李先生's Profile

鴨•葱拉麵是一款令人驚艷的美食，完美結合了傳統與創新的味覺體驗。湯底以濃郁的醇香著稱，展現了細膩的調味功夫，讓人忍不住一口接一口。鴨胸切片經過慢煮製作，面帶梅粉及內裡鮮嫩多汁，呈現出恰到好處的油脂與肉香，讓每一口都帶來驚喜。搭配京葱與蔥花共同提升了整碗拉麵的層次感。Q彈有勁的麵條吸附了濃湯的精華，帶來飽滿的口感，令人回味無窮。此外，標榜「無化調」更讓這款拉麵成為健康又美味的選擇。整體而言，鴨•葱拉麵在每個細節上都展現了對品質的追求，是一次不可錯過的味蕾盛宴。無論是拉麵愛好者還是初次嘗試者，都能感受到它的獨特魅力。鴨胸份量超多，份量等同主菜份量，只售$118性價比超高…Read More

約朋友在蘭桂坊飲酒，還未食飯，途經霸嗎拉麵，所以就簡簡單單食拉麵。拉麵麵質有彈性，叉燒夠淋，湯夠濃郁。炸餃子配沙律汁沒有特別，不過所有食物夠熱，職員上菜快，有禮貌，值得再試。拉麵最主要係湯底，麵質，溫度。希望餐廳能夠保持。現時惠顧好多食肆品質經常不穩定，主要是唔夠人手，唔夠人點可以做好品質及服務。可能未來要轉哂做機械人餐廳。…Read More

今日老婆放假緊係一齊去拍拖行街,一諗起一田大減價,就立即搭車去荃灣廣場睇下。真係估唔到嘅恐怖,一田大減價多人到根本迫唔入。結果一田大減價就行唔到,我地就緊係去另一地點千色匯新開之阿布泰,吸引了好多人流。係阿布泰行街買完野就緊係去M Kitchen 食飯。咖喱牛腩-咖喱味濃,牛腩軟淋,還有米餅加配,味道一流牛肋肉-肉汁鮮嫩,肉味濃,配黑醋汁可解油膩加拿大豬鞍-9成熟,肉質嫩滑多汁食物好好,員工服務態度好…Read More

13/1/2020下午7:00剛剛行完荃豐中心地庫睇電子產品,有啲肚餓準備要搵食。一路沿住天橋行,行到尾段又去左M Kitchen 。記得上次食牛扒鰻魚質素幾好,所以沒有猶疑就入去幫襯。不知道是否今日天氣較冷,餐廳比較少人,母須等候就可以直接入座。雖然一個人的晚餐,但都要食得精彩。我選擇了晚餐日式醬燒鰻魚飯150克配和風沙律,維他奶紅豆冰及意式焗雜菜。日式醬燒鰻魚飯150克鰻魚嫩滑肥美,皮有焦香,沒有碎骨和風沙律雜菜沙律配上胡麻汁,好食意式焗雜菜雜菜內有青黃紅三色椒再加茄子翠玉瓜,用蕃茄茸加芝士焗,味道帶酸,醒胃維他奶紅豆冰沒有技術可言,但紅豆夠淋保持水準,係一間令你會食過翻尋味的餐廳…Read More

聖誕節和老婆大人收工後在荃灣逛逛,行經千色匯1期發現有新餐廳開幕,裝修環境清新舒適,所以進內試試。餐廳有好多款式,主打菜式有熱熔芝士,蕃茄湯飯,鰻魚飯,石燒扒餐。由於我是牛魔王,所以order了一款重量級西冷牛扒,蒜香一口牛。西冷牛扒真的是重量級size,賣$118的花園餐廳價錢有這質素絕對超值。而蒜香一口牛份量同樣巨大,抵食。整體用餐經驗良好,食物質素ok,環境靚,聖誕節用餐又沒有限時交枱,幾好。…Read More

17/11/2019晚上19:35落單等了20分鐘先上雞翼撈檬及2杯椰汁冰，其中一杯椰汁冰仲要沒有甜味,即漏落糖。去到20:00我問佢著便服的男仕叫佢幫手跟一跟碗綜合牛肉湯河。等到20:25我老婆碗撈檬食完佢都未出。跟住再追單,我問點解可以等甘耐?綜合河生牛肉,牛腩湯已經有係度,但居然出餐仲耐過雞翼撈檬?炸雞翼都要等雞翼炸好都要8分鐘啦,但湯河居然要等甘耐。本黎甘嘅價錢,我都唔計較你的味道。但真係堅嬲,1.等咁耐2.食物質素垃圾(椰汁冰無味,撈撈雞翼overcook無肉汁,連撈檬嘅魚露醋都唔合格)…Read More

昨日5/7收工行過旺角彌敦道近登打士街方向見到有間新餐廳開左,橫掂諗住開餐,就行落去試試。現在時間是19:00,估唔到大熱天時30幾度,居然有人肯係樓梯等位,仲要有約30人😅。犀利,不過我1位應該好快及好容易有位。餐廳叫:堅石燒,個名好特別,唔知同Oscar嗰間堅信號有沒有關係。雖然有30幾人等位,但我等1位只是等了5分鐘就有位😍。雖然要搭枱,不過望一望餐牌扒餐價錢,其實仲平過花園餐廳及金鳳餐廳,茶餐廳價錢就預左要搭枱。入座時被安排坐在去味神器旁之長枱,一坐下侍應就講解餐廳落單流程及新張期間自助吧任飲任食。之後由於抱住試一試嘅諗法就先叫一份美國大理石200克$78最平之選。心諗如果係劣食都是蝕$78,不怕。落餐後就前往自助吧攞湯,意粉,沙律,雀巢檸檬茶😍。落單後等了約10分鐘左右就上扒,美國大理石一落枱就聞到好香肉味。侍應落餐時教我食幾多就切幾多,如果食得慢就逐件切,因為如果牛扒切片後較薄身好快會變成全熟。不過侍應臨走前同我講枱面上有碟,如果食唔切可以先將牛扒放在碟上,估唔到茶記價錢都有服務提供🤣。一切開件美國大理石,估唔到肉質鮮嫩多汁,有牛肉味無雪味,還有最緊要唔似花園,金鳳第尾咁用食粉梳打粉醃製,牛扒全天然正。我個人最鍾意是5成熟,食牛扒成數最好,這是享受肉質最嫩滑之成數。由於大理石嘅好味,200克根本未能夠滿足我,所以我再叫多份300克澳洲和牛西冷食。等了6分鐘左右就上枱,牛油味好香,好似加入了黑松露。澳洲和牛西冷入口即溶,油脂分佈好好,比日本和牛多了一份肉味。兩份牛扒都好食😍…Read More

大年初三，出街周圍逛逛，湊熱鬧。行到太子，由於有好多餐廳還未開市，所以沒有太多選擇下就到了花園餐廳惠顧。一落到花園餐廳可能是初三之關係，不夠員工工作，周地垃圾，環境感覺欠衛生。鐵板黑椒牛柳$130，牛柳肉質梅及淋,與想像中有差別..................鐵板安格斯西冷牛扒，肉質淋梅，黑椒汁味淡,與想像中有差別....................花園餐廳牛扒質素比想像中欠佳,詳情請看附圖…Read More

28/1晚上我和老婆行完朗豪坊就去旁邊傷心酸辣粉食晚餐，叫了一個2人餐再加乾扁四季豆。傷心酸辣粉味淡唔夠酸口水雞肉嫩但唔夠辣乾撈牛肚味道好淡麻辣青瓜味道可以乾扁四季豆夠麻辣味*如果加轉大辣或特辣唔使加辣就好了，因為唔夠辣唔好食…Read More

昨天20/2和朋友一起去長洲行山，行完就決定再去九龍城泰發食泰國菜........................泰式生蝦剌身肉質彈牙新鮮，配蒜片及酸辣汁食，正......泰式青木瓜沙律味道夠酸，木瓜絲爽脆，正....檸檬燒牛肉牛肉咸，食得出牛肉用食粉/鬆肉粉醃，汁水淡，唔夠酸黃咖喱炒軟殼蟹咖喱味淡，一般泰式燒雞肉嫩夠味蒜蓉法包夠熱夠脆，但蒜蓉不足芒果糯米飯中椰汁味淡 ，芒果夠甜整體ok,性價比高。…Read More

由於年三十各有各忙，所以我們一家提早年二十七(12/2)食團年飯。由於不想浪費時間選擇什麼菜式，所以選擇了套餐（半席）。乳豬皮脆肉嫩，不太肥翡翠花枝蝦球味道適中，蝦球彈牙無雪味脆炸蝦球皮夠脆，但無蝦味瑤柱甫味道偏淡，但用翠玉瓜代替節瓜口感欠佳鮑片花菇扒時蔬味道幾好，但一食就知道是螺片不是鮑片脆皮燒雞皮脆肉嫩海班肉質鞋，豉油味淡燒鵝有近髀位肉嫩，其他位置肉質較乾身及鞋壽包內有咸蛋黃，幾好食由於價錢算合理，性價比可以，但質素一般，如果臨急臨忙沒有訂位食飯，這酒樓都可以接受…Read More

昨日8/2/2018我接老婆收工後諗住往荃灣宜家傢俬逛逛,乘車到達荃灣後大約19:00左右,我倆決定先晚餐後逛街。所以我們上openrice 搜尋荃灣區有咩好野食,最近我倆少吃日式燒肉放題,在openrice 內發現有一間叫牛太日式放題店評語幾好,所以去試試。牛太位於荃新天地商場地下,在南豐中心行行人天橋過去約10分鐘左右。到達後我們選擇了$288放題套餐,埋單兩位共$634。首先牛肉質素麻麻,牛肉有騷味,牛胸腹好un,質素欠佳。燒烤爐火火勢唔集中（散）,令燒烤速度慢,要知道燒牛肉必須火勢夠猛才香，燒烤爐火要像盛八或牛藏才夠火力。羽衣甘藍沙律唔夠汁,葉身太乾,像放在雪櫃被抽乾水份一樣。其他食物質素一般,不會再試。另外題外話,客人落order食物永遠數量不足,牛肉落10片就黎5片,廚房出菜又慢,究竟想點?唔怪得我19:20（四）呢個時間去食都唔使等位,門口無客。令外餐廳位置不大,但只有3名樓面工作,樓面根本做唔切,由於唔夠人手工作,導致餐廳沒有服務可言。不過呢啲問題係我角度絕對唔係員工嘅問題,而係公司嘅管理有問題…Read More

3/2和老婆在尖沙咀食完晚飯後行街街,經過K11商場附近望見對面街有好多人排隊,吸引之下我地就見到係菲律賓幫襯過嘅芝士味薯條，所以就過對面買薯條食。薯條要好食,最緊要係夠熱,新鮮即炸。薯條好脆,有好香芝士粉味道,價錢合理,值得一試。…Read More

2/2晚上等埋老婆收工去食泰國菜,食泰國菜就緊係去九龍城啦。之後就搭車出發,老婆話朋友介紹九龍城泰發餐廳幾好食,所以我們就去試試。到了餐廳後order了數款菜式:1.檸檬燒牛肉-燒牛肉配酸汁幾開胃,肉質淋但感覺是用食粉醃淋,牛肉本身味道偏咸,品質一般2.木瓜沙律-酸辣味開胃,木瓜絲夠爽脆,少有配生菜供包裹食3.鐵板蠔仔蛋-蠔仔夠大隻,蠔仔蛋無味,靠辣椒醬攞味,與潮州蠔餅造法不同,相比下唔夠香口4.馬拉盞通菜-夠味夠鑊氣5.芒果蟹肉炒飯-飯唔夠乾身,炒飯沒有任何味道,淡得像忘記落鹽一樣總結:味道不過不失,但性價比偏高,因價錢相比其他泰國菜餐廳平。*從前較喜歡去隆姐,同心,小曼谷,金寶等泰國菜餐廳,但今時不同往日,味道已經不再………Read More

今日和同事一同外出工作(荃灣區)。之前在尖沙咀厚福街食過小蟻人,剛知道在荃灣大鴻輝中心(舊英皇娛樂廣場)1樓新開分店,決定和同事去食飯😍我之所以去食,除了掛念小蟻人的芒果拿破侖外,最掛念是餐廳有轉輪盤優惠,最低1折😍。今天我們食了炭燒美國厚切極黑豬鞍扒由於極黑豬是無菌,所以可以七成熟,肉質鮮嫩多汁,醬汁用上蘋果茸配搭,免卻肥膩感覺。炭燒安格斯西冷店員力推首選,說採用美國cab認證安格斯西冷(prime grade),的確一入口牛肉味好重,入口鮮嫩無渣。再配合黑松露燒汁,第一次食到燒汁有牛肉香味,正宗~黑松露帶子炒飯黑松露配帶子幾好味,但可惜是炒飯帶濕唔夠乾身煙三文魚蟹肉墨魚汁銅模意粉除五六星級酒店或正宗古老之意大利餐廳外,估唔到居然有餐廳會用銅模意粉,識食嘅人都知銅模意粉來貨貴普通意粉4至5成,所以一般人可能都未食過同不知道是什麼。銅模意粉特別之處是意大利粉會有坑紋,令意大利粉能夠掛汁,還有意大利粉爽口彈牙al dente。朱古力心太軟配moven pick雪糕朱古力味好香濃,原來是用上法國名牌valrhona 65度黑朱古力製造,皮脆,流心再配五星級酒店常見的moven pick雪糕,超正。芒果拿破崙店員推介,拿破崙是由人手製作,每塊摺疊共1百層,牛油味香濃,鬆脆馬卡龍撻店員介紹馬卡龍是人手製作,杏仁香味,不會太甜草莓窩夫配moven pick雪糕草莓窩夫鬆脆,有士多啤梨香味最開心係埋單時轉輪盤轉到2折😄😍哈哈~每人都是40至50元埋單,必定要再encore…Read More