Photos by estheryiro & Wheres Yummy 美食在哪裡 & 淺藍的美食旅遊華麗小事記
但如果你哋一場去到，就冇奶油又係試返呢啲周圍都有嘅「普通嘢」嘅，叫返個「鮮蝦抹茶燉飯」啦。見到成兜飯都係綠色，就知落咗幾重抹茶醬啦。自家製㗎隻醬，混合咗宇治抹茶同芝士等等，成兜飯除咗有海鮮嘅鮮味，仲有抹茶嘅甘香，想再重啲抹茶嘅，仲可以自己好似平時落芝士粉咁落抹茶粉。
唔想食飯，食麵都得。介紹得你嘅，當然唔係食開嗰啲抹茶麥麵啦，係「芝士肉醬抹茶千層麵」呀！除咗你眼見嘅汁係抹茶醬汁之外，其實佢嘅麵都係抹茶麵皮嚟，焗完之後，原有嘅抹茶味就更加香嘞。
佳餚梗係要配美酒，成餐都係抹茶餐，啤酒都係抹茶有乜出奇？倒出嚟真係綠色㗎，啤酒味微苦，加埋抹茶嘅微甘，飲落就係甘苦嘅味啦，但係幾特別嘅，抹茶控咁鍾意抹茶，係應該要大無畏咩都試下嘅！
餐廳資料：
一抹綠 日式手作抹茶
地址：松山區民生東路三段113巷7弄8號1樓
文：Kar
隨時接收最新資訊
讚好OpenRice專頁！