今次黎，見到餐廳又推出新菜式啦～今次試下呢個火山排骨，之前喺泰國嘅夜市食完都好想再回味一下。上枱果下真喺要嘩一聲，賣相好震撼，份量應該喺3-4份，每條豬肋骨都好多肉，配搭個酸辣汁，特色十足。辣度唔算好辣我覺得啱啱好，如果無辣不歡嘅朋友可能叫加辣呀～
叫左咁多肉就叫番個菜～我通常食泰國野都會叫椰菜苗，平時自己比較難買到，可以揀蒜蓉，咸肉或馬拉盞去炒。今次叫左馬拉盞，份量都幾多，鑊氣都唔錯，椰菜苗咬落幾爽口，唔會過咸，推介呀～
咪泰國餐廳比較少見到有pizza類嘅菜式，小曼谷呢個泰式風情薄餅就就好特別，餡料有泰式臘腸，蕃茄仔同埋芝士，餅底喺酥皮，香脆又有好多層。剛上枱熱辣辣食好正呀。
1
