呢道既食物真係又睇得又好味，首先叫左個前菜牛油果三文魚粟米脆餅壽司賣相都好精緻，跟住份量又多到滿瀉咁滯，塊脆餅都幾得意，好有水準。
跟住個人好中意呢個金龍珠海膽吞拿魚蓉卷，三種唔同既味覺享受，濃濃既蛋黃加埋新鮮甜美既海膽同埋滿滿既吞拿魚蓉真係好夾又好好味。
之後就唔少得呢間鋪既招牌菜金丼啦，其實淨係見到個樣已經流哂口水，多到滿瀉既三文魚籽，份量又多又甜既海膽，吞拿魚蓉，蛋黃撈埋個飯一齊食滿足感100分。
另外有樣必叫既係串燒雞皮蝦，食得出又爽又彈牙既蝦再加埋燒得好香又脆皮既雞皮，真係會食到停唔到口。
