eatenateeat's Profile

食物正常發揮：炸蠔餅炸漿過多，蠔仔唔算多。蜜椒薯仔牛柳粒，薯仔炸得唔夠脆其他都正正常常。差唔多食完，8點半夠鐘還枱，8點13分已經交單叫埋單，話唔好介意。咁都算，8點26分就話唔好意思夠鐘叫我地埋單走。出到去以為好多人等位，點知一個人都無。想同兩位朋友飲多兩杯都唔得，3個人食，咁就差唔多一千蚊落樓。話貴唔係話好貴，但呢種服務態度真係好難怪香港人都上哂去深圳消費。你話好多人等想翻枱做多兩轉好合理，出面無人等都趕我地走真係令人難堪。…Read More

天氣開始轉涼，最岩就係約埋朋友去打邊爐。今次朋友帶左我去一間台式既火鍋店，有別於平時所見既台式火鍋，呢間牛大人絕對俾到驚喜我。湯底一共有9款俾你選擇，其實好多款都想試最後簡左「台中蒜頭雞」。特別一提，佢地點茶係用QR code 既方式係手機點，所以大家可以各自係電話睇左想食咩再落單。自助醬料區有多達12種材料俾你選擇，一定簡到岩你心水既口味。自助配料區除左可以手樹落單，佢出面仲有超過30種唔同既新鮮食材俾你拎番去整。仲有台灣既地道美食：魯肉飯俾你任食，絕對夠哂台式。台式小食雖然今日無黎打邊爐，但見到menu 有好多台式小食都忍唔住叫番幾碟。我地叫左台式香腸，鹽酥雞。所有小食都好有台灣風味，直頭好似去左台灣夜市咁。任食特級安格斯叫得牛大人，當然唔少得就係佢地既牛肉。我地叫左好多輪，特別推薦：上腹牛五花，安格斯牛小排，絕對係要不斷encore。自助飲料最後一定要講下佢地既自助飲料區，有多款包裝罐裝飲品，而且有佢地自家制既：桂花烏龍/洛神花茶等，絕對係誠意十足。走之前仲有送上M牌名牌雪糕，劃上完美句號。如果食厭左普通港式火鍋店，大家不妨黎牛大人試下，包你一定有驚喜。…Read More

平時周圍食得多，食到唔知食咩好，咁岩有朋友話想搵個地方hea下吹下水，就提議食cafe我都好多年冇食過cafe啦，印象中食物都麻麻地，但呢間位於旺角既cafe竟然比到驚喜我一黎唔少得叫個沙律食啦，竟然好大份，沙律菜亦好新鮮烤甜蕃薯 $45十分香甜，配埋蜜糖十分夾蒜片牛柳粒$59牛柳粒份量足，蒜片香口，仲配埋沙律菜添BBQ汁燒豬肋骨配薯菜 $148一上碟原來好大碟，有2隻手掌咁大，食落肉汁鮮嫩，夠哂4人食雞翼拼盤$178人多就最岩叫返個拼盤一齊share, 有雞翼9隻，雞鎚9隻，炸薯條，即叫即炸，睇得出係十分新鮮，夠入味，薯條配上黑松露醬好夾最後仲叫左辣肉腸pizza, 食完十分飽，好滿足的一餐！…Read More

個日同朋友去食, 地點非常方便, 在地鐵站附近 餐廳的外觀十分高雅本人最憎去林食咩呢度最好就係唔洗林 當你選擇左個套餐佢會幫你話事當天我們選擇了選了楓 Kaede 800/人的套餐頭盤櫻花玄餅有好FRESH的感覺鹽辛魷魚口感一流味道鮮甜北海道真蠔本人好怕腥味 但呢個絕對無! 入口仲好FRESH蘋果木煙燻油甘魚外觀好迷幻 >.< 食方面都好好味道紫蘇+ 大拖羅 +海膽 超多海膽 林住一啖食哂 點知都係唔得!北海道白粟米 第一次食白粟米 好SWEET!壽司方面最深刻係個海膽軍艦 個名無改錯 海膽真係成個軍艦咁大!!! 超滿足甜品方面係日本蜜瓜+ 芝麻布丁 +芒果雪糕 我記得雪糕同布丁都係自己做 絕對有誠意之作!!…Read More

係香港咩國家既菜式都有，日本野真係幾時都咁岩我口味早幾日又去左厚福街既鮨一食晚飯，果然無令我失望海葡萄蕃茄沙律先黎個開胃沙律，海葡萄咬落咸咸地，加埋新鮮蕃茄，唔會太酸食欲頓時大開宮崎白玉粟米呢排日本餐廳都會提供既既白粟米，直接生食唔洗煮，粒粒都超甜蜜柑鯛刺身薄薄既刺身好清甜爽口，加埋自家制醬汁，食到停唔到口馬糞海膽手卷差唔多有成半板海膽，仲要係新鮮高品質既日本馬糞海膽，唔會有怪味，加埋本身既醬油壽司飯，一啖食落口滿滿海膽充斥口腔，大滿足串燒叫左雞心雞皮雞腎雞尾同雞胸軟骨，各有各精彩，最鐘意燒雞皮，同係日本居酒屋食既一樣咁好食日本沖繩苦瓜經過汁煮，味道帶甜回甘唔會苦，就算平時唔食苦瓜既我都覺得好食牛舌唐揚厚厚牛舌用唐揚方法炸，外脆內軟，考功夫好好味。…Read More

係灣仔番工咁耐，一直都唔知係月街有間咁隱蔽既omakase，直至最近朋友介紹呢間鮨月。地點旺中帶靜，隔離仲有酒bar，最岩同朋友食完野摸下杯底，過一晚悠閒既happy Friday幼油甘廚師刀功細膩，薄切幼油甘魚味濃郁，口感爽口， 加上柚子汁作為開胃前菜一流新鮮帆立貝超級鮮甜，加埋裙邊食爽口非常岩手蠔依伏於岩石生長的岩手蠔屬於岩蠔科，是日本知名的蠔種，以體形大、多肉肥厚見稱，海水味濃，奶滑質感，回甘味強。Hamachi,赤身鰤魚幼魚，味道清新淡泊有，魚肉甚有彈性，十分新鮮魴鮄粉紅與白色交集的魚身肉質紮實，味道清甜伊佐木伊佐木來自本州中部三重縣，味道鮮甜彈牙平鯛平鯛魚皮較厚，魚身是有透明感的白色，加蔥花連魚布食口感豐富平鰺平鰺香港可能比較少食，油脂含量不高，口感柔中帶少許脆韌，非常鮮甜，不同於拖羅個種油脂香。燒水鮹厚燒水鮹，咬落煙韌，加埋自家製醬汁味道特別天婦羅有大蝦，茄子同蕃薯，天婦羅漿厚度恰到好處，唔會過厚…Read More

今日係旺角鬧市中發現左一間隱世既餐廳, 之所以話係隱世, 其實只係因為呢間餐廳位置並唔明顯, 在橫街小路中既小路, 仲要係樓上舖, 唔望多眼都唔會見到, 上到去, 環境同樓下真係南轅北轍, 樓下人來人往, 車來車去, 喧鬧繁囂, 餐廳就西式格調, 柔和既燈光, 正因如此, 食客大多放慢平日既急速, 靜靜地享受晚餐, 呢到好岩一對對既情侶來進餐。講左咁耐, 係時間講下食物, 頭盤可以選擇生蠔海鮮拼盤,大蝦,鵝肝, 軟殼蟹, 食材都好新鮮。之後仲有凱撒沙律同田螺焗薯蓉餐湯係龍蝦海鮮濃湯, 如果係鐘意仲可以加酥皮, 現時香港已經好少有地方可以飲到了T_T。主菜可以揀炭燒美國西冷扒,西班牙黑毛豬配蘋果茸或者岩鹽燒石班魚柳配原隻南瓜芝士意大利飯, 都唔錯架。甜品有心太軟,奶凍同焦糖燉蛋3款揀, 只有試左心太軟同焦糖燉蛋. 都唔錯,好味。…Read More

日式燒肉係香港食價錢不嬲都唔平，而且都唔係間間好食，捨得比靚料你。今次朋友介紹銅鑼灣熊本，仲要係燒肉放題，價錢又唔係好貴，食物質素高份量夠，認真性價比超班。經店員簡單介紹完用Ipad 落單，放題食幾多自己落夠哂方便。我同朋友都好鐘意食牛，呢到仲要有咁多款牛真係岩哂我地心水。醬燒牛排骨，安格斯牛肉眼，鹽燒厚切牛舌，牛里肌肉，牛側腹橫肌，薄切jumbo牛小排，秘製牛五花應有盡有。我最鐘意就係牛小排，雪花紋最靚，入口即溶。加$28蚊可以任嗌和牛，脂肪唔算多，但牛味重，而且唔會韌。除左牛之外，刺身亦同樣出色，帶子大大粒，三文魚腩亦都油脂好夠，入口即溶。海鮮款式亦都有好多有活鮑魚，扇貝，珍珠貝，蠔，蝦認真夠誠意仲好細心教哂每款海鮮燒幾耐，唔驚燒唔熟。食完仲有飯後甜品Haagen daz雪糕食。…Read More

係香港食川菜話就話有好多選擇，不過味道正宗性價比高就真係唔多。今次朋友帶我去呢間三希樓，係銅鑼灣時代廣場，開得係城市中心應該唔會差。蜂蜜蕃茄呢道冷盤首先將蕃茄去皮，再淋上蜂蜜灑上桂花，食落不單冇生蕃茄個種酸味，蜂蜜同桂花個種花香同蕃茄好夾，看似簡單卻非常清新有特色麻辣口水豬手口水雞食得多，口水豬手真係少食，原來都唔錯。豬手大部份都用左無骨部份，啖啖豬，而且皮爽口唔痴牙，唔會好似一笐豬手咁膩。酸菜豆花傳統川菜菜式，豆花十分滑一定要用匙斤先「不」到，搭上酸菜出奇地配合，好好既開胃菜。干鍋豬大腸味道同麻子雞好似，不過用豬大腸黎代替雞。豬大腸炸得岩岩好，唔好炸到好乾，加埋爆香左既辣椒，辣得好過癮水煮魚味道好正宗，同係四川食過既差唔多，魚肉好嫩滑，辣度剛剛好，加埋底下芽菜寬粉配料，份量十足。即撞山泉水豆腐花以為淨係川菜出名，估唔到係三希樓竟然可以食到咁高水準既豆腐花，淨係個咁靚既木箱仔已經值回票價。超滑豆腐花加上自製既桂花糖水，比起平時落薑汁黃糖更加好味，份量大概有6-8碗食到我地飽到郁唔到…Read More

平時去銅鑼灣食野好少選擇因為對港島區實在唔太認識今次會黎ember餐廳係因為有朋友推介話有live band食物水準好 氣氛好 服務好於是黎睇下係咪真係佢口中所講既三好!一坐低 真係幾有feel 暗得黎都仲接受到 好舒服 岩哂星期六既氛圍前菜我地叫左個湯法式龍蝦湯 $68一上菜時 幾濃郁既香味 但入口後略嫌龍蝦味唔夠重 可以再重料啲!話明係酒吧餐廳 緊係要嗌番杯COCKTAIL配合番個環境先係架嘛HOTEL CALIFORNIA $118吖 !WHISKY味重得黎好易入口 我諗係因為加左蜜糖同菠蘿!原來WHISKY都咁好飲同行朋友就嗌左杯MOCKTAILPOP PUNCH $70 (HH)  $88(NH)佢有將奇異果同青瓜放埋一齊原來都幾夾 仲好FRESH添GRILLED CHICKEN & CHORIZO PIZZA $158呢個PIZZA係薄底黎既 我地都好中意雞肉份量都幾多 足料足料入面仲有好多芝士架 但我地食太快 無影到哈哈烤美國安格斯特級肉眼牛扒伴薯條配燒汁12oz $308一上菜我地就「嘩 好大份喎」同行朋友仲怕食唔哂 美食當前 緊係唔諗呢啲呢塊肉眼好好好厚身 好juicy 肉同脂肪比例完美平時真係好怕會好重味 怕落左好多調味呢個完全岩岩好 味道適宜北海道鮮帶子煙肉半乾車厘茄芥蘭苗香辣蒜片鮑魚汁扁意粉 $188呢個名真係好長 佢真係名符其實架因為所有材料都真係係入面搵到帶子好大粒好鮮甜 我地仲一人一粒添香辣蒜片反而係最出眾最出色既配合 辣辣地得黎令你完全停唔到低溫慢煮烤法國黃油雞胸釀黑自豬辣肉腸 芝士伴時蔬琉迷迭香燒汁 $188呢個令我地最驚喜 因為一切開先發現原來雞肉入面釀左野雞肉煮得岩岩好 唔老又滑 我諗呢個就係慢煮既大大好處啖啖都係雞肉 都幾夠飽添食物高質有水準 我覺得呢個價錢真係值架佢地夜晚9點半就會有live band 幾有feel 架平時唔食晚餐 都可以同朋友仔黎飲杯野 氣氛唔錯!…Read More

人愈大真係會愈難抗拒中菜成班朋友異口同聲都話想食啲中式野 我緊係唔放過呢個機會推薦食上海菜一坐低就緊係嗌番啲前菜開番個胃先喇蛋白炒賽螃蟹蟹肉好足料，炒蛋白清清地，口感好滑。鮮肉小籠包每次去食上海菜都必定會叫嘅一道菜！哇！未挾起已經見到好飽滿嘅肉汁，皮薄餡靚，一定要趁熱食，不過就要小心啲汁爆出嚟。蒜泥白肉第一次見到咁樣嘅蒜泥白肉，食落去嘅感覺好驚喜，肉質好厚，同埋好入味。回鍋肉啲肉炒得好入味，啲肉又切得好薄，一塊一啖，送飯一留！正！奶油津白如果每次食飯必定要叫一碟菜食嘅話，必點呢個，津白味道好鮮甜，又大份喎飲品方面都有好多唔同選擇，左邊係好養身嘅菊花杞子茶，右邊係檸檬薏米水，微甜飲落仲有陣陣檸檬香味，推介！高力豆沙，脹卜卜，食落好鬆軟，中間嘅豆沙餡又唔會好甜。豆沙窩餅表面望落去好似油淋淋，脆卜卜咁，朋友想食我冇咩特別期望，但都諗住試下，點知食落同預期完全唔同，好煙un,又會太甜。…Read More

松葉蟹蓋蟹膏蟹肉海瞻一絲絲既蟹肉加上海瞻蟹膏一齊品嚐，根本無法抗拒。麻醬海蜇，海螺，有機白粟米。鮑魚海帶清湯鮑魚令湯非常清甜，本以為經已煲湯既鮑魚會失去味道，但食落仍留有少許鮑魚。刺身總括來講，都算係新鮮，畢竟香港海域無法捕捉這幾種魚，能夠吃到這質素既刺身已經很不錯。天婦羅海蝦，沙追魚，日本紅衫魚加海瞻醬，日本大蜆天婦羅採用新鮮海產，而用作天婦羅既炸漿由廚師自行調配，放落已控制好既油溫到炸，時間炸得岩岩好，炸漿薄而脆，內裡既蝦，魚都剛好熟透，還能保持原有既水份，加上海瞻醬既紅衫魚更係好食到無法形容，開半既大蜆天婦羅非常少見，味道鮮甜，呢個天婦羅組合超級滿意。燒鰻魚，鰻魚玉子燒，燒白鰻鰻魚燒到皮脆，肉厚，醬汁不太鹹。玉子燒剛剛好，好滑，夾心鰻魚，好味。沒醬汁既白鰻比燒鰻魚沒那麼濃味，燒既味道比較出，一樣好味。白蘭地甜薯很特別既一道食物，甜薯外皮香脆，內裡軟綿綿，甜薯吸收左白蘭地既酒香，酒既醇厚提升了甜薯自身既甜度。梅冰素麵非常清新既梅冰素麵，素麵麵質有彈性，雖然素麵本來平淡無味但梅酸加上碎冰令人不能停止進食，一啖接一啖。晴王提子飯後果是晴王提子同哈蜜瓜，都是日本空運到港既高級生果，而飯後果能夠有助消化。…Read More

同友人一行四人想食韓燒，就去左試呢間隱世既韓燒餐廳。一行到鋪頭，店面既裝修已經加分，好有韓國感覺。店面既裝修好韓式，唔係卡位咁坐，係坐圓枱，感覺仲開心。落左單之後，野食黎得好快，塊肉眼好大塊呀！厚薄岩岩好，四個人食份量都岩岩好！真係好大塊呀！燒完再剪黎食都唔會麻煩，都好易剪開仲叫左個豬肉套餐；全部都有落少少調味料醃過，唔會太鹹唔會太淡，味道岩岩好。好怕食豬肉會好多肥肉，但係呢幾舊肥瘦都適中，唔會太肥太多油彈到周圍都係！除左燒肉，仲嗌左兩款炸雞，蜜糖味周埋蒜蓉味，個人比較中意蒜蓉味，香d，食落感覺都唔會太熱氣。呢個梅頭肉泡菜湯都有驚喜，唔會太辣，入面d料都好足，唔會淨係得泡菜！最後我地4個人食到好飽，都係每人大概200蚊咋！食韓燒呢個價錢，性價比高…Read More

翠玉約左個好耐無見既朋友 咁緊係想吹水吹耐啲 又唔想去cafe喎又想可以靜靜地 慢慢食慢慢飲見到「酒肉。朋友」呢個名幾過癮 於是諗都唔駛諗就決定食日本燒烤!玉子口感有與千層蛋糕，啖啖分明，配上日式燒汁，非常出色。明太子沙律：明太子不像其他店舖散落在沙律菜上，而是一粒一粒地配上沙律醬呈上，咀嚼時粒粒分明，非常有口感。芝士年糕: 大小剛好，一口咬下，熱騰騰的芝士從年糕流下，配上煙韌的年糕，甚為絕配，值得一試。羊架：肥瘦剛好，亦帶有羊甦味，不難咬開，出色之作。鵝肝雞翼：啖啖鵝肝，加上每次串燒必點的雞翼，一拍即合，不能不試。三文魚茶漬飯：好好好好好食，個茶又唔會遮哂啲飯同三文魚味喎，同朋友爭住一人一啖。…Read More

作為一個香港人對於車仔麵應該係一件很熟悉既食物,  亦可以話係香港其中一種獨有既食物文化, 平時都會試下唔同地方既車仔麵, 今次就去左九龍城打鼓嶺道既呢間榕記車仔麵到食, 因為聽講佢呢到既車仔麵同平時唔同, 特別係佢地個湯底。講到個湯底咁特別, 當然要試試佢, 原來佢地有兩款湯底, 一係胡椒豬肚湯底, 二係酒香藥膳雞湯底, 咁下面呢碗就係胡椒豬肚, 加左魷魚,翼尖同豬軟骨。 當飲第一啖湯，胡椒味對口腔既衝擊，會令你好想飯第二啖，如果你有去過新加坡食胡椒肉骨茶，你應該可以幻想到個湯既味道，絕對可以媲美。至於翼尖同魷魚就不多講，但呢個五香豬軟骨值得介紹，煮得好入味，名附其實咁軟，真係幾好味。之後呢個咖喱牛腩飯，的而且確係餐牌上寫既辣咖喱，而唔係日式或者泰式帶有椰香蛋花既咖喱，接近巴東印度咖喱感覺，不過本人本身喜歡辣，所以不覺辣。另外，呢個牛腩放入沙煲再煮熱，熱辣辣，非常吸引，牛腩都煮到入晒味，仲要易咬，好味。呢個湯都值得一試，酒香藥膳湯，落足料，味道夠，飲得多唔知會唔會對身體有保健作用。芝心粟米煎蛋當然係芝士加粟米加蛋，呢隻煎得好香，外面金黃內裡岩岩熟，食落外脆內滑，非常香口，不過美中不足既係，如果可以再多加芝士就完美。呢三杯野飲係香港都好少飲到，姜汁咖啡，咖啡經常飲，加姜汁少飲，不過個效果都唔錯。中間杯甘草鹹柑橘，比平常其他地方飲到既係好飲啲，應該話佢個份量剛剛好，唔會淡又唔會太鹹。右邊杯杞子生薑，如果喜歡薑茶既你可以試下呢杯，唔錯。…Read More