重慶小食

最近四川風拌麵愈開愈多，相信做法簡單，三幾十一大兜是原因。大圍也有一間。

5

價錢真係唔算貴，當然配菜都主要係平嘢。

成日見到長龍，但通常都好快有。

點了涼朳。其實係拉麵一類，調味比較差，雞粉味精太出，然後辣中帶苦澀，睇嚟都唔係自己調的辣油。

加了雞絲，鞋到一個點，又無味，真係白烚肉咁。

基本芫茜蔥炸黃豆青豆都有。

真係麻麻地，一半都食唔到。

配料放到乾唒又無保溫。

整體而言，平係幾平，三四十食到飽，但質素真係差，欺人未食過又平又好的？不過都係個句，池中無魚蝦最大，鬼叫大圍夜晚無嘢食咩。