【只想专注做好牛腩】金融经纪转行湾仔开浓汤牛腩面店 招牌牛骨浓汤崩沙腩河
2021-04-01

饮食业出名辛苦,系咩驱使你毅然放弃高薪厚职走去开餐厅?只系因为有一颗跳出Comfort Zone嘅心。「我本身份工人工高福利好又够轻松,但我觉得如果而家我唔做,再老啲就无咁嘅魄力。」湾仔呢间浓汤牛腩面店,老板Tommy本身从事外汇金融经纪工作,因为希望退休前畀自己一个挑战,所以就衬疫情期间租金下降,开设呢间主打浓汤牛腩嘅小店,用最好嘅食材,一心专注做好牛腩。

餐牌选择贵精不贵多,老板只想专心一致做好牛腩。


Tommy零饮食业经验,但自己本身就好锺意食牛腩,喺屋企成日都整,唔少朋友食过都话好,大赞比坊间知名牛腩店更好食,所以佢对自己出品都好有信心。


招牌陈大哥崩沙腩河($98)


店内所有牛腩都向牛腩名店牛皇莫拎货,皆因Tommy食过咁多牛腩,都系觉得佢哋嘅牛腩最出色,「佢哋嘅牛腩味道好独特,带有一种甘香。」牛腩用牛骨汤炆煮,一定要注意火喉,唔可以炆得太腍或太韧。讲到识食当然要食崩沙腩,呢个部位肥少少,牛脂味香浓,分得再仔细啲,Tommy推荐大家食爽腩位置,「呢个位置只有只有一层膜,特别有咬口,而且最稀有,有时见到啲客人唔识以为系肥膏就唔食会好心痛。」如果唔想食脂肪多嘅部位,可以改食牛坑腩($78),牛味会重啲。


汤底方面,同坊间一般见到嘅清汤腩好唔同。老板自家研发咗牛骨浓汤,用大量牛骨及鸡壳等食材熬制而成,牛味突出。


更多【新店直击】:
1. 自家原创焦糖酥皮曲奇Pookie、流心抹茶口味 香港人气曲奇网店实体店登陆大坑
2. 必试招牌台式葱油鸡+香浓奶油虾煲 太子人气台湾菜小店荔枝角重开
3. 超过1200万打造!佐敦全新50年代旧香港风主题火锅店 超靓花花主题牛肉拼盘+牛乳玫瑰锅


特色牛腩浓汤拉面($60)

呢个牛腩浓汤拉面老板系从日本浓汤拉面取得灵感,平时都系听猪骨浓汤拉面多,牛骨浓汤坊间真系较少见,汤底充满胶质,配上牛腩、牛筋、木耳丝、溏心蛋等食材,味道颇有惊喜。


咖喱牛腩($68)、咖喱三宝($45)

咖喱系餐厅另一招牌,一开始做嘅时候味道偏向港式,Tommy有一位大厨朋友就觉得未够惊喜,所以私下传授咗呢款带有东南亚风味嘅咖喱畀佢,咖喱微辣重椰香,亦有阵阵香料味。


牛市

地址: 湾仔轩尼诗道288号英皇集团中心地下G13号舖





文: Yanica

相: Tom Li


关键字
湾仔
牛腩
牛骨浓汤
小店
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
3天前
【2021生日优惠】超爽着数!免费任饮任食日式烧肉/火锅(持续更新)
2021-04-12
悠长假期 复活节下午茶推介
2021-03-26
【最平$298最贵$938】佐敦新开日式和牛烧肉放题 独家引入鹿儿岛小田和牛
2021-04-09
【只想专注做好牛腩】金融经纪转行湾仔开浓汤牛腩面店 招牌牛骨浓汤崩沙腩河
2021-04-01