孤獨的美食家's Profile

之前見到有不少報道，說得天花亂墜，好不威風。今天晚上有車剛好到了堅尼地城，經過此店，心血來潮，也好久沒吃過炸雞髀了。店是小店，店主年輕有禮，兩個人做，小食十款八款，看似都有心做。生炸雞髀，$35，說貴不貴，確也不便宜。晚上六點左右，客三兩個，生炸要等，是常識吧。等了十分鐘就有了，到附近體育館吃，步行5分鐘左右。體積不過不失，目測其實估到有點乾身。有一說一，成隻脾就表面有味而已，個心無味，唔知係無醃定刻意唔做咁夠味？你問我，脆又唔係好脆，汁又唔係話好有汁，味又唔係話好夠味，想點SIZE 又唔大脾，想點😅？$35一隻咁嘅質素，對我嚟講，都幾有落差。有興趣自己試吓。我就無下次啦。…Read More

自第五波疫情以來，都不知有多久沒吃過好。今日來個山頂短線遊，中環皇后大道就終結了，信步走到銅鑼灣。已不知多少年月沒有踏步此地，好生懷念。惜日光景原來都不知變了多少天。以前時代廣場有一書店是日常消閒之地，卻已不知退出香港幾多年了。走到利園附近，口淡淡想打個邊爐，附近幾乎都是中高食店，確實劉姥姥入觀園，大開眼界。逛了一會兒，還是選了海底撈，從未曾光顧卻又耳熟能詳的店。坐上電梯，開門就有迎賓小姐招呼，好生熱情。店門裝潢亮麗氣派。還好中午前來不用等位。甫坐下負責枱號的店員就招呼周到。先是介紹點餐飲品，餐廳佈局走向，不時提供茶水熱毛巾。如此服務，的確少見。豆漿加$15/位任飲，平心而論還是可以的。先是到自助區自取醬料盤，都頗為滿意。自然少不了自行搭配味碟，當中的調味牛肉醬和素菌醬很朂出色，單買來吃都值。四格湯底先上。竹荀鮮爽。黑毛豬甘香。陸續上菜。幾乎都有指示烹煮時間，如無特殊情況，跟著做就好吃。墨魚膠爽滑。雞肝爽脆。蘿蔔清甜。唯二比較失色的鴨舌。牛小排，價高貨靚，可惜處理失當稍靱。油條，其實不錯的，只是後來有點上火。自助區的水果，大致上都新鮮好食偷影的洗手間，除了洗手液護手液外還有香精，可比酒店級了。後上的饅頭。味道正常，現點現炸就不差，可惜就欠一點火喉。整類而言，以性價比而言，出品需未達完美，但大致上不令人失望。而服務方面令人深有體會，服務業的典型模樣，請間其他店該當如何？…Read More

最近跟越式事情結緣了，大開眼界，從沒想過這個曾被殖民統治的國度，經歷分裂後又統一的地方，菜式的特徵是如此鮮明味美。東南亞的香料清新卻又別樹一幟，跟鄰近的泰國柬埔塞等又互相影響，同時又有如法國混血兒的味道身影。今天癮起，到大圍的「河內越式料理」，滿足一下。正值下午茶時間，價錢相宜，配餐飲也很優惠。店內環境尚算整潔，店內裝潢稍有越式味道。記得以前就只有一間店，不經意已發展成幾間店，看來經營有道。招牌越式三文治Vietnamese sandwishes $42首先來到的是Bánh mì ，但這邊賣的是「三文治」。基本上該有的都有，豬肝醬，牛油，青瓜絲，甘荀絲，扎肉，生菜，沙律醬。以外型上，確實無懈可擊。一份兩件，外形有如雄糾糾般的法國男兒。作為下午小吃，兩人分享最滋味。細心一睇，豬肝醬就有點太孤寒了，口感軟滑，但肝醬的味道不明顯，沒能成為整體的擔當。Bánh mì 的靈魂在此，因為越南承襲自法國部分飲食文化，後又改良成為適合當地人的口味。其中法式的法包加入米粉改變硬度。又將法式肝醬改成便宜的豬肝做法，以扎肉替代火腿，以酸甜醃菜替代酸瓜，完美地將法國貴族三文治，易容更衣成道地的Bánh mì ，放下歴史的血腥，感謝文化的沖擊，滿足現在的味蕾。然後扎肉，生菜都是正常發揮。可惜當中的甘荀絲沒有醃漬過，生甘荀的草青味和爽口，在言裡感覺有如萬綠叢中一點紅一樣，格格不入。聰明地再加上沙律醬，就很貼近香港人口味了，越式香茅豬扒 $22(追加小食)追加了豬扒。大件上埸，面頭小許蔥油點綴，已經萬分吸引。質感是稍薄，味道方面香茅味濃，口感上偏向港式豬扒軟淋。三文治內抺上人造牛油，口味方面較膩口。從左到右分別是萬能調味魚露Nước chấm，主要配Phở的甜醬和辣醬此時正好想到枱上的越式調料。心血來潮，自製我的OMAKASE。將豬扒夾入法包內，作為我的豪華版三文治，再加上調味魚露Nước chấm，以彌補生甘荀的草青味，如此一來確實神來之筆。豬扒的油脂滋潤了法包，魚露的鮮爽酸甜又平衡了油膩感同時帶了味道上揚的感覺，一切起承轉合，盡在小盤子上。最後來一點辣醬，豐富味蕾。口味上近似泰式雞醬，口感上卻似茄汁，還是初似認識，日後請多多指教。賣單只是$64，就讓我游走了一趟旅行，心情好不快哉。回望過去，誰又想到法包這個貴族，漂洋過海後在越南落地生根結合成Bánh mì，輾轉又來到香港，結合而成三文治。依我而言，人生也不過一個越式法包，起承轉合，夾在心中的都是甜酸苦辣。…Read More

快樂蜂，早在中學時期已出現了，以前常吃的是意粉，炸雞，不錯的回憶。在荃灣工作已久，地理不算方便，臨走才有空。菜品比較少。目測漢堡來自嘉頓，有點乾，還是不考慮了。炸雞最穩陣。其實都不是現點現炸。員工工作有點混亂，有好幾個點餐只欠一樣都走唔到。點了辣雞。都尚算有汁，尚算脆皮，尚算溫暖，尚算有味，尚算可以。粟米，唔掂，完全係清水白烚，無調味，貨源又差，結果係又靭，又唔熱，又無味嘅粟米。其實都唔算有汁，醃料入唔到心，有腥味。所謂的gravy 燒汁，就係用粉開出來，公仔麵味粉個種味。整體而言，如果睇住佢係即炸出嚟，係可以嘅，但其實無所謂的好。…Read More

不經不覺，在荃灣工作了三年多，在離別在即，往往都想吃一點有記憶的東西，可參考之前食評-小食。燒賣之一元朗燒賣皇后妙舒https://s.openrice.com/QrbT0CA0s00可惜今次就失望了。價錢原來上調了三成？之前一份魚蛋燒賣孖寶係20元。都無所謂，成本上升，質素依舊就好。但今次真係唔掂。燒賣唔知蒸咗幾耐，燒賣皮都反白了，再食燒賣，真係唔掂喎，啲肉蒸到爛唒梅唒，講唔過去呀嘛？魚蛋就正常啦。整體而言，都知開咗幾間，做大啦，不過基本原則做唔返，金黃色都無用啦。…Read More

在晚上五六點時間回到大圍，時間唔上唔落，想坐低食已經無可能，買個外賣係公園食最好。Let’s Burger就mark 咗好耐，今次係第一次，即管睇吓點。餐牌都幾簡單，有啲小食，有個羊堡比較少見。落完order 現場等，大概十分鐘可取。等等吓有蚊滋咬。現場有隻黑貓，相當好奇地望住我，都幾可愛。攞到就係出面食。個盒有設計有諗法，唔會整爛整濕個包又方便拎出，都幾好。個包正常樣子。望落都新鮮靚仔，應該唔差得去邊。失望之一包烘都無烘過，微溫帶乾身。汁醬似係沙律醬加辣椒茄汁，一般。酸瓜兩片。煙肉係奧運牌一類稍微煎過。肉餅大概4安士，稍細，點解咁多食評話大份？整體有肉汁係正常發揮嘅，只可惜肉餅無調味，又無乜肉味，對比麥當當安格斯贏唔到幾多。蕃茄新鮮，沙律菜用綠橡菜都幫到手，個汁醬真係爭啲，個包發揮唔到偏乾身救唔到。肉餅頗多筋。用筋唔係唔得，但要碎得細啲。整體而言，好就唔算得上，性價比都比較弱，最得歡心的是黑貓和外賣盒。…Read More

最後日子在荃灣，在外忙完到西鐵站，有點時間，來個早餐好了。廿一堂，海之戀開了咁耐都無乜食過，好幾間餐廳都有海景，幾好。主店都可以自助形式，自己點餐取餐收碗，但又唔係話好平嘅。出品都算係咁，豬扒個位都靚，調味可以唔鞋，炒蛋正常發揮。所謂肉碎，買之前問有無另上佢話無，我以為點咪又係一匙的多放係面。茄湯底係ok嘅，面就普通，可能跟通粉好啲。整體而言，貴又唔係貴，硬係差啲，你慳咁多人手都係落唔到個客度，食吓景食吓裝修，唔洗俾咩。…Read More

近來到了黃大仙工作，附近要找點吃的，發現商場店大概都不便宜了。勉強選了漁樂。坐低就有的水。暖，但有水銹味，飲了一啖最後洗餐具。點了扒餐，齋啡，多士走油。啡來無影，一來來咗有奶，同阿姐講，佢問我咁飲唔飲，我話唔飲，換咗佢。稍等來返杯啱嘅，呢啲都係連鎖快餐機出的，味道正常大杯嘅。雞扒餐，一來就俾咗油多，又同阿姐講，佢懶醒咁話走油即係齋多，我話係呀，都打咗落單都來錯我知係齋多，又行多轉，稍後來返個啱。雞扒煎都無煎過，炸到乾唒，可能炸得耐咗，稍鹹。調味有蒜味豉油味，其實調味可以始終工場貨唔衰得去邊，如肯正正常常咁煎應該好食。腸仔都正常炸腸啦。雞扒有啲位黑到咁。整體而言，食物肯正經咁整會好食嘅，又唔係咁忙。啲員工就無乜禮貌架啦，三幾十蚊而家都唔係錢。…Read More

今午有事走到三坡坊附近，肚子餓了，發生好幾間餐廳都沒有堂食，有堂食的餵口又不合，想食焗豬扒飯，富華有，又未食過，不妨一試。舊舊地嘅茶餐廳，餐牌都係咁，即管睇吓點。有送湯，大路嘢，比較水。焗豬扒飯，最後等咗25分鐘。我知即焗，但一睇都知無乜焗啦，無啲色水，溶咗啲芝士就算。炒飯都算乾身嘅。豬扒普通嘢，煎都無煎過。梳打粉都嗱到無咩架啦。個汁又淡又無料。其實呢個係燴豬扒飯炒底囉唔該，熱就好夠熱嘅，但似係微波爐嘢，食咗一半就食唔落了。整體而言，無下次。順便講一講，疫情高峰，老闆(有客叫佢老闆)唔帶罩送餐收碟，廚房大佬食住煙煮飯，大家點睇？…Read More

三年前曾光顧nutmad 的前身，頗為驚艷的用餐體驗。行內人都知道近乎成本價的菜色，以同樣的價錢，附近難有對手能比擬。近來知道此店搬了新舖，進駐翻新商場，不知是何境況？首先裝修風格承襲著工廈韻味，場地大了不少，座位至少80，對於品質保證上已有難度。廚房依然開放，主廚和店經理依然，看得出在細心打點。時間是中午十二點，星期六，人不多，有幸被安排坐吧枱附近。餐牌簡單直接，相信走專門的路線。幾款主力如黑毛豬鞍，卡邦尼依然。飲品定價稍高，還是觀察一下才好。點了一份前菜，臘腸，雞肉，烤餅，一份黑毛豬鞍，一份鱸魚。等了大概十分鐘，途中聽到廚房裡的叫喊，過程來得真實，本應如此。沒想到先上的竟是豬鞍，隨後才到豬鞍，最後竟然是魚。看來廚部的走法是有乜出乜，出到當贏。我當然是前菜先食。整體味道好味，一啖過，最先出來的是是孜然的濃，還有帶酸的辣，走的是墨西哥風的沙律醬，加上蕃茄莎莎的清新，芝士的奶香，臘腸的甜，沙律菜苖的爽，成件事和諧合理，挑剔就係稍貴。再來就試黑毛豬。做法同三年前都相似，份量其實沒差(見有食評話細咗，平心而論有時差少少無辦法)。配菜都有成本，燒新薯好食但少許焦了帶苦味，迷你甘荀稍帶生，為了保存形狀而煮少了一分鐘吧？法邊豆可以，都是酒店用的薯菜。主角西班牙豬鞍，中間帶少粉紅，生熟度可以，肉質本應唔錯，只是少帶乾鞋，相信是煎定有單入爐，水份乾了。面頭有上叉燒醬一類，帶甜醬香味，但太甜了，幾乎嘗不到豬肉的味道，又為了平衡甜味而配帶甘苦的咖啡香料，到底在吃調味還是豬鞍？最後的鱸魚，配的是豆漿，黑醋，透過酸度和時間，令豆漿稍凝固而似是豆花，店員有作介紹，想法是好，效果卻不好。首先豆漿的味道不足，唔講真係唔知係豆漿。第二黑醋太酸基本上食到尾都只有酸味。鱸魚，和豬鞍一樣都乾水了，相信也因為提早準備關係，魚味不足，另外也沒有放鹽，連調味也沒有。魚的處理相信是輕煎焗熟，然後火槍炙燒，可惜皮又唔脆，燒又燒太濃，苦味出來了。而溫度方面，只有室溫到微暖階段，所以食到尾段，魚的腥味出來了，到我走後二十分鐘還在口中徘徊的腥味。魚的面頭放的是青蔥苖，我相信主廚想帶點中式味道，但各方面都平衡唔到。想試珍珠雞，此乃一種帶點野味的走地雞，可惜今天沒有。本來點餐前還打算要多半份西多和飲品，但至此也不算滿意，就此作罷。整體而言，睇到廚師出品有心，但徒勞，因為店太大，員工太多，已不能品控到每一個細節，就如此，每個細節爭一點就爭好遠了。埋單五百幾，無加一，還算不過不失。…Read More

路徳圍又一新頂手舖，上手好似係龍門？見好似有啲裝修，又主賣藥膳醉雞，好似頗有好評，一試無妨。下午五點來到，無客。主要都係配麵同睇個湯底嘅組合，亦有單點，咁行法都係好合理。有紙巾提供真係好評。點了醉雞，藥湯，加蛋，刀削麵。5分鐘左右到，合理時間。熱好夠熱，眼見有啲藥材，當歸，淮山，圓肉。顏色好奶白，無味精，但同時亦都無乜味。我諗應該係用啲浸完雞，起出來的雞殼再大火煲滾到爛晒，隔出來再煲啲藥材，所以本身湯無肉味，得當歸個苦味，簡單啲講，得個樣，自己加啲辣油先食到個麵。刀削麵，759貨式，正常發揮。溏心蛋，好夠溏心，黃夠紅，用嘅係紅心湖北蛋。但就無乜醉酒個味，如果你唔溝埋啲酒汁，隻蛋係無味嘅，唔知係浸唔夠時間定點。個酒汁係ok嘅。所謂醉雞，起咗大部分骨，原全唔掂。首先雞就無味啦，雞味又無，冰鮮就唔洗講啦，你浸佢都俾味丫。然後又原全唔入酒味，即係浸完雞，斬好一份份，有單就淋啲酒汁落去，咁叫醉雞咩？咁叫酒同雞咋喎。醉汁同蛋個個係同一隻味。同場加映廚房師傅上演籍著兩點說愛你😘明白廚房好多都又熱又污糟，廚房大佬食煙唔載口罩乜都有，不過大佬呀，你都搵嘢遮一遮丫，個個都知係污糟邋遢，但唔好俾人見丫嘛。整體而言，真係無改錯名，最弱雞，本來仲想試醉乳鴿，睇嚟都係唔洗啦，咁多好評？打手黎架？…Read More

生記粉麵都開店好一段時間，道聽途說是之前路徳圍雄記新店。之前雄記食過一次，體驗極差，出品差又貴，服務也似唔憂做。疫情當中上了報道話老店執笠可惜，我心諗執笠實在合理。但生記始終第二個名，或者無關？主力做幾樣，點了牛𦟌米線加魚肉。下午四點到，一兩枱客，唔洗等。上菜都好快，大致都正常。仲有少少腐皮。牛𦟌四塊大塊，炆得好食，入味入口即化。湯底都有心機，鹹酸辣有層次。佢無話自己邊門邊派，就係做自己味道，幾好。魚肉春卷。有魚味，有蛋香，當然都有粉啦，但比例合理，途中都有人買一兩條走。記得之前雄記都有，但難食又乾又爛都唔知擺咗幾耐，講真有呢個質素又點會執丫？鹹菜，都真係幾鹹，放少少就好。辣醬，重麻辣，惹味，都係有心機。整體而言，出色米線，價錢合理。…Read More

今日到流水響，行完係粉嶺找點吃的，原來有一麵包店頗有名氣，特意一試。地點不難找。椰撻大大個都係五個半。雞髀包九個半，香港無幾多地方咁平啦。椰撻出色，餡又厚又多，皮又薄，真係好出色。又無出面做得咁甜，食多隻都得。個皮都好鬆脆。雞髀包。先滷好雞鎚再做包，工夫嘢。靚仔。首先個包又好，薄薄地又香又甜，咬一啖雞一啖包，真係幾好。雞髀都滷得好食，滷水好香有層次，真係就咁賣都十蚊啦，而家做埋包先係九個半。真係無言，好食。後尾買多個。整體而言，真係行過路過唔好錯過。唔好就係一盤一盤咁出，我買第二次時賣晒，企係門口等，等十五分鐘左右，一出爐想買，有個客行入去見到就要三個，賣嘢阿姐就執俾佢，我都話咗我黎先，等好耐，賣嘢阿姐又大大聲話我唔知我啱啱返工，三個俾錢。最後行入去想買三個個客表明佢唔知所以唔要唔好意思。其實都係小事，但睇到有時管理都好緊要，同埋排緊隊真係要出聲。…Read More

三多，雞髀界當中都可謂無人不知。大埔店一直都無機會去，早幾年不知道是特許經營權定點，突然多咗好多分店，但單賣雞髀，行唔到好耐，一年多啲又全部執唒。今日又見到名號落户荃灣，睇嚟諗過更新過餐牌，成件事合理得多。有幾款午餐，大路茶餐廳嘢，但要維持日常，係必須的。而家疫情，下午茶8折，算抵食。大餐廳都好似有折。叫咗個下午茶炸脾拼炒麵。炒麵都炒得幾香，係爭啲豉油香。會俾包辣椒油，係幫到手嘅。炸脾等咗一陣，要辣。係上粉脆炸一類，size唔係最大，但啱架啦，起碼入到味又唔會炸咁耐。有汁，即來即炸其實都唔差得去邊。支籤就無乜用，幼得濟你又唔會就咁揸嚟食。調味都係咁，蔥薑蒜咁，算醃得入味。奶茶，本身又無咩期望，但入口又算係咁。俾錢時會折返。整體而言，下午茶想食少少嘢啱唒，無折都可以。…Read More

最近四川風拌麵愈開愈多，相信做法簡單，三幾十一大兜是原因。大圍也有一間。價錢真係唔算貴，當然配菜都主要係平嘢。成日見到長龍，但通常都好快有。點了涼朳。其實係拉麵一類，調味比較差，雞粉味精太出，然後辣中帶苦澀，睇嚟都唔係自己調的辣油。加了雞絲，鞋到一個點，又無味，真係白烚肉咁。基本芫茜蔥炸黃豆青豆都有。真係麻麻地，一半都食唔到。配料放到乾唒又無保溫。整體而言，平係幾平，三四十食到飽，但質素真係差，欺人未食過又平又好的？不過都係個句，池中無魚蝦最大，鬼叫大圍夜晚無嘢食咩。…Read More