Chung So Dessert

細細個最鍾意同同學放學去食聰嫂，以前人氣極高閒閒哋要排半個鐘，最近佢哋終於係銅鑼灣重開，就係耀華街百樂中心（即timesquare後面），黎到緊係要食最出名嘅椰果冰啦！

1

龍眼椰果冰 $49

我心目中龍眼冰嘅天花板，龍眼味道超濃郁，好似一次過啪咗十幾粒龍眼入口咁，而且冰嘅質感超細膩，之前試過第啲甜品舖都唔係呢回事，配埋Q彈椰果同爆爆珠，係夏天消暑嘅最佳選擇

蜜瓜椰果冰 $42
蜜瓜呢款我都幾鍾意，雖然未及龍眼，但蜜瓜甜度適中，清香四溢，味道有啲似韓國個種蜜瓜雪條不過無咁甜

芒果奶昔雙皮奶 $48
呢個組合係我繼龍眼冰之後最鍾意嘅，黎聰嫂必叫！芒果有四大舊，而且色澤鮮橙又超級甜，下面係濃郁嘅芒果奶昔搭配絲滑嘅雙皮奶，好正

芝麻糊 $36
食咗咁多凍要叫碗熱嘅暖胃，質感都幾濃厚，芝麻味都幾香醇，不過再磨得細滑一啲就好

呢到裝修光猛坐得舒服，而且咁出名黎講價錢唔算貴，好推薦！

3