無花無假，喺日本首批150萬個一個月就售罄，喺香港團購網站GROXXXX賣緊$119四個嘅神級拉麵，個名叫「近畿大學水產研究所監製 使用近大金槍魚脊骨高湯香醇魚介鹽拉麵」...神級果然係神級，連個名都長過人，讀一次個名用嘅時間都食到半個杯麵啦。
講返呢個魚介杯麵，湯底由日本近畿大學人工養殖嘅「近大金槍魚」(即係吞拿魚) 魚脊骨熬製製成，舊年12月推出首批150萬個喺一個月就賣哂。所以近排推出「升呢」版，加多咗一包由魚骨提取嘅醇厚精華，令香味同魚味更濃，裡面仲有六粒吞拿魚丸做餸。
拉開杯麵蓋，喺底印住近大金槍魚嘅畢業證書，加熱水等三分鐘之後再加入魚骨精華就食得，味道點？唔少日本人就話好味到唔似杯麵，亦有人話其實魚介味唔係非常突出，唔好抱太大期望好喎。杯麵限量200萬個，建議零售價為220日圓(未含稅)，值唔值得入手就真係見仁見智啦。
圖片來源：インスタント食品｜☆Pure Life☆
資料來源：エースコック株式会社
隨時接收最新資訊
讚好OpenRice專頁！
