ChickenBale's Profile

今晚過左黎呢間人氣度幾高牛站，之前食過觀塘分店已經覺得幾好，今次咁啱喺銅鑼灣行完街天氣又凍凍地就上左黎打邊爐放肆一下。一上到黎牛站其實已經有一個好乾淨好舒服既感覺，坐位又夠闊，整體環境都好好。食物方面，首先最欣賞呢道酒既種類真係好多，有真露清酒梅酒啤酒等等，淨係黎飲酒都已經可以輕鬆回本，其他飲品都係勁多選擇。食物方面，Level 2都已經有得揀美國SRF和牛都真係好抵，又有濃厚既牛味再加上和牛既油脂味質素真係好高，淨係食呢個SRF和牛都食到停唔到口，呢一隻牛板腱又係勁好味，叫得牛站果然d牛真係特別出色。另外海鮮其實都好正，海蝦大大隻肉好爽，仲有帶子蜆脆肉脘好多選擇。最後特別要提下熟食乳鴨係必叫，燒得好好味又係食左好多隻。Last點少得一杯Haagan Diaz一杯Mövenpick呀…Read More

今日難得放假，可以早少少嚟到申子居酒屋食晚餐啦～ 兩個人，唔算大食，總共四款嘢食壽喜燒鍋特色鐵鍋配上豐富蔬菜菇類材料 配搭微甜醬油 壽喜燒湯底 牛肉比一般壽喜燒較為厚身 所以咬落口感上會比較豐富，牛味香濃，一定要點生蛋黃呀！ 個人習慣最後先食蔬菜菇類因為已經吸收壽喜燒入面帶有牛肉味嘅湯底~油揚腐皮 熱烏冬叫左加熱烏冬配番個壽喜燒，烏冬 麵條較幼好滑 湯底較清淡配番壽喜燒就啱啱好巨大蝦球呢個巨大蝦球上枱時絕對係超負你想像🤣真喺拳頭咁大個～ 外皮酥脆嘅部分做得非常之好，酥脆而且喺薄身。入面部分喺蝦肉滿滿又彈牙，中心喺流心芝士。足夠4個人share~極尚鹽燒牛舌芯牛心芯要極力推介，燒得剛剛好，咬落喺彈牙，有豐富油脂香味， 一啲都唔煙韌， 配搭少少岩鹽同埋山椒喺完美呀～…Read More

咁耐無食放題，梗係要會一會極尚大瀛喜，我鍾意佢食物種類多，而且重有高質拖羅，松葉蟹腳同海膽手卷。自助區有前菜，幾款熟食提供，靠特別嘅係蒜香小龍蝦。重有冷盤青口，海螺，海蝦。當然仲有各式飲品，同甜品提供。之後一開始點咗個刺身，大赤蝦，赤貝，榮螺，三文魚，八爪魚，油金魚，磯煮凍鮑魚，樣樣新鮮到爆。重點既拖羅，入口即溶，質素遠超放題水準。再點咗不同款式嘅壽司，當中我至愛就係和牛肩胛壽司同油甘魚腩壽司。之後再點d熟食，包括燒牛舌，燒比目魚，燒羊架，芝麻雞翼，一口鰻魚等。最後值得一提幾款中式菜式，估唔到放題都有乳鴿食，仲有蒜蓉蒸元貝，避風塘鮮魷，都十分出色。…Read More

食日本野癮起既話，其實香港都好多好好既選擇，焱丸絕對係一間我覺得比日本既居酒屋更加好既餐廳，因為食物質素真係好高，真係每次食都好有驚喜。首先喺焱丸食飯個氛圍真係好舒服，好有喺日本既感覺，所以d野食零舍好味。不過其實d食物都好高質，好新鮮，首先叫左個焱丸活貝大盛，見到兩隻手掌咁大隻既鮑魚好新鮮咁郁就已經流哂口水，其實仲有帶子，蠔同蜆都好正，全部都勁鮮甜，另外最好既就係有專人幫手燒，可以坐定定等食又唔洗諗幾時夠熟幾時食得，燒得啱啱好，無野可以挑剔。之後叫左紫菜魷魚鬚天婦羅感覺好香口，皮脆魷魚勁彈牙，食到食唔到。最後就有蟹籽蟹肉薯仔沙律，蟹肉份量勁多，清清地勁開胃。…Read More

母親節就到，帶咗阿媽去食放題，因為唔使諗去邊道食，佢又係最鍾意食日本嘢，食放題可以自己慢慢揀。講起食放題，而家真係最出色係大喜屋， 好彩嗰日有book位，六點去到已經full house要等位，walk in更加唔洗諗，所以話質素高既話真係唔使驚無生意。其實都有一段時間冇食過放題，估唔到仲畀之前更加出色，食物好似仲好味左。首先當然要狂叫刺身，d刺身好新鮮種類又多，媽媽最愛嘅帆立貝勁大粒勁好味，食到佢無停口。鮑魚壽司又係好出色，拖羅壽司好肥美，赤蝦好大隻又甜。熟食方面，乳鴨都幾有驚喜，鰻魚又係好好味叫左幾round，喺熟食區攞既瀨尿蝦都唔錯。有個甜品媽媽都大讚，就係燒榴槤，佢又係食完即刻要再點。可以同媽媽一邊食野一邊飲住清酒，佢食完已經問我幾時再帶佢黎😂…Read More

呢排好耐無食好野，放工搵左個朋友過黎沙田食呢間二鍋頭。呢間二鍋頭新開以來都一直好想食，因為食過尖沙咀分店覺得唔錯，反而近屋就未有機會食到。可能都仲算新開既關係，環境真係好好，坐得舒服又無油煙味，食物醬料都放得好整齊，幾抵讚。食物方面真係好挑戰食量，雞煲，牛尾煲，豬手煲同酸菜魚煲都可以任食，真係抵到唔識形容。叫左個小辣雞煲試下味先，d雞啖啖肉又入味，小辣都唔算好辣，最正係辣得黎仲有陣陣香味，食完忍唔住叫多個中辣食，再惹味好正。食完雞煲之後就開始打邊爐，叫左越式香濃牛肉鍋，湯底個味都幾出，食果陣唔洗點再加豉油都夠味。火鍋配料都有好用種類可以揀，安格斯牛小排安格斯牛板腱睇樣都唔錯，食落更加牛味豐富，海鮮都好正，特別覺得蜆同脆肉脘好味，另外水餃魚皮餃都值得試。呢個價錢呢個質素，唔怪得之喺呢個市道仲可以full house。…Read More

要數香港其中一間最出色既日本菜，呢間金酒屋真係無論裝修同埋食物質素喺香港應該真係數一數二咁出色，難怪我呢晚好早就full house，環境又靚氣氛又好，食得好開心。呢道既食物真係又睇得又好味，首先叫左個前菜牛油果三文魚粟米脆餅壽司賣相都好精緻，跟住份量又多到滿瀉咁滯，塊脆餅都幾得意，好有水準。跟住個人好中意呢個金龍珠海膽吞拿魚蓉卷，三種唔同既味覺享受，濃濃既蛋黃加埋新鮮甜美既海膽同埋滿滿既吞拿魚蓉真係好夾又好好味。之後就唔少得呢間鋪既招牌菜金丼啦，其實淨係見到個樣已經流哂口水，多到滿瀉既三文魚籽，份量又多又甜既海膽，吞拿魚蓉，蛋黃撈埋個飯一齊食滿足感100分。另外有樣必叫既係串燒雞皮蝦，食得出又爽又彈牙既蝦再加埋燒得好香又脆皮既雞皮，真係會食到停唔到口。…Read More

一向都有試唔同日本生蠔，呢款廣田灣生蠔未試過。蠔肉好厚身同飽滿，咬落好有滿足感！亦充滿海水味，希望下次可以再食呀 今次試呢個蟹雜炊，亦唔上枱店員先幫你開爐煮架，要少少時間。鍋入面有蟹籽，蟹身同蟹腳。味道喺清甜帶少少蟹味，蟹腳就幾鮮甜，唔錯! 次次都會叫番個甲羅燒黎食，今次叫我好中意嘅黑松露蟹肉甲羅燒，黑松露醬同埋蟹膏混晒一齊喺好好嘅配搭，好野味，可以試下同蟹雜炊一齊食都唔錯！每次都要叫一啲海鮮磯燒，有店幫我地精心炮製唔駛自己郁手。今次叫左2隻鮑魚殼燒，個鮑魚超級新鮮，好大隻好厚肉地，咬落口感彈牙 唔會韌，正！ 壽司方面叫左個三文魚壽司拼盤，一碟有5件，每件喺配搭不同口味嘅topping, 我最中意就喺配海膽同埋三文魚籽呀 唔飲酒嘅朋友，推介可以試下佢啲梳打特飲，例如呢個冰菠蘿梳打味道帶酸甜，又唔會有好假嘅果汁味，開胃之選…Read More

小曼谷喺我喺九龍城幫襯得最多嘅泰國野, 不斷都有新菜式推出，本身個menu已經好多野揀架啦，試極都試唔完咁。平時食飯時間好多人，今日就6點早少少黎到。 今次黎，見到餐廳又推出新菜式啦～今次試下呢個火山排骨，之前喺泰國嘅夜市食完都好想再回味一下。上枱果下真喺要嘩一聲，賣相好震撼，份量應該喺3-4份，每條豬肋骨都好多肉，配搭個酸辣汁，特色十足。辣度唔算好辣我覺得啱啱好，如果無辣不歡嘅朋友可能叫加辣呀～ 叫左咁多肉就叫番個菜～我通常食泰國野都會叫椰菜苗，平時自己比較難買到，可以揀蒜蓉，咸肉或馬拉盞去炒。今次叫左馬拉盞，份量都幾多，鑊氣都唔錯，椰菜苗咬落幾爽口，唔會過咸，推介呀～ 咪泰國餐廳比較少見到有pizza類嘅菜式，小曼谷呢個泰式風情薄餅就就好特別，餡料有泰式臘腸，蕃茄仔同埋芝士，餅底喺酥皮，香脆又有好多層。剛上枱熱辣辣食好正呀。…Read More

有個朋友今晚話想食燒海鮮，我二話不說就帶佢去呢間我好中意去既焱丸水產食，因為焱丸有好多唔同種類既海鮮食，地點方便裝修又正，又好有日本既感覺，無得彈。今晚既海鮮餐好豐富，活北寄貝刺身勁新鮮勁甜又爽口新菜式花雕醉渡蟹又抵又好味，蟹肉又滑又入味，食到我同朋友都勁滋味，呢個真係必叫。之後叫左壽司盛合都抵食，10件壽司每件都好精緻，最愛既海膽同帆立貝都勁鮮甜肥美，油甘魚同北寄貝都好正。大蝦鬼殼磯燒隻蝦勁大隻，蝦肉又爽又彈牙。焱丸最正既地方就係有人幫你燒埋，唔洗驚d海鮮燒唔熟，又可以自己慢慢傾下計。…Read More

高質👍🏻CP值超高🔥🔥放題🍣🥗🍨🍻首先好肚餓已經係自助區拎咗d 小食螺肉，龍蝦沙律伴櫻花蝦多士，香蔥吞拿魚蓉塔。刺身選擇好多，包括甜蝦，赤蝦，吞拿魚，三文魚，八爪魚，赤貝，北寄貝，帶子，磯燒鮑魚，泰式生蝦，特別推介松葉蟹腳，非常鮮甜。食到唔停得口。再黎叫咗多款壽司，海膽手卷更加 encore 再 encore 😍😝😋之後叫咗一堆一品料理包括京燒比目魚，一口燒饅魚，燒牛舌，蜜椒薯仔牛柳粒，芝士燒虎蝦，重有乳鴿王，油香十足又係 encore 再幾次，一定要試下。食到飽一飽再食埋自助區既小甜品，加埋杯芒果乳酪雪糕就大滿足了💯了。…Read More

如果有人叫我提議佢喺香港有咩居酒屋正既話，好多時我都會講呢間炎丸水產，因為我覺得佢唔止keep到水準咁簡單，仲會成日有驚喜，好似次次食都高質過之前咁，氣氛又勁有日本feel，地點又勁方便，其實真係無得輸。今次首先食個蟹籽蟹肉薯仔沙律開開胃先。跟住叫左三款刺身，深海池魚刺身勁新鮮，肉質緊實得黎又爽口，仲略帶鮮甜又有輕輕油香，勁高質。油甘魚勁厚肉，味道勁甘甜，仲有甜蝦都好正。甲羅燒都係一樣咁出色，粒粒既蟹籽再加滿滿既蟹膏次次都要encore。另一個要encore既一定係炎丸號壽司，因為真係好豐富，有好多唔同款既刺身。重點推介既燒鮑魚，新鮮到鮑魚上枱果一刻都仲郁下郁下，仲有專人幫手燒，新鮮既鮑魚味道真係一流，肉味十足又彈牙。最後就係侍應推介我今晚食既花雕醉渡蟹，蟹肉加埋花雕酒既香氣，味道更多突出同入味，絕對值得一試…Read More

今日放工攰攰又好想食泰國野就諗到去小曼谷買外賣番屋企慢慢嘆～今次又有新嘗試😆西班牙黑毛豬扒配粟米沙律 $150黑毛豬扒夠曬大件又厚身，煎得好香，就算外賣番到屋企都無問題。粟米沙律第1次， 估唔到新鮮粟米配搭泰式味道醬汁喺咁啱，仲有我鐘意嘅清新小蕃茄，香脆花生等，開胃惹味馬拉盞椰菜苗 $110椰菜苗份量唔少，馬拉盞帶點辣味同埋咸香，椰菜苗夠晒入味 咬落爽脆唔會炒得太老雞全翼 $24小曼谷必點串燒之一。 雞翼大大隻，醃得夠入味，點沙嗲汁一流牛根丸 $24第1次試燒牛根丸，一串有5粒。細細粒但燒完之後牛根丸喺彈牙得黎，咬落口感豐富臘腸 $24燒臘腸亦喺泰式特色串燒之一，賣相似中式臘腸但帶甜味，有5件，咸甜味道幾討好冬陰功海鮮湯粉 $79想食辣味嘅湯粉又唔想咁普通就要試下冬陰公湯粉，揀左粉絲，吸晒啲精華真喺好正，又辣得過癮…Read More

今日喺旺角行完街，諗咗好耐去邊度食飯好。個朋友就提議不如去食放題啦，想食咩就叫咩，想飲咩就攞咩。諗起又幾爽🤭🤭。之後我哋就去咗我地成日去既極尚大喜屋。一黎梗係要食刺身先，除咗有油甘魚，三文魚，北寄貝，帶子，赤蝦，甜蝦，虎蝦刺身之外重有松葉蟹腳。全部新鮮到爆💥💥💥。另外店入面既飲品櫃一睇就嚇親你😱😱，足足有八個大櫃，特別係我哋依d好酒🍶🍺🍻之人真係飲唔停。呢度重有幾樣比較特別嘅中式美食，就係燒乳鴿王，金蒜蓉粉絲蒸扇貝，避風塘軟殼蟹同川燒珍寶鮮蠔。估唔到放題都食到中式酒家嘅水準。絕對值得一試。另外必點嘅當然有海膽壽司啦，海膽鮮甜到不得了😋😋。牛舌串燒，雞軟骨串同芝麻雞翼都係配搭🍻🍺🍶既必選小食。最後我重食咗三杯雪糕，真係大滿足😊。所以如果當你喺旺角重煩惱緊要食d咩，一於黎極尚大喜屋啦。…Read More

今晚過左黎將軍澳呢邊探朋友，晚飯問佢食咩好，佢話梗係落樓下食616打番個邊爐先，真係好羨慕佢屋企樓下就有好野食，行都唔洗行，如果係我應該個個禮拜都會食😂叫左我最中意既牛雜湯底，呢個湯底既料真係誇張地多，食到尾都未食得哂，仲要好食又入味，一定首選揀呢個湯底。食616最開心既地方就係可以叫到成枱都係野食，可以試好多款唔同既牛，價錢仲要勁抵。最中意一定係信州和牛赤身，因為入口即溶又有牛味既感覺實在太好，真係必叫。花雕醉牛又係另一個必叫選擇，加左花雕味既牛肉真係出色，就算淥熟左都仲keep到個酒味。滑尾龍加左蛋撈埋一齊食口感就更加滑更有蛋味。牛朴肉都係一個唔錯既選擇，牛味重份量都多。麻辣牛肉餃既辣味又幾正幾惹味。手打牛筋丸彈牙肉又夠厚實。最後梗係要加埋個烏冬吸哂d精華就完美喇。…Read More