shiba.gourmet.eng的個人專頁

中環打工仔有福❣️低至$138體驗一趟藝文饗宴🎨藝穗會為已活化建築，最近才開放一樓「美食劇場」給公眾用餐，環境復古浪漫尤如置身古堡♥️而且訂價非常親民，$138起有一碟pasta‼️例如青醬天使麵、芝士肉醬捲意粉，嚟緊仲會有藝術餐提供，適合上班族、遊客入內品嚐🥰美食劇場使用高質素進口食材，將藝術融入飲食，帶來嶄新用餐體驗💫每道菜都有投影效果🥹還可轉款打卡，連音樂都會有變化🎶而且牆上畫作也可以買回家用餐前後可到地下到訪同場畫展及cafe，完成一趟文青之旅💃🏻濃汁原隻蝦球意大利麵🦐 $168Prawn Spaghetti in Bisque意粉質感絲滑，每條都被濃蝦湯汁包裹着，原隻蝦球大隻質感彈牙🥰法式羊卷肉🐑 $198Frenched Rack of Lamb經法式處理的羊卷肉口感鮮嫩多汁，羶味適中，配上迷迭香蒜蓉牛油、普羅旺斯燉菜和烤薯蓉Set Upgrade +$30可從 沙律 /是日餐湯 /花茶（冷/熱）中任選其二Choose any 2 from Salad / Soup / Floral Tea…查看更多

君綽軒啲燒味一向都好出名，如果想無限任食，唔好錯過佢哋推緊嘅點心放題！而家係官網訂仲有限時8折至9月30日💫港島唯一一間五星酒店做晚市點心放題💫人均折實$334.8 (已包加一茶芥)食足兩個半鐘‼️💫任食高達47款點心、燒味、粥、麵、飯及甜品 （淨係甜品已經有14款）💫每位仲會送葡汁焗鮮鮑拼海參同養生靚湯供應時間🕣12:00-14:30 & 18:30-22:30試咗以下呢啲款式，大家可以參考😋前菜：燒腩仔：外皮勁焦脆、肥瘦相間軟稔多汁蜜汁叉燒：蜜味軟稔肥瘦均勻，星級水準，同燒腩仔一樣要嗌多兩碟‼️椒鹽野生菌：炸到好香口，入面juicy幾款粥粉麵飯都係任食：櫻花蝦炒香苗：粒粒分明，又香又唔油膩銀芽豉油皇炒麵：乾爽彈牙，醬油味香滑雞粥：粥好綿，有兩大塊滑雞，不過未夠入味煎炸點超出色，整體金黃香口，而且唔會太大粒，可以試多幾款芝麻蝦多士：金黃香脆蘿蔔絲酥：酥鬆蘿蔔香甜香滑炸鮮奶：內餡滑嫩有奶香炸芋角：外皮酥脆，內層軟滑，餡有肉汁鹹水角：外皮煙靭煎點：蝦餃皇/鮮蝦腸粉：有蝦嘅點心都係必食！超大舊彈牙，皮薄餡靚，不過燒賣就比較遜色蒜香排骨：份量多，新鮮入味叉燒包：餡多蜜味XO醬鮮菇菜餃：好夠辣記得要留肚食甜品‼️因為有成14款咁多，仲要超高水準💫💫楊枝甘露：痴咗線勁足料！超多芒果花生芝麻糯米糍：又係爆晒餡！個皮勁軟綿薑汁豆腐花：薑汁黃糖都落好多，好暖好滑芝麻卷：好滑好香芝麻味黑糖薑茶湯丸：養生暖胃，湯丸係芝麻餡千層紅棗糕：煙靭清香…查看更多

無意中發現東達中心開咗間只做外賣嘅燉湯蒸飯店，有好多款燉湯，而且價錢唔貴，蒸飯套餐$65，包咗$48燉湯一盅，如果叫貴啲嘅就要補返差價燉湯包裝全部都係密封，所以外賣送到黎屋企一打開仲係熱辣辣出晒煙，估唔到工廠小店都做得咁有誠意，幾加分先講蒸飯，試咗4款，蟲草花紅棗蒸雞飯係最出色，雞件超入味又無雪藏味，而且都算幾滑，仲有好多蟲草花，呢個飯如果單叫都係$38抵到爛，佢啲米都幾靚，幾白淨，煮嘅水份好夠；黃酒雞啲雞都幾滑，不過就無蟲草花咁入味豬肉就試咗鹹蛋蒸肉餅飯同梅子排骨飯，肉餅好厚身，肉質較為結實，唔霉，呢個價錢幾OK；至於排骨份量都比得好多，舊舊都好大舊，真材實料，但梅子味再入味啲就好燉湯都配咗四款～試咗兩款滋補嘅竹絲雞，有姫松茸螺片淮山同羊肚菌響螺，入面都有大大隻竹絲雞，好足料有大大塊螺片食，羊肚菌都出名貴同滋補，兩個湯顏色都好深，好濃味，燉得好夠時間另外兩款就係清潤啲嘅，海底椰蟲草花雪梨同老黃瓜章魚赤小豆燉排骨湯，前者清熱潤肺；後者解暑祛濕；兩款嘅排骨都大大嚿可以食埋見到佢都有幾間分店喺灣仔、荔枝角等等，附近返工嘅朋友認真可以試吓，有時一個人唔想煲湯，又想飲到湯可以考慮吓佢…查看更多

朋友8月生日，帶咗佢去The One 19樓鐵板燒海賀慶祝，餐廳居高臨下可以飽覽成個維港夜景，就算唔係坐鐵板燒吧枱位，窗邊位一樣係咁好嘅體驗，好正好浪漫，當日仲要無落雨，天色好清🌃今次dinner menu 係海賀盛夏祭，$638一位係入門價，一共8道菜，呢個地段同裝修黎講收費合理，當然有啲更豪華嘅menu，豐儉由人～三文魚親子沙律三文魚好嫩滑，底下仲有大量三文魚籽刺身三點全部都好厚切嫩滑，有帶子、油甘魚，最鍾意煙燻鰹魚，魚肉表面烤熟，好香煙燻味，魚肉中心仍然係半生狀態鐵板燒帶子配香橙西班牙辣肉腸汁帶子好大粒，煎到微焦內裡白嫩，醬汁係日西fusion, 辣辣地酸酸地可以帶出帶子嘅鮮味，仲可以中和忌廉薯蓉嘅膩鐵板燒白鱈魚配燈籠椒煙肉汁絕對係我成餐最鍾意嘅一道菜，白鱈魚好厚身，又係煎到外焦內嫩，魚油香好重，魚肉呈片狀，燈籠椒煙肉汁又係比較西式嘅調味，同魚香平衡得宜鐵板燒大蝦配紅咖喱蝦醬今次呢個汁就係比較泰式嘅做法，同一餐入面好似食勻幾個地方嘅菜式咁，紅咖喱蝦醬又辣又濃郁，同燒大蝦好夾鐵板燒日本愛媛雞肉 或 鐵板燒美國牛肉眼薄燒同朋友一個食雞一個食牛，薄燒嘅肉眼肉香十足，裏面肉汁飽滿，包裹滿滿嘅蔥花，除咗搭配蒜片，仲可以配山椒燒汁同辣根忌廉汁，後者似西洋wasabi 辣辣地好過癮食雞嘅話，一啲都唔俾牛輸蝕，每舊都肥厚鮮嫩，肉質緊實，鮮味豐富蕃茄醬煙肉炒飯蕃茄口味應該無人不歡，鹹香嘅炒飯口感濕潤，而且唔會好似出面嘅落咗咁多油，食落冇乜負擔感，最後我都食得晒成碗甜品本身嘅甜品會有一個白桃布甸，因為我remark咗朋友生日，所以送咗個小cheese cake同雪糕…查看更多

早前見新開合和酒店半自助晚餐咁平即刻book去試試，以為半自助唔會好飽點知我錯啦🤦🏻‍♀️冰鎮海鮮有勁粗嘅蟹腳🦀蝦、同青口；而沙律同前菜區係呢度嘅主打💫最推介係蟹肉芒果他他🥭蟹肉份量超多而且keep住有refill‼️（你知出面叫個蟹肉他他可能都要百幾蚊..)醃三文魚同紅菜頭三文魚都超級嫩滑🍣仲有Parma Ham配哈蜜瓜、醃帶子、蟹肉菠菜撻等等…甜品區都有十幾款精緻甜品🍰最抵就梗係Movenpick 任食🍨 仲有中式點心、雜錦壽司、各款熱食、熱湯，真係好多嘢食🙌🏻加上酒店餐廳都係開幕冇幾耐，裝修新淨樓底極高🤍係咁舒服同優雅嘅環境下用餐，$300食足三個半鐘真係好抵，同朋友傾計敘舊就啱晒🥰想再豐富啲加主菜都係百零蚊一個～Semi-buffet Dinner 半自助晚餐🕣6:00 - 9:30 pm🏷️$302 net pp另外有亞洲、西式共8款主菜選擇，最平$100起Pan-fried Salmon Steak (130g)🔹香煎三文魚扒🧡+$150Seasonal Vegetable & Potato, Saffron Cream Sauce時令薯菜、番紅花忌廉醬Roasted Australian Rack of Lamb (180g)🔹烤焗澳洲羊鞍🐏 +$200Seasonal Vegetable & Potato, Balsamic Reduction時令薯菜、黑醋醬…查看更多

銅鑼灣Tower 535呢間九州過江龍日式cafe，有正宗八女抹茶整嘅甜品飲品，而且仲有好多意粉、pizza、burger 選擇八女抹茶法式多士 $138 Matcha French Toast多士外脆內軟，口感幾似法式樹頭包，酥香煙韌，淋上楓糖漿更濕潤，搭配丸子同紅豆蓉，甜而不膩，八女抹茶雪糕甘甜不苦澀，質感濃厚黏稠🍵八女抹茶芭菲 $88Matcha Parfait抹茶雪糕內有蕨餅、抹茶果凍、紅豆同栗子，層次豐富！冰牛乳八女抹茶 $53Iced Matcha Latte八女抹茶粉甘甜微苦，係柔滑嘅牛奶中慢慢化開，唔會太甜帆立貝明太子忌廉意粉 $128Spaghetti with Scallop and Cod Roe Cream Sauce帆立貝新鮮大粒，明太子醬汁creamy 帶少少鹹香，包裹住每條意粉，因為醬汁濃稠所以要趁熱食親子照燒雞Pizza $118Teriyaki Chicken Pizza 照燒醬雞扒醃製入味，配雞蛋、沙律醬，芝士份量十足，相當拉絲…查看更多

經過觀塘駿業街銀八見到有廣告牌見到新開上海菜，呢晚收工即刻去試試一上到去環境幽靜清雅，有字畫點綴，枱與枱之間距離足夠，而且仲有卡座，係個聚會傾偈好地方前菜先試一道熱爆燻魚 ($98)，魚塊炸到焦脆，魚骨幼細到幾乎無，再浸泡喺甜中帶酸嘅醬汁，好味晚市follow ig 會送燒乳鴿，外皮香脆肉質鮮嫩，唔算好多肉不過送嘅都ok之後試咗兩個燉湯，竹笙松茸燉響螺 ($88) 清澈濃郁；四季鮮魚羹 ($68) 啖啖充滿鮮魚肉碎同菜碎，而且唔腥，蛋白質同纖維一次補足主菜叫咗兩個小菜，適逢大閘蟹做緊推廣就叫咗個蟹粉豆腐 ($198)，生拆蟹粉份量十足，色澤金黃味鮮，配合嫩滑豆腐好好送飯黃金蝦球 ($188) 擺盤靚，邪惡鹹蛋黃包裏住香脆可口嘅爽彈蝦球同翠玉瓜，必食!老上海炒飯 ($118) 炒得好出色，乾身唔油膩，好夠鹹香，有蝦仁、肉碎、蛋等等…查看更多

細細個最鍾意同同學放學去食聰嫂，以前人氣極高閒閒哋要排半個鐘，最近佢哋終於係銅鑼灣重開，就係耀華街百樂中心（即timesquare後面），黎到緊係要食最出名嘅椰果冰啦！龍眼椰果冰 $49我心目中龍眼冰嘅天花板，龍眼味道超濃郁，好似一次過啪咗十幾粒龍眼入口咁，而且冰嘅質感超細膩，之前試過第啲甜品舖都唔係呢回事，配埋Q彈椰果同爆爆珠，係夏天消暑嘅最佳選擇蜜瓜椰果冰 $42蜜瓜呢款我都幾鍾意，雖然未及龍眼，但蜜瓜甜度適中，清香四溢，味道有啲似韓國個種蜜瓜雪條不過無咁甜芒果奶昔雙皮奶 $48呢個組合係我繼龍眼冰之後最鍾意嘅，黎聰嫂必叫！芒果有四大舊，而且色澤鮮橙又超級甜，下面係濃郁嘅芒果奶昔搭配絲滑嘅雙皮奶，好正芝麻糊 $36食咗咁多凍要叫碗熱嘅暖胃，質感都幾濃厚，芝麻味都幾香醇，不過再磨得細滑一啲就好呢到裝修光猛坐得舒服，而且咁出名黎講價錢唔算貴，好推薦！…查看更多

今次帶家人試試銅鑼灣精品酒店「問月」內的私房中菜，環境古色古香，舒服寧謐·椒鹽糖心鮑魚，鴛鴦海蜇絲之前看denman826 YouTube 拍的點心放題已很想試試椒鹽鮑魚，外皮香、酥、肉質鮮嫩易咬海蜇絲有兩款，分別是傳統和蔥油味，前者辣勁十足，後者散發蔥油香氣·金腿蟹肉燴冬蓉羹湯羹濃郁不油膩，每口充滿蟹肉和冬蓉·廿年陳皮拔絲虎蝦球巨型虎蝦球外皮炸得酥脆，拔絲效果出色，以脆油炸鬼、荔枝襯托·文火和牛牛肉以文火慢煮，鮮嫩多汁，入口即化，但醬汁過鹹及濃稠，有點蓋過肉香·亁燒椰菜花龍躉龍躉肉質鮮美不腥，醬汁惹味，椰菜花燒得香口清脆，挺解膩·蝦子花膠濃雞湯拌菜苗手工拉麵大塊花膠稔滑黏口，手工拉麵非常幼身彈牙，十分合我胃口！雞湯頭很濃郁·陳皮蓮子紅豆沙陳皮香，蓮子清甜，紅豆沙口感滑順…查看更多

呢次同朋友嚟到尖沙咀呢間幾有名氣嘅鐵板燒，可以睇到日本籍師傅席前烹煮，分別叫咗一個$398 嘅豐-一人前鐵板餐同一個$1240嘅A5宮崎和牛龍蝦鮑魚套餐share, 俾大家睇吓有咩分別啦首先前菜有蒜頭漬、味噌茄子同煙燻雞肉；之後有柚子沙律開開胃 （刺身係另一個貴餐先有)$398 豐-一人前鐵板餐呢個餐真係性價比之選啊，咁平嘅價錢都可以食到優質嘅海鮮同肉類大虎蝦以蝦膏打成汁、仲有白蜆汁同香草汁，一蝦三種味道，蝦肉非常彈牙，而且半煎炸到好脆，連蝦鬚都食得鮮活蘇格蘭蟶子皇以蔥、蒜、牛油炒蟶子王，非常惹味有嚼勁 鹿兒島黑毛豬薄燒卷七選一嘅肉類我就揀咗黑毛豬薄燒卷，脂肪瘦肉比例均衡，包住蔥、蒜、金菇絲，香氣撲鼻又Juicy最後有鐵板炒飯、茶碗蒸、味噌湯同大福、另外一個餐就係有龍蝦嘅味噌湯同雪糕，其中一個鐵板炒飯就揀咗梅漬口味，梅子獨特嘅酸甜為炒飯帶來不一樣嘅風味，仲可以加湯wasabi 做茶漬飯，呢個就比一般炒飯冇咁膩口$1240 A5宮崎和牛龍蝦鮑魚套餐如果有大事要慶祝想揮霍一下，都幾推薦呢個套餐，因為有廣島蠔、南非鮑魚、龍蝦、A5和牛等嘅矜貴食材，而且師傅都用唔同嘅烹調方式將食材嘅優點發揮到極致首先嚟一客極上刺身，有牡丹蝦，赤身，油甘魚廣島蠔有手掌咁大隻咁肥美，鮮甜嫩滑又甘香南非黑邊鮑魚以紫菜昆布汁烹煮，非常之夾，鮑魚新鮮好有嚼勁，最後就食埋香濃嘅鮑魚肝龍蝦有成500g, 肉質雪白滑彈，同樣以蝦膏做醬汁夠原汁原味，龍蝦頭就用嚟煲湯A4鹿兒島和牛薄燒有細膩嘅脂肪紋理，入口即溶，散發出誘人香氣，有配蔥汁麵豉汁芝麻醬，我最鍾意都係就咁配蒜片食，蒜香味濃郁，層次感十足…查看更多

想同另一半想食餐有情調嘅飯，最近中環【Porterhouse】重開啦！餐廳座落蘭桂坊加州大廈頂層24樓，360度全方位無死角飽覽成個中環市景同維港景🌃仲有機會睇埋日落添！咁chill咁享受，反而餐廳定價唔算進取，大部份appetizer都係$38-100內，pasta之類都係$200左右～至於Signature steak就視乎部位而定～餐廳亦都有提供Set Menu人均都係$400-500左右！CP值算高✨首先麵包已經係任添！試咗幾款都好軟熟，特別鍾意有葵花籽個款【脆金針菇 Crispy Enoki Mushroom】 $38天婦羅麵糊輕盈，外層炸到金黃酥脆，同金針茹嘅柔嫩形成口感上嘅對比～【棒棒蝦🦐 Bang Bang Shrimp】 $68外皮金黃脆口，包住大隻夠彈牙新鮮蝦仁，調味亦都好豐富，特製酸辣沙律醬汁，非常惹味【布拉塔芝士⚪️ Burrata】 $168新鮮嘅Mozzarella再mix埋奶油，奶香味勁濃郁，口感順滑～伴碟有茄子紅椒燴菜、刁草同鹽膚木...甜鹹交融，令芝士味更加突出！【味噌茄子🍆 Miso Glazed Eggplant】 $98外皮微微焦脆而入面非常淋身，囗感有D似燉熟咗嘅蘑菇～茄子係烹調過程中吸收味噌嘅味道，鹹味更加突出而且非常多汁！而配菜嘅發酵辣椒同清酒蔥就添加少少辣味同清新嘅感覺～【和牛臀蓋肉 Wagyu Picanha 150g】 $298依度嘅signature必叫菜式之一！臀蓋肉來自牛嘅腹部，由於肌肉運動較多，肉質食落比較結實有口感！ 臀蓋肉含豐富油花，脂肪響烹調過程入面迅速融化，所以更加多汁入味！5成熟嚟講肉質真係啱啱好～外層焦香內裡軟嫩微微粉紅但一啲筋都無！伴碟有油封蒜同烤紅蔥頭，而秘製嘅清胡椒醬鹹鹹甜甜，同和牛嘅肉味非常之夾～【辣肉腸蝴蝶粉🍝 Elbow Pasta】 $188Classic嘅意大利菜式！蝴蝶粉份量仲要好多！而且仲特意加入咗法式奶油，緩和整體辣度，亦令蝴蝶粉更加好吸附醬汁～辣肉腸辣味濃郁，mix埋奶油同香料，集濃郁、奶滑、開胃於一身！…查看更多

Silk. 開到去K11 Art Mall 啦！新分店以全新「Silk.藝廊」為概念，成個設計以藝廊為靈感🖼️仲有靚靚復古打卡全身鏡～今次亦同經典品牌阿華田合作，獨家推出「阿華田脆」飲品😋「阿華田脆」飲品🤎 $50 呢杯係K11 Art Mall 限定～將烏龍奶茶結合濃郁嘅阿華田基底、絲滑嘅阿華田奶油泡沫同黑晶珍珠、並撒上阿華田脆粒，叫少甜就剛剛好，有濃郁嘅可可香氣同微微嘅麥芽甜味，黑晶珍珠細細粒似蒟蒻，煙煙韌韌咁三重茶皇🧋 $42呢杯係所有分店都有嘅招牌～鍾意飲港式絲襪奶茶一定要試呢杯！茶底香濃幼滑微苦，仲有綿密嘅芝霧奶蓋、蜂巢脆脆同黑糖波波😍…查看更多

有一晚睇完戲就去咗湊湊食最新宵夜台式buffet, 宵夜時段9點開始，餐牌上幾十款台式經典美食、小食、手搖茶、啤酒都係任食任飲🍻主食必試台式紅燒牛肉麵🥩牛肉炆得幾軟腍、麵質都好軟滑；招牌洪湖大閘蟹粉麵🦀蟹粉呈鮮橙色新鮮唔腥，雖然每碗蟹粉份量就唔多，不過就勝在係任食飲品方面，珍珠奶茶、雲朵奶茶、燕麥奶茶、冬瓜茶等等十幾廿款都係任飲；鍾意飲啤酒嘅推薦台灣鳳梨啤酒同日本三得利生啤🍻鳳梨啤酒真係好啱我飲🍍清爽甘甜，而且酒精含量好低台灣夜市小食簡直係琳瑯滿目，胃口細試唔晒咁多款，以下係一啲我覺得必食嘅😋荔枝蝦球熱辣辣炸得勁脆🦐入面仲係真材實料嘅蝦肉；椒鹽野生比目魚外脆魚肉相當嫩滑；蛋餅煙靭軟熟配秘製醬汁；蔥油餡餅炸到金黃色勁香口，細細粒可以叫多幾件都唔怕滯；炸甜不辣外皮硬脆內裏煙靭，最後一定要食我最鍾意嘅紅糖糍粑，外皮金黃香脆，入面軟糯充滿香甜嘅紅糖仲有蚵仔煎、蚵仔麵線、貢丸海帶湯、台式蛤蜊湯、黑虎蝦卷、炸地瓜條、炸魚皮……通通都未試不過整體全餐都係比較多熱氣嘢嘅，偶爾放縱一次都OK下午茶 2:30pm 開始🕣🏷️平日 $128 週末 $138宵夜 9:00pm 開始🕣🏷️平日 $138 週末 $158…查看更多

出荔枝角必買嘅朱古力海鹽牛油卷🍫‼️仲有爆紅粟米忌廉芝士卷🌽有冇人每次一出荔枝角D1出口就會俾啲麵包香吸咗入去呢間麵包舖🤤🥖🥐🥯買過幾次Doughman 我最鍾意都係佢哋嘅朱古力海鹽牛油卷🍫 （$23) ，麵包外皮烤得焦香，入面好軟熟充滿牛油香，重點係啲流心朱古力吉士醬係好輕盈絲滑‼️一啲都唔苦，又唔會太甜膩，面頭嘅海鹽提升風味，係我心目中number 1🥇 仲有另一款白松露鹽卷 ($21) 同樣都好香好出色架！之後就係網上爆紅嘅粟米忌廉芝士酥🌽 ($28) ，成排燒香過嘅粟米好香甜💛忌廉芝士輕盈唔厚重，酥皮都幾鬆化～今次我仲買埋新品粟米吉士撻🌽 ($20)，粟米吉士醬係走少甜路線，唔使擔心好漏，個撻都一貫金黃酥脆👍🏻我仲試咗佢哋嘅抹茶椰青水🍵🥥 ($42)，上面嘅抹茶奶蓋超濃郁，配上勁清新解渴嘅椰子水，超啱夏天飲呀…查看更多

適逢好閨蜜升職，我哋就嚟咗呢間位於IFC 3樓嘅高級中菜唐述食晚飯✨一入去首先經過一條好有氣派，充滿宮廷氣息嘅走廊，大家一定要喺彩色花卉屏風前面嘅杏啡色梳化坐低打卡，做一晚貴婦👸🏻首先要讚吓服務，一開始有位男侍應見我拎住一個小蛋糕已經主動話幫我放入雪櫃，我話個蛋糕唔打算係餐廳食，臨走前我自己都唔記得咗拎🫢佢即刻衝出黎提我👍🏻👍🏻而且其他侍應成餐飯都好主動添茶，而且主動幫我哋影相世味人生 Degustation Menu甜椒醬蟶子皇一打開嘅煙燻效果已經好吸引眼球，香甜帶辣嘅椒醬完全滲透鮮嫩去蟶子，口感滑順，比平時嘅豉汁有驚喜前菜三弄🍅🦐百香梅茄，三絲海蜇，20年古越龍山花雕浸鮮蝦百香梅茄搭配熱情果同柚子醬，清新酸甜又入味；三絲海蜇好脆嫩；蝦肉肉質極鮮嫩，有濃濃嘅花雕酒香杏汁肆菓燉螺頭湯🤍四果即係冬瓜、西瓜、蜜瓜同木瓜，全部切成球體色彩繽紛，生磨杏汁濃郁又芳香，但又冇掩蓋螺頭湯嘅鮮甜味，湯底口感濃厚，非常滋潤蟬衣玉帶以芋頭泥包裹帶子，再加上麵包糠去炸；外皮又薄又酥脆而且有芋香，入面嘅珍寶帶子保持非常鮮嫩珍寶珠清甜雪葩做成珍寶珠形狀，作為間場清一清味蕾海苔蔥燒銀鱈魚呢道菜外觀別出心裁，銀鱈魚擺放喺一個好似銀枕頭嘅碟上，魚肉肉質白嫩細膩，炸皮充滿海苔香氣，非常鬆化，完全唔使沾醬汁食已經足夠濃味蔥段先切到又細又長再攞去酥炸，好神奇已經食唔到蔥嘅口感，反而好似一絲絲嘅脆薯條荷香子薑欖豉醬蒸雞🍗雞肉鮮嫩多汁，配合子薑嘅微辣同欖豉獨特鹹香魚香手工寬麵寬麵條手工製作，口感較厚實，因為本身麵條係冇味嘅，所以會配搭一個濃郁調味嘅魚香醬，茄子嘅甜味同魚香醬嘅酸辣平衡得幾好香芒雪燕烏豆花🥭烏豆花滑嫩，黑豆味濃郁，搭配當造香甜嘅芒果，雪燕令呢個甜品更矜貴，亦都提升咗質感，好鍾意呢啲清新消暑，完全唔會飽膩嘅甜品…查看更多