foodismood_hk's Profile

經過咗忙碌嘅兩個月，決定好好獎勵吓自己！今次就揀咗一間位於銅鑼灣世貿中心嘅法式海景餐廳食個lunch☺️ Bochord，其實係bookhoard，意思就係藏書室。餐廳裝修以氣派典雅為主，周圍嘅牆身都有嵌入式嘅書櫃，而書櫃入面都擺放咗好多裝飾用嘅書，唔講以為入咗王宮入面嘅私人藏書室咁，而且餐廳對出仲有維港景，好開揚，呢度食晚餐一定好浪漫，啱晒慶祝！ Bochord嘅午市有3, 4或5-course menu可以選擇，怕食得太飽我哋最後選擇咗4-course，包前菜、餐湯、主菜同甜品 餐包係酸種麵包，上菜嗰陣時仲係暖嘅，口感外脆內軟，呢個sour dough咁多西餐嚟講都真係算幾好食！餐包仲跟咗海鹽牛油同埋sun-dried tomato pesto cream ，誠意十足，我哋自己就最鍾意tomato pesto cream Hokkaido Scallop Carpaccio比起出面嘅carpaccio, Bochord嘅帶子比較厚，有口感！配合嘅醬汁味道主要係由柚子同青檸所堆砌出嚟嘅酸味，仲加咗山藥去增加口感同層次，幾開胃～ French Morels & Iberico Pork Chorizo同我哋想像中係一塊塊嘅Chorizo嘅有啲出入，佢哋反而係將Chorizo炒熟，再釀入羊肚菌，係幾特別嘅presentation，而且兩者嘅味道鹹香鹹香咁，係幾新奇嘅體驗～ Hummus & artichoke Bisque 算係一個比較濃味嘅湯，口感好幼滑，有加到火腿同蕃茄乾令到成個湯嘅味道更加豐富，湯種帶點鹹香，食落唔算膩，但都幾飽肚😗 Lobster Bisque (+$58)酥皮脹卜卜，賣相幾好，龍蝦湯味道濃郁，仲加入咗蝦肉，如果想口感再綿滑同冇咁濃嘅話，可以再另外加埋跟湯嘅鮮忌廉，跟自己口味調調較。　Main Course 52-degree Sous Vide French White Cod Fish 魚皮同魚肉分開處理，魚皮食落非常香脆，而魚肉食落一疏疏，好似蟹肉咁，經過慢煮嘅鱈魚一啲都唔嚡，絕對有記憶點！　Traditional Roasted USDA Prime Beef牛扒嘅部位係flat iron steak。雖然佢就話係150 gram，但就咁望落應該絕對唔止，牛扒三成熟啱啱好，食落嫩滑多汁，配搭嘅薯菜都有心思，薯條係用咗鴨油去炸，香味提升咗一個層次　Dessert兩款甜品嘅擺盤都好精緻，一款以士多啤梨為主調，另一款就係芒果，而且用咗唔同口感嘅食材去堆砌層次。值得一提係芒果甜品入面仲加咗薑汁嘅厚身cream，真係幾特別！　食物有一定質素，而且環境唔錯，又啱慶祝，都真係值得一試啊！…Read More

葵芳呢間牧羊少年咖啡館其實都食過好多次位置都幾方便 係新都會隔離 葵青劇院入面佢哋有室內同室外位 但炎炎夏日當然就坐室內啦！ 咁多年鋪頭都冇咩大變化水準依舊 坐得舒服 係媽媽都會鍾意嘅 cafe~一段時間冇嚟 似乎佢哋轉咗新嘅 Lunch Menu今次試咗佢哋嘅蒜香珍珠帶子藍青口意粉意粉彈牙 海鮮份量足夠 加上蒜油好香 自己本身鍾意食細細粒嘅藍青口 所以呢個我幾鍾意～值得一讚嘅係佢哋嘅咖啡 似乎應該係換咗咖啡師 今次仲拉咗個超靚嘅花😍以前嚟嘅時候 仲記得佢杯咖啡偏苦 唔太好飲今次再試 加咗好多分！！ 媽媽就食咗佢哋嘅All Day Breakfast （快手得濟影唔切🫣)超大份 好足料 最鍾意佢哋就乳酪同 Granola～比普通嘅 ADB感覺清新啲…Read More

啱啱過去嘅一星期係Black Series，而今次Black Sheep一樣都做咗好多 promotion，只要上網訂枱就可以好抵咁食到佢哋嘅餐廳~ 上星期五我哋last minutes 八點先嚟訂枱，好好彩咁都book到中環SOHO La Vache! Black Series set！ 平時嚟食扒每位要$398，Black Series 期間每位只要$368，仲要送甜品！！真係超抵食！ 合桃沙律同平時一樣，唔算好特別，牛扒我哋叫咗medium rare，主要係考慮到呢度嘅牛扒上菜嘅時候會有蠟燭保溫，如果嗌得太熟嘅話加埋蠟燭，就會比較老，呢點大家可能決定生熟嘅時候都可以考慮埋~另外薯條係無限refill嘅，不過今次食嘅薯條就冇上次咁好食，淋得好快，亦都冇上次咁脆😢 甜品！！非常重要！！La Vache！係有自己嘅甜品 trolley，以往就咁嚟食甜品係要另外加錢，而佢哋嘅甜品都唔係特別平，但今次嘅promotion包咗每位一份甜品，有三個選擇可以比大家揀！因為我哋入座都比較晏，檸檬批已經售罄，所以就變咗甜品櫃任揀😝😝 我哋最後係揀咗黑森林蛋糕同士多啤梨拿破崙，兩份都唔錯，黑森林蛋糕朱古力味超濃郁，拿破崙加咗士多啤梨醬亦都比較開胃，兩份甜品真係好飽，大滿足！…Read More

Weekend約朋友食lunch，今次特登搵咗一間位於旺角嘅樓上越南菜，估唔到旺角呢頭都有好食又抵食嘅越南菜，而且環境都幾企理！ 夏天當然就要食撈檬，今次叫咗炸豬肉春卷扎肉撈檬同豬頸肉撈檬，兩個都唔差，夏天食真係好開胃！炸豬肉春卷炸得超脆口，裏面有唔少豬肉碎，味道都幾有當地風味。而佢哋嘅鹹檸豬頸肉充滿着油脂，調味剛好，食落亦唔會太乾～ 嘢飲方面，試咗佢哋嘅蛋咖啡，當然冇得同河內嘅嗰間老店比較，但佢嘅蛋咖啡絕對唔差。面層嘅蛋奶泡綿滑，而且似足越南嘅咖啡，夠甜！絕對係可以令你回味一下越南蛋咖啡嘅選擇！ 其實今次我哋仲嗌咗其他小食，例如串燒、炸雞翼、shake shake 雞軟骨，普遍嚟講佢哋嘅小食都幾出色！朋友亦都嗌咗佢哋嘅金邊粉，但佢就話比較普通🥲 四個人，一人一個粉麵，三杯嘢飲，加埋咁多小食，人均都只係$150，而且食物有相當質素，真係幾推介～…Read More

我哋今次係食佢哋嘅Restaurant Week Lunch Menu但估唔到Menu以外佢哋仲送咗三樣前菜比我哋😲 最鍾意一定係呢個三文魚配薄脆 兩種口感食落幾得意🤓 意式海鮮湯香濃鮮甜 但又唔會太膩 推介！ Cold cuts platter就相對一般會想嗌兩個海鮮湯多啲🫣 意式生牛肉他他配埋撻底同薄脆有多重口感而牛肉他他食落都幾清新 薄切西西里紅蝦配黑魚子及開心果呢個前菜係要另外加錢 但絕對值得！薄切紅蝦嘅蝦味好出 口感厚實微爽配埋開心果碎再添加多一層口感調味食落非常開胃🤤 龍蝦意粉都係要另外加錢意粉超香濃而且龍蝦肉非常爽口 超有驚喜！ 36個月澳洲肉眼牛扒伴紅酒汁男朋友非常欣賞呢個牛扒！生熟度掌控得啱啱好 唯一就係醬料配搭唔多 味道比較單調 最後當然係佢哋嘅Dessert Platter超多款式！而且每款質素都唔差 而最重要當然係呢個維港景總括嚟講 性價比好高 而且餐廳啱晒慶祝⋯唔係驚艷度超高嘅餐廳 有進步空間但亦都唔會令你好失望！幾啱慶祝 係一個穩打穩扎嘅選擇~…Read More

長沙灣呢間西班牙菜，幾個朋友都不約而同話好食，bookmark咗好耐，今次特登約埋朋友過嚟一試～ 可樂餅因為我哋三個人，所以分別叫晒三款可樂餅，最印象深刻嘅一定係墨汁魷魚可樂餅，filling口感順滑又濃郁，好特別，鍾意蘑菇嘅朋友都推介試呢個松露蘑菇可樂餅，松露超香仲啖啖蘑菇！ 深海八爪魚🐙相對比較失色，雖然配上紅椒粉同薯蓉，但略嫌唔夠香、成道菜式亦唔太夠味，食落好平淡，薯蓉亦唔算好奶滑亦偏淡。八爪魚偏熟身，食落實身偏少少硬，有進步空間🥲 西班牙壞蛋薯條🍟幾特別，薯條細細條超脆身，就好似食緊零食個隻薯條咁！然後加埋爆蛋漿蛋汁，同埋鹹香嘅西班牙火腰粒，個組合食落真係幾過癮，但略嫌蛋汁稍為唔夠多，如果再多啲汁可能冇咁乾～ 精選魚塊西班牙短米、西班牙海鮮飯 🥘兩款主食嘅味道好似，所以建議大家揀一款就好，如果唔係食落會覺得分別唔大，我哋就鍾意短米多啲，魚塊配上嘅醬汁幾特別，有啲似加咗paprika嘅mayo，而且短米嘅口感都特別～海鮮飯就有啲失望，覺得都係太濕身，冇咗飯焦嘅質感同香味，而味道就蝦味好重，重到有啲膩，搵唔到番紅花嘅存在感，有啲失望🥲 Basque Burnt Cheesecake 🍰甜品反而有驚喜，即叫即焗，上嘅時候已經覺得好軟綿，食落超輕盈，比起其他burnt cheesecake，佢帶微酸，所以食落一啲負擔都冇！ 人均三百幾，總括嚟講都值得一試，有啲菜式都幾特別，但有部分都比較普通，同想像中有啲落差，如果paella做得好啲真係會大加分！…Read More

泰國菜Nara Thai之前係曼谷都食過，進駐香港之後就一次試，今次嚟到位於沙田新城市廣場嘅分店試吓佢哋嘅泰菜！ 一坐低就上咗佢哋嘅炸蝦片，非常新鮮香脆，未落單都可以食住先～ 花膠海鮮冬蔭功🍲呢個冬蔭功真係超足料，入面有帶子、青口、魷魚、魚柳、蝦各種海鮮，而且食落每樣食海鮮都算唔錯，帶子嘅熟度仲要剛剛好，一啲都唔老！而湯底就酸酸甜甜，同平時食開嘅冬陰公比，佢哋嘅冬陰功會比較甜，非常開胃，而湯入面嘅草菇都好好食🤤 泰式炒金邊粉🍝佢哋嘅金邊粉唔會太濕、太乾，恰到好處，而佢哋嘅蝦食落爽口，調味都幾好，唔錯唔錯～ 泰式炒通菜 🥬呢個通菜份量兩個人食啱啱好，調味亦都唔會太濃太淡，而通菜好爽嫩，真係泰國菜必食！ Nara Thai沙田分店舖位都大，入面坐到唔少人，週末中午時段唔需要等位，但之前嚟過夜晚就要等位啦，咁啱口痕想食泰國嘢絕對可以一試！…Read More

中環呢間fusion菜鋪頭細細間唔算多位，但就非常有氣氛啱晒星期五晚同朋友嚟飲返杯傾吓偈，夜晚仲會搖身一變由餐廳變酒吧🥂 今次試咗佢哋幾款招牌菜！ Mushroom Croquettes 🍄蘑菇迷必食！炸粉唔厚，裡面滿滿都係蘑菇同芝士，好特別，而且蘑菇都處理得好，唔會狂出水令到啲味淡晒，幾特別！ Tom Yum Mussels 好有東南亞風味，青口醬汁唔會太濃太搶味，椰香超出，青口細細粒口感幾好，而且仲食到青口嘅鮮味同椰子嘅香甜～ Crab Cake 🦀唔算好有驚喜但都唔錯～cake cake外層香脆，內裡都有充分嘅蟹肉，唔算好有記憶點但唔差的！ Ox Tongue Macaroni 🐂最有驚喜嘅一碟！一上菜見到得通粉睇落冇乜牛舌，以為偷工減料，但錯晒😨佢哋將牛舌切到細細粒，食落每啖都有啲煮到好軟熟嘅口舌，而且調味都幾好，唔會太膩，而通粉亦al dante ，有驚喜！ 總括嚟講都係一間值得一試嘅餐廳，不過份量偏少，可能真係要嗌多幾碟先夠飽🥲…Read More

聖誕節想有儀式感當然係約下fd去食咗tea，係kkday見到呢個由嘉里酒店同彩妝品牌M•A•C合作嘅「冰雪璀璨冬日」下午茶，星期六日都係大概$350一位都算幾抵食，就決定boxing day去一試～ 下午茶以魚子醬為主題，第一份上嘅菜就係原盒30g 頂級魚子醬 Prunier Caviar😳仲配埋俄羅斯小圓餅、蛋黃、洋蔥同法式酸奶油一齊食，呢個份量有驚喜🤩而且魚子醬都好新鮮！好食欸 鹹點方面就有水牛芝士撻、蟹肉撻、煙三文魚三文治同法式大蝦多士，每樣都相當出色同有心思，唔係普通嘅三文治咁簡單，而最驚艷嘅係蟹肉撻同士多啤梨呢個組合！清新嘅士多啤梨，配上鮮甜嘅蟹肉，好過癮，直頭想食多幾嚿🦀 Afternoon Tea當然唔少得佢哋嘅鬆餅，分別有原味同充滿聖誕感覺嘅提子乾及肉桂味，兩款鬆餅都好好食，細細個，鬆軟亦都唔會太乾，驚食唔晒仲可以攞走😝 甜點方面就有黑朱古力核桃蛋糕、車厘子意大利芝士蛋糕、木梨柑橘撻同蘋果芭菲，全部都唔錯，而且唔會太甜太膩，我自己就幾鍾意！最特別嘅一定係佢哋嘅芭菲，好似食緊Apple Crumble咁🍎 飲品方面，每位都可以指定一款飲品，無限任飲，特別要推介佢哋嘅Kerry Chocolate，超順滑，絕對喺香港飲過最好飲嘅熱朱古力之一😍 呢個冬日下午茶係同彩妝品牌合作，所以每位都會獲得M•A•C嘅化妝品sample，以為只會係普通幾包sample，但收到個下完全驚艷咗，唔止sample仲有一細盒嘅eye shadow👀 總括嚟講，佢哋下午茶嘅性價比真係好高，可能因為一開始真係冇乜期待，食完成餐真係超級有驚喜，而且啲嘢真係好食，環境都幾好，唔算太嘈吵，幾啱傾偈，幾推介大家嚟試吓～…Read More

近排天氣凍就想食啲熱嘢，所以今日就嚟試吓呢一間位於筲箕灣，價錢都幾相宜嘅新記雞粥！ 貴妃雞拼豬肚粥($68)新記嘅生滾粥粥底好綿滑，雞嘅份量都算多，而且咁啱俾嗰幾舊多數都係雞髀，雞油嘅香味滲晒落碗粥度，超香！ 炸兩腸粉($25）腸粉皮滑得黎有米味，食落去嗰陣時仲係脆嘅～ 海蜇手撕雞($58）海蜇好爽，成碟餸辣辣地幾開胃。同出面唔同嘅係佢有落榨菜，而且份量都幾多，而且食落嘅調味會比較甜🤫 蝦醬炒通菜($51)通常出面食到嘅多數都會係腐乳通菜，而今次見到餐牌上有蝦醬就決定試吓。菜炒到啱啱好，而蝦醬味好濃郁啱晒重口味嘅朋友。 蜆介鯪魚球($58）鯪魚球係即叫即炸嘅，大大粒好彈牙，點埋蜆介汁鹹鮮鹹鮮感好好食！ 養顏蛋白杏仁茶($29)食完成餐之後嚟返個嘅糖水中和一下，杏仁茶嘅杏仁味幾香而且唔會太甜😚…Read More

牛油果一向以佢嘅營養價值見稱，只不過係多數餐廳嘅餐牌上只會以配角嘅形式出現，今次嚟到西營盤一試呢間以牛油果為主題嘅墨西哥餐廳Verde Mar，估唔到又幾有驚喜喎 Verde Mar其實係西班牙文，意思係green sea，改呢個月名嘅原因大概應該係餐廳想以墨西哥菜為主題，為食客帶嚟健康自然嘅食物。另外餐廳亦都提倡farm to table，我哋見到餐廳入面嘅花園種咗好多可食用仙人掌，而餐廳就會利用佢哋黎製作餐廳嘅特色飲品。 Avocado Smoothie 🥤今次我哋就冇叫到仙人掌特飲，而係叫咗佢哋嘅招牌飲品。Avocado Smoothie既口感好綿密，帶有牛油果嘅甘香！大推！ Melt-in-your-mouth slow cooked beef cheek barbacoa 🍲呢個牛面肉真係冇得輸！牛面肉嫩滑嘅程度係我哋只需要用匙羹輕輕將佢壓一壓，佢就成成嚿散開咗。除咗入口嫩滑之外，佢嘅牛肉味都好濃，好似食緊一嚿好腍好入味嘅牛腱咁。而湯頭方面，對比起墨西哥菜，我覺得佢比較偏向似韓國嗰種雪濃湯，係牛骨加埋牛肉一齊熬湯既個種純粹嘅牛肉香，我哋最後係飲到一啖都冇剩！大推x2! Seafood Paella 🥘 呢個西班牙海鮮飯個份量真係嚇親人，基本兩個人嚟只需要嗌一個小食，再加呢個飯就夠曬… 海鮮用料好足，有帶子八爪魚蝦同埋青口。唔知係唔係墨西哥版本嘅海鮮飯同西班牙有少少唔同，我哋食過嘅西班牙嘅通常比較偏乾身，會有飯焦，但今次呢嗰啲飯會比較濕潤，而且有青椒做炒飯嘅配料，都幾好食。…Read More

生日咁大件事，梗係要好好慶祝！今次就嚟到尖沙咀位於Sheraton入面嘅美式扒房Morton’s，嗌咗佢哋嘅special occasion set menu，包咗前菜，主食，配菜同埋甜品。 國際慣例美式扒房上嘅第一道菜都一定係麵包，morton嘅麵包好大個，因為係新鮮出爐既關係，食落都幾鬆軟同埋好重洋蔥味，配埋牛油食食吓都食咗三份一🤭 前菜我哋仲叫咗一份龍蝦湯同埋焗海鮮拼盤（另加$120)。龍蝦湯一睇個色水就知有啲中伏，之前去過君悅同埋lawry’s飲過嘅龍蝦湯都係深橙色，而Morton’s嘅龍蝦湯睇落就粉紅色嘅，似乎係落得太多cream 溝得太稀。飲落去覺得龍蝦味好淡，同埋落嘅乾邑太多，令到成個湯飲落去好苦🫠作為超鍾意龍蝦湯嘅我，真係好失望🥺 海鮮拼盤入面嘅crabcake就幾好食，外面好酥脆，入面嘅蟹肉亦都好鮮甜！不過其他嗰幾樣就唔係好啱我哋口味，例如帶子配煙肉、jalapeños焗蠔…係幾創新但食唔到海鮮嘅鮮味🥲 主菜亦都係今日嘅重頭戲！Morton’s係專做乾式熟成牛扒嘅，而我哋嘅套餐就可以揀兩人份量嘅porterhouse steak，我哋就嗌咗三成熟。由於porterhouse係有兩個唔同嘅部位組成，我地決定食咗牛肉味冇咁重嘅fillet先。一切落去就覺得生熟程度啱啱好，但食落就差咁啲焦香，比較平淡。如果話牛柳位係正常嘅話，咁sirloin呢邊就應該係重災區🫠sirloin正常牛肉味會比較重，但唔知係咪嗰日塊牛比較瘦嘅關係，我哋食落去完全唔覺得有牛肉味，而且仲好韌…已經係三成熟但都好難咬🤯 配菜方面就好睇個人口味，奶油菠菜就有人覺得好好食，但有人覺得好膩，而薯條就普普通通啦，不過話到明係黑松露薯條，黑松露好似失咗蹤咁😕 最後講返甜品，其實我覺得一間好嘅美式扒房，點都要有一個似樣嘅芝士蛋糕，但呢度嘅cheesecake超普通，仲要得個甜，甜品又係冇咩特別，扣晒分🫣 慶祝生日來講，佢哋又真係幾有心思，會佈置好張枱，有個人化嘅餐牌，仲會幫你影即有即有，會係一個幾難忘嘅經驗！ 不過，食物質素上就有啲保留啦。上網睇明明好多人都話呢間餐廳好好食…唔知係唔係個別事件🤦🏻‍♀️但以呢個價錢嚟講、真係好難俾多次機會佢，食完仲有啲嬲嬲地😕而且都睇過另外幾個食評，似乎唔止我哋覺得唔好食，睇嚟餐廳真係要認真改善下佢哋嘅食物質素。…Read More

星期六去咗中環做運動，一場嚟到當然要食返個brunch先走啦，今次嚟到呢間位於2樓嘅樓上Cafe，嘢食絕對有質素，星期六晏晝亦都唔算特別full，可以慢慢好超咁食返個late lunch~ Spaghetti Guanciale Carbonara 🍝呢個carbonara好好食！蛋汁好濃郁而Guanciale亦煎香過，食落滿滿嘅油脂感喺口中爆發，而且仲帶點鹹香，超滿足，而且carbonara嚟講唔算偏重口味，唔會食到咁膩😲 Egg Benedict with Liege Waffles + Smoked Salmon 🍳🥚佢哋嘅Hollandaise sauce 調得好好，平時Egg Benedict 通常配麵包食，今次就配佢哋嘅主打嘅waffle一齊食，佢哋嘅waffle 十分鬆軟，而成個組合又鹹又甜，幾得意~唯一就係比較細份，男仔食可能真係會唔夠飽🫣 適逢聖誕節，餐廳都佈置得好靚，喺度靜靜食返個晏真係幾正🫶🏻…Read More

la famille嘅蛋糕有幾出名就唔需要多介紹啦～ 佢哋嘅蛋糕細細個 食飽飯都仲食得落 真係同朋友慶祝生日嘅不二之選✨ 雙重朱古力🍫整體朱古力味好香濃！面層有朱古力脆脆，中間夾住口感順滑嘅朱古力忌廉，配埋軟綿綿嘅蛋糕，一啖滿足晒你三個願望！ 大甲香芋黑糖麻糬🍠呢隻真係我哋嘅favourite!! 已經encore咗好多次😍cream同蛋糕嘅香芋味都好出，食到中間仲有黑糖麻糬，軟綿綿嘅蛋糕配上奶滑嘅cream同煙煙韌韌嘅麻糬，多重口感～ 伯爵夫人💃🏻同原味伯爵茶唔同嘅係佢佢表面鋪咗糖漬檸檬片，而且製作戚風蛋糕嘅時候加咗啲柑桔同檸檬，食起嚟有茶味之餘，仲幾清新！ 泰式奶茶🍵泰式奶茶係佢哋嘅新口味，茶味香濃，但又唔會過猶不及～…Read More

萬聖節前一個週末，將軍澳海傍有好多一家大細出嚟trick or treat，好多商舖同食肆都有參與萬聖節嘅活動，我哋都特登過嚟感受下節日氣氛。將軍澳海傍有唔少餐廳，我哋見近近地，就決定嚟呢間bar食埋晚餐。因為係萬聖節，餐廳加入咗唔少佈置，好有氣氛✨🎃👻 由於嗰日唔算好肚餓嘅關係，我哋淨係嗌咗一個青口同埋pizza～ Half & Half Pizza 🍕 平時出面食pizza多數都係要一個一個咁叫，而呢度啲Pizza可以half-half咁order，啱晒三心兩意但食量又唔大既朋友仔！我哋今次叫咗A Tavola House Special Pizza同埋Seafood Pizza。海鮮pizza幾足料！Pizza中間嗰一兜係sour cream，當塊pizza食到尾，得返條邊嗰陣可以點嚟食！ 新西蘭青口通常餐廳嘅青口都係用忌廉或者白酒煮，而我哋就比較鍾意後者，貪佢食落冇咁油膩。呢間餐廳嘅青口就正正係用白酒汁煮，加上牛油、蒜頭同埋辣椒，清爽得黎又惹味，食食吓都忍唔住嗌多咗pint啤酒🍺 …Read More