【國際新食力】東京櫻花自助餐

2016-02-12

又到櫻花季節，東京知名嘅庭園酒店椿山荘今年就推出咗櫻花主題嘅自助餐，一邊欣賞約20種120棵櫻花樹，一邊喺宴會廳食櫻花！而且唔單止有櫻花自助餐，酒店其他餐廳都有期間限定嘅櫻花菜式，櫻花蕎麥麵你有無見過，開飯仔我見過，我真係見過！

椿山荘嘅櫻花自助餐其實都係Gimmick居多，畢竟櫻花本身味道比較淡，不過見到有櫻花意大利麵、櫻花壽司同櫻花甜品，都叫有誠意嘅。另外仲有藏紅花炒飯，都係以花入饌嘅春天菜式。

另外酒店其他餐廳亦有櫻花菜式，最吸睛嘅就係食蕎麥麵嘅無茶庵，除咗有櫻花饅頭之外仲有櫻花蕎麥麵，粉紅色嘅蕎麥麵真係好少見！

西餐廳ザ・ビストロ同意大利菜餐廳イル・テアトロ亦分別有以櫻花入饌嘅主菜，無論係魚定係牛肉都比平時見到嘅感覺清新好多。

而食日式燒肉嘅木春堂就只係小食同配菜加咗櫻花，不過都正常嘅，因為主食係燒肉吖嘛，唔通變成燒櫻花咩，係嘅話肯肯定唔夠飽啦。

Spring Rejuvenation
活動日期：2016年2月27日至4月10日
地址：東京都文京區關口2-10-8

資料來源：椿山荘東京

隨時接收最新資訊
讚好OpenRice專頁！

開飯專題

開飯仔為你提供各類型最新飲食情報及優惠，全面照顧你的飲食喜好。