11am去到，佢地啱啱營業，但見門口已經有人排緊隊。原來reception掛住聽電話，搞到d客要企喺度等帶位。我企咗喺度成10分鐘，先被安排入坐。
打開張點心紙，好多嘢都想試，結果叫咗好多嘢食。
四寶滑雞扎 ($30) : 都幾大隻，味道唔錯，舊雞幾滑
豉汁蒸鳳爪 ($26) : 賣相幾靚，咬落去幾爽口，唔會好似某d酒樓咁蒸到淋晒，未咬就已經斷。
流沙奶皇包 ($26) : 真係做到流沙效果，食時要小心燙口。
香滑芝麻卷 ($24) : 呢個唔係幾得，個皮唔夠薄，同埋無乜芝麻味，反而好似有d膠味。
义燒滑腸粉 ($30) : 一般
狀元蝦餃皇2隻 ($19/隻) : 大大隻蝦餃，一籠一個，d蝦好爽口彈牙。
花膠瑤柱灌湯餃 ($48/隻) : 隻餃佔咗半個湯盅，仲有兩舊花膠同原粒瑤柱，用料十足。
菠蘿鮑魚雞粒酥 ($33) : 個酥皮好脆，味道唔錯。
有個女侍應服務唔錯，會自動自覺幫你加水同換碟，不過其他侍應就成日唔知去咗邊。坐低又無人問你飲咩茶，係過咗一陣要叫先有人睬你。服務真係有待改善。
