ah4's Profile

今日同屋企人嚟食飯，亞媽一早喺8月底已預訂「優選夜宴」全包宴及落訂＄300作實。到落單時，好彩睇下張上菜單，發現當中食物與所訂套餐不符，於是搵個著黑色套裝的女士問清楚，佢嘅答覆係：「你地訂個套餐已經無做喇，而家做緊另一個套餐，價錢是一樣的。」我地當然唔肯收貨，一､我地一早落訂，嚟到你先同我講話個套餐無做，佢地亦無預備材料，咁大個集團，顧客一早預訂及落訂都可以話無就無，咁預訂嚟做乜？二､與該女士對質其間，其態度敷衍，給人感覺是「你食就食，唔食就算」之感。將其公司的錯誤，強要客人接受。最終，該女士找來另一男經理，經我們再三堅持，才肯供應我們所訂之套餐。此為我們一早預訂的套餐，其單張亦註明供應期至2011年9月30日。我們當晚向酒家部長／經理詢問時，她亦親口指套餐供應至9月30日。新菜單，開始供應日期為9月14日基本上食物水準尚可，唯獨是乳豬拼盤內的牛𦟌大帶有酸味，懷疑變壞。另外，原先指沒有材料而不能供應的千絲帶子黃金球，我們每人只吃頭一口已發現有酸味，懷疑食材變壞，我們向經理投訴，其試食後指只是雪藏味已不是變壞，但我們從未食過帶有酸味的雪藏蝦球，可能是我們太孤陋寡聞。拼盤味道尚可，但牛𦟌帶有酸味。帶有酸味的雪藏蝦球，最終每粒也只被咬一口。龍躉兩味味道非常好，很快便清碟了。反而出名的燒鵝，本人覺得味道一般。紅米炒飯不太油，恰到好處。最好味好味味道一般最後經理送上糖水以平息我們的怒火，可惜我們並不領情，原封不動！原封不動的糖水一間好的食店，除了有高品質的食物外，還要有好的服務態度。這樣一個集團式食肆，可以隨時更改菜單而不通知已預訂的客人，臨時迫客人接受其安排，即使食物再好，也難令人再光顧。…Read More

今日約咗兩位好姊妹食飯，book咗Key West試下。好姊妹打去訂位時已知只有1.5小時用餐時間，8:30pm要還枱。因為大家太耐無見，一坐低就先談近況。其間餐廳經理及侍應不停來回我地張枱數次，又不停"裝"下我地叫得嘢食未，好似要催你落order咁。跟住我地叫咗個溫泉蛋沙律﹑一客墨魚汁扁意粉﹑一客蒜蓉大蝦同一客無骨豬扒。個沙律同蒜蓉蝦味道ok，不過d蝦得兩隻，仲要係set dinner。如果一個男仔食就一定唔夠飽，不過佢伴碟嘅雜菜同薯蓉都幾好味。客無骨豬扒"un"到用刀都要切成5﹑6下先切得開，擺入口"趙"到牙都甩。個墨魚汁扁意粉無乜特別，不過佢面頭d材料,乾蔥仲多過d墨魚。仲有隨餐附送嗰個紫色雪糕(我估係blueberry)，陣藥水味勁到我食咗一啖就擺低。除咗d食物麻麻外，佢地d侍應仲成晚喺我地身邊團團轉，驚死我地8:30pm交唔到枱咁。佢地擾民嘅程度，連我地都忍唔住要出聲同佢地講,我地8:30pm可以埋單走人，佢地唔去再過嚟騷擾我地。個侍應先話唔好意思。到8:30pm我地叫咗埋單，拎張單嚟個女侍應仲喺度講"因為你地張枱8:30pm夠鐘，所以要埋單先。"我地真係火都嚟，就答佢"係我地叫埋單o架，我地而家咪走囉，你唔駛再不停remind我地!"我知假期前後，你地d枱好full，但都唔駛成晚喺d客身邊團團轉，你比我食到8:30pm，我8:30pm自然會交枱，但你中間d時間唔好騷擾我。咁趕客，下次搵鬼嚟咩!…Read More

出深水埗買完嘢，去咗西九龍中心搵飯食，見牛車水有位，就入去醫肚。我同老公每人叫咗個set lunch，佢叫嘅係豬扒炒出前一丁，我叫嘅係肉眼扒配意粉。$31有齊餐包﹑餐湯﹑主菜同一杯飲品，都幾抵，不過d嘢食嘅味道就真係麻麻!個忌廉湯杰撻撻，湯裏面仲有d一塊塊未融嘅"湯"，飲咗兩啖已經唔想飲。我個肉眼意粉仲衰，塊肉眼扒紙咁薄，仲要無乜味!d意粉直頭太淋，仲要你望落去係好濕嘅感覺，好似煮得太耐而發脹咁。雖說加咗茄汁煮，但就一d味都無，食咗幾啖就食唔落，仲剩返一大碟。反而老公個豬扒炒出前一丁就炒得幾香，試過一小塊豬扒都ok!早知我都叫呢個啦!其間聽到另一張枱嘅男人，投訴個沙律變咗，但個類似餐廳經理嘅女人仲要死撐話係咁，不過因為隔咗兩張枱，唔係好聽得清楚佢地講乜，不過最終見個經理攞口咗一小碗沙律出嚟比個男人。…Read More

梅窩洪聖爺誕，趁星期六入去趁熱鬧兼影下相!因為7pm有開幕儀式，所以就諗住早d食飯，食完去影相。我地四大一小大約5:45pm就去到怡軒搵飯食，當時唔係好多客，但係佢地無論服務態度﹑上菜速度同食物味道都係超差!!!首先，我地喺門口見佢寫有d $108二人餐，但係我地入去見到嘅menu又無，於是問個亞叔有無d套餐menu，佢答我地，你見到有就有，無就無!之後有另一個哥哥仔經過，問佢，佢就喺隔離枱比咗另一個套餐menu我地!好啦，到order餸，我已經就個哥哥仔嘅寫字速度，佢寫完我先order第二樣，但佢都係樣樣要我重覆兩次!叫完餸成半個鐘，我地叫嘅嘢一樣都無嚟過，連後加嘅4杯紅豆冰，都唔知點解叫咗成15分鐘都未到!好啦，問佢地啦，就話幫我地跟，但見佢地3個人圍住d單睇嚟睇去，成5分鐘，個疑似老闆嘅男人行埋嚟，問我地叫咗乜!無嘢呀，擺明漏單啦，但我地咁早嚟食飯，客又唔係多，你都漏單!之後佢地前前後後起碼再問多3-4次我地叫咗乜!真係火都滾，我地講,你又唔寫低佢，第一次落單,叫嗰小小嘢，已經樣樣重覆一次，之後你漏單，又唔寫低佢，不停就走埋嚟問我地叫咗乜，係咪咁做生意呀!好啦，等咗大半個鐘，卒之有嘢食啦，但d嘢食真係好難食囉!我地叫咗個$216嘅4餸餐，包括﹕豉椒炒蜆 - 我從來未食過d豉椒炒蜆裏面係有黃芽白嘅!究竟係佢無洗鍋就煮個蜆，定佢地舖頭嘅煮法咁特別!椒鹽豬扒- 一上枱已經見到油淋淋，食落口仲要咸到死，食多兩塊個腎應該唔駛要。 雞粒滑豆腐 - 個獻汁杰到睇見都已經唔係好想食! 時菜炒牛肉 - 落單時問佢係咩菜,佢話菜心同生菜，咁我地話要菜心，就算追單時都係同佢講菜心，但嚟到時，兩樣都唔係，而係娃娃菜。 例湯 - 個餐包埋個例湯，但好明顯係味精湯，又係勁咸!紅豆冰 - 我呢世人未飲過咁難飲嘅紅豆冰。漏單不突止，之後見住佢整，見佢倒完D紅豆落去之後，唔係加椰汁or奶，而係倒成半杯清水，之後再加兩滴花奶!嚟到一飲，同飲水無分別!叫亞叔加d奶比我地，佢話已經加咗，之後好不情願咁每人再比多幾滴我地!依然係超難飲!d餸嚟時仲有d小插曲，我地見佢拎住碟蜆去另一張枱，但發覺人地無叫。咁我地話係咪呢枱o架，我地叫咗成個鐘都未嚟。我地起碼講咗三次，佢地亦都肯定聽到,但理都唔理我地，仲要個面口係比你覺得你好似呃佢咁。佢地就咁捧住碟蜆出出入入咗兩次，之後先擺低比我地。到埋單啦，我地個餐明明$216，加4杯紅豆冰$52，都係$268啫，但佢話total $288。佢連張單都無拎過嚟，剩係齋up。我問佢點計到$288，佢先話茶錢每位$5。無嘢呀，你d menu同全間舖都唔見有寫要收茶錢囉!!!呢餐飯真係食到一肚氣!我地走時，睇住隔離枱叫人落單叫咗15分鐘無人理，但個哥哥明明見到佢地叫人落單，佢經過兩次都唔理個客!另一枱客就同我地一樣，問個亞叔有無d多人套餐，個亞叔答無，但明明係有嘅!呢間舖，服務又無﹑味道又差，態度又唔好，咁唔願做，咁不如唔好開門做生意啦!…Read More

今晚睇完戲，諗住喺附近搵食，見到呢間唔駛等位，門口d menu又好似幾多嘢食，咪試下囉!點知跟個姐姐入去攞位時，見到個地下已經好污糟，仲衰過d茶餐廳，廚房通道有水漬又唔抹，d客食完走埋又無人執枱，地下又有紙巾，衛生環境真係唔係好得!好喇，坐低之後，d人又走開晒，無人serve你，水都無一杯!到我地order嘢時，舉咗好耐手先有人睇到!原本諗住食海南雞飯同豬潤麵，點知兩樣都無!而家先8pm，乜都無!!!點做生意呀!好啦，最終叫咗兩個$46小菜餐，跟飯﹑跟湯同糖水，結果仲失望!中式例湯- 粉葛湯: 個湯味道都ok，用料都算足韮黃滑蛋炒蝦仁: d蝦仁有兩種唔同顏色，硬繃繃，一d味都無。d炒蛋一夾就散，唔用湯匙係夾唔到。蜆介薑蔥爆牛肉: 上枱時「喳喳聲」諗住好掂，點知一拎起個煲蓋，第一樣見到嘅係一條頭髮!!!D牛肉無肉味，仲「鞋」到死，d枝竹又燶鬼晒!糖水-渣喳: 味道一般個湯嚟咗之後，無人比餐具我地，本來想叫人攞比我地，但周圍乜人都無!唯有自己去攞，但只係見到湯匙。到d小菜嚟，叫個哥哥比d餐具我地，佢居然問要咩餐具!我食中餐，梗係要碗筷啦，唔通用刀义咩，咁都問得出!呢間嘢真係差到爆，以後都唔會再幫趁!…Read More

上次去八月居，佢話夜晚有人結婚，1:30PM就已經話要清場，試唔到佢d點心。今日就11am去，唔會又無位喇啩!11am去到，佢地啱啱營業，但見門口已經有人排緊隊。原來reception掛住聽電話，搞到d客要企喺度等帶位。我企咗喺度成10分鐘，先被安排入坐。打開張點心紙，好多嘢都想試，結果叫咗好多嘢食。四寶滑雞扎 ($30) : 都幾大隻，味道唔錯，舊雞幾滑豉汁蒸鳳爪 ($26) : 賣相幾靚，咬落去幾爽口，唔會好似某d酒樓咁蒸到淋晒，未咬就已經斷。流沙奶皇包 ($26) : 真係做到流沙效果，食時要小心燙口。香滑芝麻卷 ($24) : 呢個唔係幾得，個皮唔夠薄，同埋無乜芝麻味，反而好似有d膠味。义燒滑腸粉 ($30) : 一般狀元蝦餃皇2隻 ($19/隻) : 大大隻蝦餃，一籠一個，d蝦好爽口彈牙。花膠瑤柱灌湯餃 ($48/隻) : 隻餃佔咗半個湯盅，仲有兩舊花膠同原粒瑤柱，用料十足。菠蘿鮑魚雞粒酥 ($33) : 個酥皮好脆，味道唔錯。有個女侍應服務唔錯，會自動自覺幫你加水同換碟，不過其他侍應就成日唔知去咗邊。坐低又無人問你飲咩茶，係過咗一陣要叫先有人睬你。服務真係有待改善。…Read More

上個星期日出銅鑼灣，差唔多2pm先食lunch，行過北海道米比薩，見佢唔係太多人，又未試過，就走入去試下。打開個menu，見有d lunch set同tea set，不過寫明星期一至五先供應，公眾假期暫停供應，唯有散叫。不過點完菜之後，見隔離枱居然可以點set?!!!咁佢個menu就唔好寫一至五先有啦!因為佢d價錢一d都唔平，我地只係叫咗一個香芒雞肉米pizza﹑釀雞翼同一杯可樂!釀雞翼 ($29.8)﹕收成本30一碟，得嗰兩隻奀挑鬼命嘅雞翼，仲要我根本食唔出佢釀過d咩喺裏面，因為切開都只係見到一堆同雞肉一樣白嘅肉碎!香芒雞肉米pizza ($88.8): 個米pizza底其實即係飯焦，不過幾脆，d雞肉有d「鞋」，不過配埋甜甜地嘅芒果都ok嘅!我地order完杯可樂，睇返個menu，先知原來要成$29.8，但埋單時，佢又收我$15.8，佢個menu真係令人覺得好混亂囉!佢d份量又小，價錢又貴，真係無下次!…Read More

今日同班朋友食團拜飯，朋友預先更改原先menu，試咗其他人推介嘅龍蝦鍋﹑古法生炒骨同豉油大蝦。雖然我地點嘅係12人餐，但碟碟餸都好大碟，食到中段，好多人已經叫飽!是日菜單如下﹕日式乾燒豉油皇大海蝦: d海蝦真係好大隻，同埋好入味，正!新彊火焰羊架l:上枱時個火真係好有氣勢，哈哈!個羊架一d羶味都無，味道仲好惹味!不過有幾舊就比較肥!中式生炒骨: 用新鮮菠蘿炒，不過排骨無乜特別!崧子好事鴿鬆發財包手: 個皮係用嚟包片皮鴨嘅皮，不過好乾，個鴿鬆就一般野生龍蝦鍋: 真係超大鍋，食極都食唔完，個湯底有蜆﹑帶子同東風螺，所以好甜，不過d龍蝦煲完湯食落有d「鞋」。芝士百花釀蟹蓋燴元貝(伊麵底): 不過不失，不過d伊麵好長，同埋黐埋一堆，夾時有d困難。醬爆松茸野雜菌扒碧綠: 一般清蒸大金鈾: 條魚蒸得幾滑:)香江黃金裹蒸粽:睇佢個賣相，真係一d都睇唔出係裹蒸粽。煎成一塊嘅裹蒸粽，創意一流，不過味道就無乜特別。上湯過橋絲網鮮蝦卷: 食時要先放落碗上湯度拖一拖，但係都係無乜特別!百合紅豆蓮子大團圓: 呢個糖水我無食，因為見到佢個顏色，就知佢溝咗好多水槳!不過d朋友話粒芝麻湯丸幾好食，所以個個剩係食湯丸。生果拼盤當晚仲有幾枱人喺度慶祝生日，d staff 捧個蛋糕出場時，全場熄晒燈，搞到連我地呢d坐隔離枱嘅路人甲都一齊起哄，好有氣氛。…Read More

因為要去Sogo辦年貨，所以出咗銅鑼灣。周圍都人多車多，食餐飯都唔知要等幾耐位。咁啱老公出bouns，決定食餐好d嘅，就去咗和幸食日本燒肉。今次已經係第三次嚟幫襯，但有d唔明點解喺銅鑼灣呢d旺區，一間食物質素唔差嘅餐廳，次次晚飯時間嚟都唔駛等位之餘，仲要唔會滿座。真係有d奇怪。今次我地叫咗個特選肉盛 ($288)，裏面有黑毛和牛五花肉﹑特選牛肋骨肉﹑日本伊達赤豚﹑岩鹽薄燒牛舌同埋味噌雞翼。另外又叫咗米沢和牛香蒜五花肉($158) ﹑辣味清酒煮大蜆 ($68)，同埋一口和牛多士。D燒肉都幾好肉汁，同埋唔駛加d乜嘢調味已經幾好食。d waiter見你唔係好識燒，會主動走埋嚟教你，廢事糟蹋d靚肉嘛!佢地見你個爐已經燶燶地，又會幫你換過塊燒烤板，避免d客食炭屎。其實呢度環境﹑服務同食物質素都幾好，但真係唔明，點解入座率會咁低囉!唔通樓上店真係咁難做!…Read More

下午1:30去到海港城，原本諗住去八月居飲茶，不過reception姐姐話夜晚有人擺酒，唔招呼我地。咁咪走囉，但轉頭我又見有一pair外國人可以入去食嘢，唔明點解囉!飲唔成茶，就走咗去LCX入面嘅鈴木咖啡館食lunch。我地被安排坐喺出邊望海嘅窗邊位置。出面泊咗架郵輪，仲有兩位哥哥冒住大雨清潔船身，一路食飯，一路望住呢個畫面都幾得意。講返d食物，我地叫咗兩個main dishes，另每人加$42多個湯同飲品。兩個main dishes分別係溫泉蛋豚肉飯，同埋帶子大蝦意粉。個餐湯嘅正確名稱我就唔清楚，不過我估有d菠菜同魷魚條喺裏面，味道都唔錯。溫泉蛋豚肉飯: 我剩係偷食咗兩塊豚肉，不過d肉配埋d薑汁，幾入味，味道不俗。帶子大蝦意粉: 碟意粉有一隻帶子同一隻大蝦，我自己就覺得八十幾蚊好似貴咗d，如果有多隻帶子就合理少少。不過個意粉味道唔錯，d 蒜頭令個意粉好香，但又唔會太濃味。隻大蝦都幾好肉，亦燒得幾香。不過餐廳嘅人手就好似唔係好夠囉，同埋佢地集中喺近門口嘅前半場位置。我地呢d坐喺近海邊嘅後半場顧客，好似無人理咁，叫嘢食都等咗好耐先有人理。總括嚟講，呢間餐廳嘅食物水準都唔錯，如果夜晚同另一半嚟食飯應該都幾好feel。…Read More

知道蘭芳園喺尖沙咀開咗分店，不過一直都無機會試，咁啱今日去開尖沙咀，就走去試下。同老公兩個人，叫咗一個晚餐A - 薄牛扒拼司華力腸同埋一個蔥油雞翼撈丁。 薄牛扒拼司華力腸塊牛扒好大塊，條司華力腸亦都唔弱，配埋個炒飯，大大碟幾抵食!個餐仲包埋餐湯﹑蒜蓉包﹑甜品同餐茶，$58算係咁啦! 蔥油雞翼撈丁蔥油味好重，又唔太油，個撈丁又唔太乾，幾好味!…Read More

老媽子突然間話想去西貢食海鮮，之前有朋友提過一間叫勝記嘅海鮮酒家，於是就去試下喇!間酒家由巴士總站行入去大概5分鐘左右，穿過晒所有海鮮酒家，行到去一座紅牆建築物就係喇，比其他海鮮酒家遠，但就新正d同裝修企理d!飯前先嚟個沙薑雞腳食住先。d雞腳幾好食﹑幾入味。我地今晚仲叫咗豉椒炒蟶子﹑椒鹽賴尿蝦﹑蒜蓉蒸扇貝﹑芝士龍蝦伊麵﹑蠔皇扣鮮鮑﹑海膽炒飯﹑蒜蓉炒菜心，同埋紅燒乳鴿。食飽飯，經理仲請我地食咗個甜品併盤同生果盤。豉椒炒蟶子: 蟶子大大隻好肥美蒜蓉蒸扇貝: 扇貝都幾大隻，仲有好多粉絲芝士龍蝦伊麵: 龍蝦啖啖肉，唔似之前喺第二度食嗰d咁，腳多過肉。不過芝士味略嫌淡咗少少。椒鹽賴尿蝦: 大大隻賴尿蝦，椒鹽味勁正蠔皇扣鮮鮑: 以烹調乾鮑嘅煮法嚟泡製鮮鮑魚，食落口感真係有d似食緊乾鮑紅燒乳鴿: 酒家提供八種唔同口味嘅乳鴿，我地就試咗紅燒嘅。不過呢個麻麻地，同埋D鴿比較的骰。海膽炒飯: 炒得好香，仲有好多海膽，食到尾都仲見到好多海膽。甜品併盤: 呢個好正，我地試咗桂花糕﹑椰汁糕﹑咖啡糕﹑菠蘿糕同埋士多啤利糕。細佬話粉紅色嘅士多啤利糕最好食。d侍應嘅招呼好好，好有禮貌。同場仲有幾個唔同家庭喺度慶祝生日。下個月老豆生日，都會考慮嚟呢度慶祝。…Read More

兩星期前同朋友嚟新開嘅銀座梅林試下有幾特別。首先，間舖嘅位置都幾難搵!如果喺K11商場度落B1嗰層，係無通道通去餐廳嘅。要先落去B2,再喺霞飛點心拉麵對面嘅通道搭返電梯上B1先見到間餐廳。又或者喺地面碧仙桃路入口有條電梯直達去B1。我地一行6人，接待員安排咗張卡位比我地。但係張卡位枱，根本就坐唔到6個人。睇落張枱嘅size同其他4人卡位係一樣大，所以我地都坐得好辛苦下。今次我地每人分別叫咗一個定食，另外仲叫咗兩客梅林豬扒三文治同一個5點刺身。梅林豬扒三文治 ($68): 呢個真係幾好食，不過$68份三文治，我覺得貴咗d囉!5點刺身 ($248): 無鮮味，剩係食到一堆雪味!:(吉列黑豚豬扒定食($158): 好厚身，幾鬆脆。不過肥膏略嫌多咗d，食到成口油咁!吉到蝦定食($168): 個吉列皮用自家製新鮮麵包糠炮製，係就係好脆，不過食落好似乾咗d!不過佢個麵豉湯幾好飲。老實講，我覺得大家差唔多嘅價錢，Tonkichi 好食d囉。雖然梅林個豬扒汁係自家制，但就缺少咗d芝麻味，無咁香囉。 同埋佢d豬扒比較多肥膏，好油膩。…Read More