会想拣间坐得舒服又食得开心,最好价钱都开心嘅餐厅。但咁高要求,你估咁易搵咩?嗯,其实唔难!而家经OpenRice 喺指定餐厅订座同时订购套餐,即可以超值价格(已包加一)享用二人套餐,兼享现金回赠。重可以同时参与订座大赏活动,最高可以赢得$1000嘅现金回赠添呀!优惠名额有限,先到先得,额满即止啊。仲等咩呀?拣啱餐厅就快啲book定闺蜜/伴侣嘅期,订座订餐啦!

$428   滋味套餐

太子简约打卡café    Cafe Paradise
二人订座订餐优惠:$428 二人滋味晚市套餐 (只限堂食) (原价$610,71折) 

位於太子嘅呢间café,装修简约,以白色为主调,仲有少少童话feel添,最啱就系同闺蜜或者另一半嚟食饭谈心兼打个靓卡。

餐厅由拥有星级酒店经验嘅厨师主理,食物质素有保证。二人餐包有餐汤、田园沙律、甜品同饮品外,另外仲有多款主菜选择,好似龙虾汁海鲜烩意大利饭、香脆猪手配烧汁等。如果锺情石烧牛嘅朋友仔,呢个set都有得拣呀,可以自己控制牛肉嘅生熟度。石烧纽西兰牛柳肉质软腍,肉味浓郁。仲配有蒜蓉汁、黑椒汁同茄汁三款酱汁选择;BBQ烤焗西班牙黑毛猪肋排嘅调味唔错,烤得啱啱好,份量啱晒两个人share。

佐敦工业风西餐  Pom's Kitchen & Deli 
二人订座订餐优惠:$428  晚市超值二人套餐 (只限堂食) (原价$600,71折) 

佐敦新派西餐走工业风路线,店主曾喺英国生活过,所以餐厅嘅布置亦带有英伦色彩,半开放式嘅设计令到空间感更大,豁然开朗。

呢度提供嘅西餐,多由传统同新颖嘅食材配搭而成,为食客带嚟新鲜感。二人餐包括是日餐汤配法式蒜蓉包、两份自选头盘、两份自选主菜,同埋咖啡/茶。头盘方面,有薯条、鸡翼、海鲜同沙律嘅选择,至於主菜就系意粉或意大利饭。推介忌廉茄茸蟹肉龙虾扁意粉,有半只波士顿龙虾好吸睛,茄味香浓,仲啖啖鲜甜,扁意粉索晒啲汁呢。

$688  丰盛套餐

大坑生蚝专店   Taylor Shellfish Farms
二人订座订餐优惠:$688 晚市精选二人套餐 (只限堂食) (原价$939,73折) 

好多美食达人而家都识入大坑搵好嘢食架喇,有唔少生蚝迷都会专诚入大坑试呢间餐厅,生蚝种类够晒多,由澳洲、法国、美国、爱尔兰等地出产嘅都有。

今次嘅二人餐就可以试到两款法国生蚝,同埋新推出嘅龙虾海鲜炖汤。被称为「蚝后」嘅法国黑珍珠生蚝,海水味浓,肉厚饱满而爽脆;法国金箔皇御生蚝则感觉纯厚,带子味甜,余韵带果实味。至於龙虾海鲜炖汤,则由龙虾汤底配美国波士顿龙虾、美国青口、美国蚬、带子等多款海鲜,咁多种海鲜混埋一齐,鲜味当然十足。

旺角高级中菜  鹰巢
二人订座订餐优惠:$688 丰盛晚市套餐 (只限堂食) (原价$1088,63折) 

中菜同样都有选择。旺角呢间中菜厅,由经验丰富嘅名厨主理,更曾於2017获选为《香港及澳门最佳高级食府》,大有来头呢,今次难得可以超抵价就食到!

二人套餐总共有6道菜再加甜品,当中仲有唔少高级食材添。例如菜胆姬松茸炖花胶、金钱扣九头鲍鱼等,够晒享受。唔好睇少头盘嘅金牌叉烧皇拼香葱海蜇头,叉烧系用上等梅头肉中间最嫩最滑嘅位制作,少少燶边,半肥瘦,入口软腍。

 


期间限定:即日起至10月31日

活动详情(按此


关键字
订座
订餐
优惠
大坑
九龙湾
太子
佐敦
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
2天前
【订座感谢祭】 快闪$20餐饮券第八弹 激抵烧烤优惠
2020-11-06
【2020圣诞】奖励自己 圣诞自助餐推介
2020-11-19
【2020圣诞】休闲打卡 圣诞下午茶推介
2020-11-16
Wine & Dine 2020预告 免费网上学品酒 精选品酒套装率先睇
2020-11-19