貴妃雞拼豬肚粥($68)
新記嘅生滾粥粥底好綿滑，雞嘅份量都算多，而且咁啱俾嗰幾舊多數都係雞髀，雞油嘅香味滲晒落碗粥度，超香！
炸兩腸粉($25）
腸粉皮滑得黎有米味，食落去嗰陣時仲係脆嘅～
海蜇手撕雞($58）
海蜇好爽，成碟餸辣辣地幾開胃。同出面唔同嘅係佢有落榨菜，而且份量都幾多，而且食落嘅調味會比較甜🤫
蝦醬炒通菜($51)
通常出面食到嘅多數都會係腐乳通菜，而今次見到餐牌上有蝦醬就決定試吓。菜炒到啱啱好，而蝦醬味好濃郁啱晒重口味嘅朋友。
蜆介鯪魚球($58）
鯪魚球係即叫即炸嘅，大大粒好彈牙，點埋蜆介汁鹹鮮鹹鮮感好好食！
養顏蛋白杏仁茶($29)
食完成餐之後嚟返個嘅糖水中和一下，杏仁茶嘅杏仁味幾香而且唔會太甜😚
