sharonsharonn's Profile

喺香港搵壽喜燒專門店其實選擇唔算多要搵由日籍主廚主理嘅壽喜燒專門店就更加少選擇而尖沙咀棉登徑就有間壽喜燒料理專門店係由來自日本福岡縣糸島資深料理長久家弘一主理以正宗手法為客人席前現煮和牛壽喜燒呢間一到晚市就坐滿人，人氣爆燈！餐廳供應「京都姬牛」、「香川橄欖牛」等和牛餐廳不時更換和牛品種唯獨「京都姬牛」基本上係長駐喺菜單晚市提供2款菜單，價錢分別係 $680 &$1080餐廳係日式竹林庭園風格，雅緻和式裝修餐廳設有吧枱及卡位，四人檯卡位就方便傾計我就鐘意坐吧枱位可席前觀賞現煮過程𑁍 Sukiyaki Set Gaku すき焼きセット 楽 $680 𑁍$680個餐有6道菜，確實划算，包括前菜2品、蒸物、和牛壽喜燒、日本野菜、雞蛋蓋飯及甜品，份量超多，真心飽𓇬 前菜熒光魷魚正值當造，彈牙爆汁鮮味濃另一前菜係櫻花蝦天婦羅，香口炸得乾爽蘿蔔漬配三文魚籽酸甜爽脆𓇬 蒸物櫻葉包裹日本鯛魚及櫻花糯米佐以濃稠汁醬及些少山葵廚師建議攪拌均勻後食用魚肉鮮美滑嫩，糯米夾雜櫻葉香氣𓇬 和牛壽喜燒套餐可以食到兩片唔同產地嘅和牛當日食嘅兩款和牛係「鹿兒島野崎牛」及「京都姬牛」兩款都係雌性黑毛和牛，相對脂肪均勻而且肉質更細緻柔軟🥩鹿兒島野崎牛油花豐富，油脂呈大理石紋般均勻分佈柔軟得令人驚艷，鬆化程度近乎入口即溶但又唔會話食到成口油好膩咁🥩京都姬牛反而肉味較濃，軟稔得嚟較有咬口油脂感較少，與鹿兒島野崎牛嘅風味完全唔同另設4款調味料，有黑松露醬、沖繩辣椒絲、柚子及山葵主廚建議將每片牛分開一半先試原味，另外嗰半片再落調味料但我覺得唔需要任何調味已經夠好食🥚壽喜燒配有兩款生雞蛋，都係兵庫縣產一款係生蛋，另一款係雲朵蛋白泡沫+鮮蛋黃蘸上細膩雲朵蛋汁口感更滑溜，帶出和牛嘅甘甜味道🍚白飯係用北海道糯米及北海道夢美人米用昆布高湯煮過，特別香甜好食可按個人喜好加入日高昆布漬與飯同食𓇬 日本野菜日本直送野菜均用獨門醬汁煮來自靜岡縣嘅Amela蕃茄，甜度高且多汁粟米麵筋、京都燒豆腐、山形冬菇、京都菠菜等都煮到入晒味𓇬 雞蛋蓋飯食到呢道菜都差唔多9成飽你可以揀飯嘅份量，要求少飯雞蛋選用兵庫縣產「日本一こだわり卵」滑蛋索盡鍋內壽喜燒醬汁加上蔥粒及雲朵蛋白，香到不得了昆布高湯煮成嘅飯粒粒分明就算幾飽都絕對唔可以走飯啊𓇬 甜品靜岡蜜瓜大福，蜜瓜熟度啱啱好，又香又甜蕃薯經檸檬慢煮變得軟綿散發清香，微酸與香甜番薯出奇地夾琥珀糖口感特別，似包裹咗一層冰糖嘅啫喱糖最後飲啖茶，瞬間解膩…Read More

可樂迷注意！！🥤📣沙田凱悅酒店咖啡廳自助餐Cafe最近與可口可樂®聯乘推出「懷舊港式滋味盛宴」限定主題自助餐以沙田冬菇亭作爲靈感呈獻一系列以可口可樂入饌嘅美食有專業廚師即場鑊炒港式懷舊菜現場更設有一排汽水雪櫃任拎懷舊玻璃樽裝汽水一眾可樂迷可以盡情打卡兼大飽口福啦！是次主題自助餐供應期至9月30日喺官網提早訂座並付全數即享低至6折優惠晚市成人$532/位起，小童$304/位起平過KKday同Klook㗎星期五六日晚市依然有響鐘環節🔔排隊拎即席烹調精選菜式之前係有三輪時段，依家加多咗1輪🕡 6:20PM｜雜錦壽司飯🕡 6:30PM｜魚肚炆鵝掌🕖 7:10PM｜拿坡里水煮魚🕢 7:30PM｜炭烤斧頭牛扒🍣 雜錦壽司飯師傅將吞拿魚、三文魚、玉子、青瓜切粒鋪喺壽司飯上再放上新鮮三文魚籽，啖啖鮮甜味美🪿 魚肚炆鵝掌冬菇及鵝掌炆得炆腍而且入味鵝掌口感黏滑，滿滿膠質全晚源源不絕無限供應魚肚及鵝掌🐟 拿坡里水煮魚將超多魚柳放入大鍋內燉煮白肉魚柳配上Focaccia食，充滿意式風味佛卡夏有些微洋蔥香氣，口感有煙韌彈性🐂 炭烤斧頭牛扒切件斧頭牛扒配黑松露薯蓉斧頭牛扒肉味香濃帶炭香，薯蓉綿密細滑✧「懷舊港式滋味盛宴」✧ ✎ 晚上6時至10時✦ 重點菜式∗ 可樂山楂炆牛筋∗ 可樂話梅炆豬手∗ 可樂滷雞翼∗ 可口可樂蛋糕∗ 避風塘虎蝦∗ 美極豉油皇煎虎蝦∗ 椒鹽魷魚∗ 紅燒鮑魚∗ 避風塘炒蟹腳(*食材供應有可能受季節影響)𓇬 凍海鮮區海鮮區放滿冰鎮可持續發展海鮮有波士頓龍蝦、沙白蜆、海蝦、帆立貝及長腳蟹最受款迎嘅龍蝦肥嫩爽彈，爆晒鮮橙色蝦膏，鮮甜甘香𓇬 刺身壽司區當日刺身有三文魚、吞拿魚、甜蝦、希靈魚、油甘魚等刺身款款肉厚肥美，仲有數款壽司及卷物可以揀六點幾就會響鐘喺呢區排隊拎雜錦壽司飯𓇬 熱葷多款懷舊港式熱葷及可口可樂元素美饌會係每晚輪流登場可一嚐廚師炮製嘅可樂山楂炆牛筋、可樂話梅炆豬手等菜式可樂主題料理主要集中喺中式廚房區我第一時間衝去拎可樂滷雞翼，雞翼加上嘅可樂甜味，入口香甜熱食選擇超過十幾款，提供多樣中西港台式美食現場有廚師鑊炒港式懷舊菜，鑊氣十足！包括香口避風塘炒蟹腳、爽脆腰果炒蝦仁等紅燒鮑魚、魚肚、鵝掌全部係無限任拎，簡值係超值！必食燒味、清蒸石斑、即淥粉麵、東坡肉、清甜中湯師傅俾嘅燒味份量超多，叉燒及燒鴨都唔錯西式美食有燴牛面肉、焗豬肋骨、意式炸海鮮、pizza等當中燴海鮮非常足料，一鍋有龍蝦鉗、沙白蜆及海蝦個人推薦黑松露磨菇意大利飯，濃郁creamy𓇬 燒烤及烤肉區當日落大雨，所以戶外燒烤改喺室內進行燒烤區有烤羊架、烤雞鎚、烤菠蘿、紐倫堡腸等烤羊架外層焦脆，內裡多汁非常之香七點半響鐘仲有得拎炭烤斧頭牛扒烤肉區有烤肉眼及燒豬腩卷可搭配烤雜菜、洋蔥炒薯仔一齊食在場食客對燒豬腩卷讚不絕口𓇬 沙律吧有凱撒沙律、薯仔沙律、蕃茄沙律、希臘沙律等沙律選擇亦有多款沙律菜、配料及醬汁俾你自由配搭Cold Cuts有巴馬火腿、意大利沙樂美腸、薄切豬柳片煙三文魚及火腿可以揀芝士就有芳提娜芝士、水牛芝士、卡西歐塔紅辣椒芝士去配搭麵包、果仁、提子、餠乾或其他配料𓇬 甜品中西式甜品及糖果應有盡有，酒店餅店出品精美又有質素甜品區重點係可口可樂蛋糕，充滿檸檬可樂元素海綿蛋糕、慕絲及啫喱均散發淡淡檸檬可樂香氣西式甜品有葡撻、芝士布丁、草莓撻、芒果慕絲蛋糕、開心果慕絲蛋糕、意式奶凍等每次嚟到都會食佢哋嘅法式千層酥及瑞士卷千層酥酥皮酥脆鬆化，吉士軟滑瑞士卷鬆軟，超多鮮忌廉，奶香濃郁中式甜品有雜果涼粉及芝麻糊必定能滿足你嘅甜品胃餐廳供應8款Häagen-Dazs雪糕，認真唔慳皮一如以往有即製香蕉pancake及窩夫今次仲多咗即叫製即製Affogato雪糕咖啡可揀選心水雪糕口味，職員再爲你淋上熱咖啡水果唔止有菠蘿西瓜，仲有原粒橙、蘋果、梨、布冧等任拎𓇬 飲品近入口位置有兩個汽水雪櫃供應多款懷舊玻璃樽裝汽水分別有原味&無糖可口可樂/雪碧/芬達/忌廉汽水/玉泉梳打水另包餐飲一杯有咖啡、檸茶、檸水、檸蜜、奶茶飲品吧亦有咖啡機，可以自己斟☕…Read More

尖沙咀嘅日式燒肉店「驚安燒肉商店」一如以往咁抵食最近佢哋推出咗$8碟牛舌芯！完全係逆市價嚟！咁平邊度搵呀？！ ੭ ˙ᗜ˙ )੭Sapporo生啤依然做緊買1送1果然對得住「驚安」嘅名號𓇬 極 • 九宮格 $588之前都有食過佢哋嘅驚安九宮格盛合不過依加升級咗做全新嘅「 極 • 九宮格 」，價錢無變另外有款平啲嘅「 上·九宮格 」$388包6款牛+豬+雞+白鱔而「 極 • 九宮格 」呢款就可以一次過試晒9款唔同部位嘅牛更滿足到喜愛食牛嘅一眾牛魔王9款之中Top3好食係和牛三角腩、極黑和牛及和牛五花∗ 和牛三角腩呢款油花最多，網狀油花呈淡粉紅色入口時脂肪甘甜味會喺口中擴散開∗ 和牛五花油花分佈均勻，油脂豐富，入口柔嫩∗ 極黑和牛比起三角腩及五花， 極黑和牛油花分佈較少但肉味濃厚得多，食落較有口感∗ 牛柳油花較少，肉質軟腍帶油香∗ 澳洲腹脅由於脂肪少瘦肉比例多，食起嚟緊實彈牙，較多汁∗ 手切牛頸脊手切更有口感，肉質爽滑，脂肪少肉味濃∗ 韓式護心肉爽脆帶筋，配上韓式醃料，味道更香濃∗ 日本漬牛肋牛肋入味，油脂少，醬香濃郁∗ 厚切牛舌芯咬落去爽脆有彈性，鮮嫩多汁𓇬 牛舌芯 $8@2一碟原價要$88，依家$8咋！每人限叫一碟，越多人食越著數特大薄切牛舌芯$8都咁大碟，有成十幾塊牛舌芯嫩中帶脆彈，唔洗燒太耐𓇬 蟹黃海膽月見飯 $168呢款係新產品蟹黃鋪滿成碗飯，配上甘甜嘅日本北海道海膽劃破蛋黃將香濃蛋汁與蟹黃及海膽撈勻多一份絲滑濕潤口感，凸顯海鮮香氣𓇬 冷泡白桃烏龍茶 (無糖) $18叫返杯茶解吓膩就啱晒，淡淡白桃清香另外Sapporo生啤做緊買1送1，抵呀！…Read More

中環法式Bistro「LALA」由前Louise主廚Chef Franckelie Laloum主理Chef Franckelie係名副其實嘅星級主廚先後替香港Louise及東京Azure 45獲得米芝蓮一星亦帶領上海Jade on 36成為「亞洲50最佳餐廳」今次佢自立門戶，同Michael Larkin營運「LALA」摘星指日可待，我就當然要趁佢未摘星前去食啦餐廳裝修、氣氛、服務都有fine dining感覺侍應服務親切，室內有播放音樂氣氛係輕鬆嘅，唔會好拘謹呢度無衣著要求，食物價錢亦唔太貴定位比較似高級bistro或者casual fine diningWeekend Brunch價錢性價比極高$528p.p.就食到隻名雞Set Lunch $358p.p.仲平不過Set Lunch Menu就無包三黃雞同甜品𖥸 Sharing Brunch Menu $528p.p. +10% 𖥸𓇬 Sourdough自家製酸種麵包外脆內軟，酸度溫和有麥香輕鬆清晒，仲添咗一次𓇬 Seriole呢道頭盤走清新路線經過醃製嘅油甘魚刺身浸泡喺蒔蘿油及香橙柑橘醬汁中酸中帶甜幾開胃，果香香氣清香怡人𓇬 Omelette奄列火候控制好精準切開有芝士牽絲，奶香及蛋香都濃奄列綿密近似梳乎厘嘅口感令我諗起我喺法國聖米歇爾山食過嘅La Mère Poulard梳乎厘奄列LALA呢個版本就少啲泡沫入面保持濕潤，但唔會完全凝固食落好fluffy好滑嫩𓇬 Langoustine沙律特別之處係選用挪威海螯蝦沙律用上海螯蝦呢類高級食材，夠晒有誠意蝦肉飽滿緊實得嚟帶鹹香伴以牛油果丶生菜及青瓜等食材微辛特製雞尾酒醬突顯海螯蝦本身鮮甜味別具風味，令人食慾大增𓇬 Poulet Jaune招牌三黃雞絕對係成個brunch嘅亮點！侍應會先拎原隻雞俾你望，再去切件二人份量係半隻雞配一小鍋雞油飯隻雞選用本地元朗三黃雞用幾日去醃製、烹煮同風乾先做到雞皮色澤金黃，皮薄酥脆肉汁多而且肉質嫩滑，雞胸位置都唔乾淋埋雞汁食就perfect！香氣迷人雞油飯用上日本新潟縣越光米吸滿昆布高湯及雞油，充滿光澤飯粒唔會太濕或太硬兩個人食半隻非常夠𓇬 Patisserie食完隻雞就會上甜品侍應會托住個甜品盤喺你面前俾你揀當日有提供5款甜品，均由糕點師Natalie Leung創作每人可揀1款，我哋就揀咗Paris-Brest及Saint-Honoré Paris-Brest泡芙鬆脆，榛子忌廉綿密細膩榛子味道濃郁，口感層次豐富Saint-Honoré 底層係以酥皮代替撻皮酥皮上擠滿香滑雲呢拿忌廉及放上焦糖泡芙泡芙外皮軟而唔濕，泡芙上淋咗一層脆嘅焦糖漿泡芙中填滿焦糖醬，焦糖味同雲呢拿幾夾，甜而不膩𓇬 Secret Garden & Berry Good Beets揀咗杯酒精濃度較低嘅Secret Garden呢款cocktail會另配一小杯Sparkling Wine先飲Sparkling Wine後飲CocktailSecret Garden口味清爽，酒精度唔高，容易入口另外揀咗Berry Good BeetsMocktail用玻璃樽裝住一樽可以俾2-3人share飲Berry Good Beets以紅莓、黑莓、藍莓等調製而成香甜莓果味中帶點微酸…Read More

位於九龍尖沙咀棉登徑嘅居酒屋「KIDO 木戶」店內有日籍大廚木村潤一郎坐鎮主打九州宮崎炭火燒及博多串燒餐廳最大特色係採用日本橡木製備長炭以明爐炭火直燒喺香港具備明火炭爐餐廳真係少之又少㗎！餐廳門面私隱度高，當日食飯有遇到城中名人餐廳入面有個開放式廚房，設備算講究，通風夠好即使坐吧枱都唔會成身油煙味可以近距離觀賞師傅喺猛烈炭火下炮製料理𓇬 自家製香蒜蟹味噌配蔬菜條 $168蔬菜新鮮爽脆，有蘆筍、西芹、青瓜等而蟹味噌則用熱鍋及蠟燭座熱蟹味噌濃稠唔腥，濃濃蟹膏鮮味充斥口腔食完蔬菜條侍應唔會收走蟹味噌用嚟撈飯或者同其他燒物一齊食都夾😆𓇬 炭火燒黑椒德島阿波尾雞雞腎 $78睇住師傅喺炭網不停翻滾雞腎燒好後放喺吧枱上，香氣撲鼻雞腎彈牙帶炭火煙熏香，燒得恰到好處可蘸點特製辣醬，辛香味道令雞腎越嚼越香𓇬 日本香蔥豚肉卷 $43豚肉卷大大卷，香蔥份量亦都唔少豬肉選用北海道十勝豚肉食材好即使簡單調味就已經好食豚肉卷用炭火燒後表面焦香，肉質嫰夠多汁我見師傅燒製時會喺香蔥灑上水所以啲香蔥唔會燒得太乾身而且保持到水份💦𓇬 總廚特別限定極上炭烤蒲燒日本鰻魚 $398師傅將鰻魚燒好後隨即放上炭火燒香爐加熱保溫鰻魚肉質柔軟，醬汁甜中帶鹹可以撒上山椒粉或放上山葵帶出清新微辣感，多一份層次𓇬 總廚木村先生家族秘傳宮崎南蠻炸雞1956年 $188除咗炭烤菜式外，南蠻炸雞都值得一試去過宮崎應該都有食過南蠻炸雞木村潤一郎父親正正就係九州宫崎食府「Ogura」創辦人，當年參與開發南蠻炸雞，其後更成為名物木村潤一郎就將父親嘅祖傳秘方帶嚟香港大家唔洗飛日本都可以食到正宗南蠻炸雞啦！炸雞尺寸大，外層酥脆，雞肉軟嫩又爆汁配上甜醋及厚厚一層嘅自家製他他醬非常開胃好送飯，配酒食都一流😉𓇬 自家製蒜味辣油生蛋拌飯 $88叫咗炸雞同鰻魚好自然就想叫碗飯食呢碗拌飯嘅份量適合3-4人分食篤穿蛋黃再撈勻炸蒜及其他材料辣度唔算高，蒜香濃郁🧄𓇬 炸宮前丸子 $48宮前糰子係日光名物，食起嚟黏糯帶空氣感配搭甜潤黑糖漿同脆米，微甜而不膩…Read More

喺社交平台都見到唔少人推介呢間Aedes Wine & Pasta Bar其實Aedes係隔離舖Locanda嘅姐妹店同樣係由大廚Steve Chiu主理價錢較Locanda親民大廚每日堅持鮮造手工意粉將唔同食材混入麵糰，如薯仔、芝士、檸檬等製作出不同口感及口味嘅意粉意粉款式一共8款，有平時少見嘅款式侍應會喺點餐前拎出Pasta box端到你面前逐一介紹呢個環節係幾好，又有儀式感又可以打卡食客又可以進一步了解唔同意粉嘅分別另外餐廳無提供Tap Water有Free Flow Still Water/ Sparkling Water 每位$10𝑷𝒂𝒔𝒕𝒂𓇬 Homemade Pappardelle Bolognese $168餐廳最受歡迎嘅一款意粉，意粉寬而且扁身混和肉碎、蕃茄及巴馬臣芝士煮成濃縮肉醬每啖濃濃番茄鮮香，配合煙韌蛋香味濃嘅Pappardelle令人一食上癮，一滴汁都唔放過，迅速清碟！𓇬 Homemade Scialatielli $158Scialatielli似烏冬咁粗身麵糰加咗薯仔，再搓成長條形狀食起上嚟厚實特別有咬勁，同時亦都好掛汁醬汁使用味道溫和嘅佩科里諾芝士，唔會太鹹加入意大利辣香腸、黑胡椒，增添淡淡辣味𝑫𝒆𝒔𝒔𝒆𝒓𝒕𓇬 Homemade Basque Cheesecake $108係完整嘅巴斯克芝士蛋糕！唔係切件🫢芝士味特濃重，蛋糕軟滑蛋糕中間未去到流心但做到軟心濕潤3-4個人食就啱，2人食會有啲好飽滯🤫下次再嚟會再叫呢個芝士蛋糕𓇬 Homemade Gelato (Madagascar Vanilla) $48用貴價雪糕機去自家製作Gelato，誠意十足不惜成本用上Madagascar VanillaGelato呈現橙黃色，眼見有超多雲呢拿籽用羹𢳂起會見到有少少黏度入口幼滑細膩，香氣濃醇自然𝑫𝒓𝒊𝒏𝒌𝒔𓇬 Free Flow Sparkling Water $10…Read More

中環阿根廷扒房La Parrilla Steakhouse靠近大館喺店內靠窗位置可以近望大館景食牛扒嚟講價錢相對親民Lunch Set $218起，包前菜、主菜、配菜同汽水$298嘅Set就可以食到阿根廷牛扒呢個set有Rump Steak/ Hanger Steak/ Flat Iron揀想食再啲靚嘅部位就要額外加錢喇佢喺北角都有分店不過第一次幫襯就當然去總店食咗先啦𝐁𝐫𝐞𝐚𝐝充滿橄欖油嘅香脆Focaccia包體鬆軟，滿滿Rosemary香氣可以refill𝐀𝐩𝐞𝐫𝐢𝐭𝐢𝐯𝐨𓇬 Melted Provolone CheeseProvoleta係一道傳統阿根廷菜餚熱平底鍋盛載住熱溶Provolone CheeseProvolone Cheese算係熟成版嘅Mozzarella富濃郁鹹味及奶香，拉絲效果強，必須趁熱食！另外仲加咗香草、橄欖油及紅辣椒片增加風味齋食Provolone Cheese的確唔多唔少會覺得鹹配埋切片脆法包一齊食就啱啱好𓇬 Fugazzeta EmpanadaFugazzeta係阿根廷fugazza嘅變奏版係當地人嘅comfort food呢個阿根廷餡餅外形似炸餃子外層炸得乾爽酥脆，意外地唔算油膩裏面塞滿三重芝士同焦糖洋蔥同Salsa醬食幾開胃𝐂𝐚𝐫𝐧𝐞 𝐃𝐞 𝐑𝐞𝐬𓇬 Rump Steak 300g嚟阿根廷扒房無理由唔叫牛扒食㗎餐廳精選阿根廷草飼牛Lunch set入面唔洗額外加錢嘅牛扒有3款今次就試佢嘅Rump Steak，烤至medium rare一上枱塊牛扒就已經係放喺鐵板上出曬煙睇見都流口水喺鐵板熱力下變成medium熟度Rump Steak本身就係少脂肪食起嚟有嚼勁，牛味同炭香都濃伴以6款醬汁俾你蘸點，各有特色個人鍾意BBQ醬𝐌𝐚𝐢𝐧𓇬 Grilled Spatchcock Chicken開邊燒雞火候唔易掌握微脆雞皮帶炭香，肉質有彈性隻雞油脂唔多，雞胸位置保持到唔嚡口𝐒𝐢𝐝𝐞𝐬𓇬 Garlic & Truffle Mash Potatoes𓇬 Roasted Brussels Sprouts 兩個lunch set就有得揀兩款配菜聽講薯蓉係佢哋招牌之一薯蓉香滑綿密，加入黑松露醬香氣提昇唔少可以一試，配菜揀呢個唔會失望烤椰菜仔有簡單調味，少少甘甜唔覺苦，烤得較稔配菜份量都幾多，食完主菜食埋配菜已經好飽𓇬 Coke & Ginger Ale…Read More

BEDU係我至愛嘅中東菜餐廳之一呢間嘅煙燻鷹嘴豆泥同蜂蜜烤菲達芝士都非常出色包你食過一次會再嚟翻啅🤤餐廳位置係喺食肆林立嘅中環歌賦街店內有半開放式廚房座位有kitchen counter 同dining table揀環境都幾有情調，氣氛係唔錯記得上次嚟慶祝生日仲會送shot添𑁍 Weekend Brunch Menu $395p.p. +10% 𑁍包一個拼盤、兩道前菜、兩道主菜同一道甜品唔好見每樣份量好似唔多今次食到去甜品已經飽到上心口😂餐廳嘅Brunch Menu會定期轉而招牌煙燻鷹嘴豆泥同扁麵包係長駐喺Menu𝑴𝒆𝒛𝒛𝒆 𝑷𝒍𝒂𝒕𝒕𝒆𝒓𓇬 HUMMUS BEL LAHAM𓇬 PITA BREAD𓇬 FATTOUSH SALAD拼盤前菜包括咗必叫嘅Hummus同扁麵包Hummus如薯蓉般綿密順滑加咗煙燻Paprika、羊肉、松子仁同焦糖洋蔥Brunch Menu嘅Hummus係特別加咗羊肉將羊肉整到一絲絲，入味又唔羶搭配煙韌焦香扁麵包，令人欲罷不能果然係招牌菜，再次食都食得翻上次嘅味道😉配菜仲有個沙律，調味酸酸地好開胃可以夾埋沙律同Hummus落個包度一齊食𝑨𝒑𝒑𝒆𝒕𝒊𝒔𝒆𝒓𝒔𓇬 HONEY BAKED FETA +$40p.p.𓇬 TURMERIC SCALLOP CEVICHE個蜂蜜烤菲達芝士都係一定會叫食過翻唔到轉頭🤫仲記得第一次食嘅時候完全係被驚艷到一上枱係熱辣辣，會見到啲蜜糖不停冒泡食法就係趁熱將成塊芝士同蜜糖攪拌撈勻鹹香濃郁芝士中滲出香甜蜂蜜，特別滋味同樣可配扁麵包食薑黃酸檸汁醃帶子賣相幾靚帶子鮮甜軟滑，醬汁加入橙汁、檸檬汁及羅勒油酸味突出，係清新又醒胃嘅一道菜𝑴𝒂𝒊𝒏𝒔𓇬 PAN FRIED RED SNAPPER FILLET𓇬 SAFFRON CHICKEN香煎鯛魚鮮美香口，配上微酸希臘乳酪幾特別乳酪酸度減輕膩滯感，帶出魚香伴碟有塔布勒沙律，係中東常見配菜口感煙韌，酸度十足另一主菜藏紅花牛油烤雞香氣誘人雞肉多汁嫩滑，香料味濃配上帶有清新檸檬香嘅北非小米一齊食好有飽足感𝑫𝒆𝒔𝒔𝒆𝒓𝒕𓇬 CRUNCHY KATAIFI +$50侍應會喺你面前將朱古力漿淋上甜品上底部嘅金絲蜜酥有啲似焗到金黃嘅米粉鬆脆金絲蜜酥吸收朱古力漿後會變濕黏撒上開心果碎增添堅果香開心果雪糕入面好多開心果粒，奶味較出𝑫𝒓𝒊𝒏𝒌𝒔𓇬 Green Garden $65𓇬 Bikr Pinkalada $65揀咗兩杯MocktailsGreen Garden係青瓜檸檬梳打水再加入薄荷及黑椒糖漿調配而成清甜冰涼，感覺清爽又解膩另一杯Bikr Pinkalada以酸甜為主導混合咗石榴汁、五香粉椰子糖漿及檸檬汁呢杯肉桂香氣較突出…Read More

Maison ES係一間充滿亞洲風味嘅新派法式餐廳位置喺星街交界，入口位於電氣街田園風嘅橄欖綠門面非常獨特店內極具復古風味嘅梳化及一盞盞水晶燈營造出古典浪漫氣息🏛️餐廳由女主廚兼創辦人Chef Esther Sham主理擅長將法國菜式結合港式及亞洲元素醬汁及煮法都有唔少港式烹調風格唔想叫set嘅話都可以好似我咁按喜好單點à la carte嚟呢度慶祝生日或舉行私人派對/婚宴都非常適合🥂 Saint Louis, Blanc de Blancs, Brut, N.V.𓇬 Bread蔥油麵包外層酥香內濕潤配上自家製XO沙茶醬牛油蔥油味無XO沙茶醬咁強烈兩者味道幾夾，鹹香微辣好濃味𓇬 L'amuse Bouche將蜜瓜、龍蝦肉切粒加上三文魚籽及紫蘇花呈現出和諧優雅嘅清甜味道幾清爽嘅一道前菜𓇬 Langoustine用墨魚打造嘅麵條比手工意粉更彈牙有嚼勁麵條爽滑，越細嚼鮮味會越出醬汁以蝦醬作主調，濃香鮮美而且唔會太鹹配料有氣炸蝦及三文魚籽，鮮上加鮮𓇬 Pigeon連皮嘅鴿胸肉經過真空低溫慢煮處理再煎鴿皮焦脆，鹵過嘅鴿肉紅潤柔嫩軟彈配搭烏梅子醬、喼汁及淮鹽巧妙提味，突顯鴿肉獨有濃郁風味鴿胸隔離仲有以鴿腿肉製成嘅網紙春卷 內餡混入鵝肝醬、黑松露醬，調味唔會太濃重🐦𓇬 Eggplant以炭燒方式處理茄子茄子被挖空製成茄子蓉及炸茄子切粒茄子蓉帶點煙燻味🪵茄子蓉上嘅炸茄子有避風塘豆腐即視感表面裹上一層避風塘，炸得又香又酥脆加埋蒜蓉奶油醬汁別有一番風味𓇬 Octopus菜式靈感來自叉燒飯運用先蒸後炭燒技巧喺八爪魚身上八爪魚肉質軟稔到不得了即使有炭燒過卻一啲都唔韌👍🏻表面塗抹咗自家調製嘅叉燒醬真係有種食緊肥叉嘅錯覺😮碟上仲有小米、西蘭花苗及接骨木花龍蝦泡沫呢道變奏版叉燒飯菜式完整度好高😂 𓇬 Chocolate Choux脆皮泡芙夾著冰凍嘅朱古力雪糕選用法國Valrhona朱古力去製作雪糕雪糕濃醇幼滑唔會太苦伴碟有可樂分子料理作裝飾𓇬 Petit Fours自家製嘅榛子朱古力🍫 入口即化細緻口感嘅朱古力加上烤榛子…Read More

鍾意Paella嘅你絕對要試吓呢間嘅Red Prawn Paella😍餐廳喺上環西街斜坡位置，距離摩羅上街僅一街之隔有唔少外國人幫襯紅磚門面有歐洲小酒館感覺今次叫嘅嘢樣樣都唔錯最驚艷一定係Red Prawn Paella！必食！一道會令你下次想再翻啅嘅海鮮飯😉 啲Staff服務態度好好Staff仲同我講話嚟緊今個月尾係餐廳開業2周年到時將會有新菜式推出🫶🏻𓇬 Red Prawn Paella with Fresh Seafood of the day $508超有記憶點嘅海鮮飯🥘兩隻西班牙紅蝦都超大隻蝦肉鮮甜無比，簡直係人間美味呀！Staff會喺你面前以純熟嘅手法處理蝦頭擠壓蝦頭將蝦膏同蝦腦撈勻飯入面每粒飯都吸滿紅蝦嘅精華🦐 極濃香！鮮味爆發！配料有青口同魷魚，都好新鮮份量兩人share啱啱好海鮮飯根據當日來貨去定價，係Market Price㗎💲𓇬 Baby Squid 'Andalusian' style $128魷魚仔優點就係夠嫩唔會韌脆漿薄身酥脆，觸鬚位特別香口炸得乾爽，食多都唔覺油膩𓇬 Meatballs with Cuttlefish Stew $138肉丸望落去與一般肉丸無異，係稍為大粒啲啲🤏🏻特別之處肉丸內混入咗墨魚切粒口感食起嚟更有咬口醬汁有鮮味，調味適中醬汁味道唔會濃到搶去肉丸本身嘅肉味𓇬 Chocolate cake with Passion Fruit Ice cream $78朱古力蛋糕質地係豐盈順滑嘅慕絲，入口即化香濃朱古力當中帶有乳酪酸甜味酸香清甜熱情果雪葩平𧗾甜膩感，配搭有新意𓇬 Grandma's Vanilla seed Flan with Double Cream Ice Cream $78西班牙焦糖布丁同平時食嘅滑嫩日本布丁唔同外表係多啲氣孔，口感紮實綿密啲入口濃濃蛋香，底部仲有好多雲呢拿籽雪糕及焦糖襯托出濃厚奶香風味…Read More

極高人氣嘅尖沙咀居酒屋「Akoya」喺港島都食到喇🤘🏻餐廳喺銅鑼灣澳門逸園中心插旗開分店我諗應該唔少人都知道，畢竟都開幕咗幾個月當日星期日下午六點半去到都仲有位入座後無耐個場都差唔多坐滿建議大家都係提前訂位銅鑼灣分店同尖沙咀店嘅裝潢都幾相似有吧檯區、有2人、4人及6人枱某啲座位有木屏風作間隔Menu同尖沙咀店係一樣都係有刺身、串燒、海鮮、沙律、小食、野菜、飯/烏冬、甜品選擇唯獨兩間嘅Daily Special係有分別！嚟用餐前可以上佢哋社交平台查看Daily Special🫡𓇬 雞湯卡邦尼拌烏冬 $98先講講呢道最令人期待嘅招牌菜💁🏻‍♀️幾乎每枱客人都會叫一碟醬汁係雞湯混合芝士及黑胡椒而成再灑上芝士碎加持，芝士味好香濃帶鹹香🧀因為落咗雞湯嘅關係，成件事即刻日式咗食落亦無想像中咁膩不過食到最後難免都係會有少少膩滯感覺 (笑)🤰🏻𓇬 明太子煎蛋卷 $88呢個明太子煎蛋卷似乎都係必叫嘅招牌菜一切開玉子燒明太子即刻湧出👀 呢度嘅玉子燒係關西風做法，感覺就係加入咗高湯所以口感上會相對濕潤多汁雖然明太子嘅份量多，卻意外地唔會過鹹👌🏻𓇬 自家製雞蛋布甸 $38點估到雞蛋布甸都係招牌之一布甸望落去表面有少少氣孔佢哋嘅焦糖甜中帶苦澀苦味稍強嘅焦糖與布甸本身嘅甜反而協調得啱啱好🍮 作為飯後甜品都唔覺漏滯𓇬 特上刺身盛拼盤7点盛 $680刺身拼盤有分$380及$680兩個價錢，豐儉由人要豪食當然直接揀特上刺身😂一盤7款特選時令刺身，款款新鮮肥美特別鍾意油脂豐腴入口溶化嘅拖羅及爽口池魚要講最鍾意嘅一款就一定係爽甜鮮度十足嘅牡丹蝦建議牡丹蝦放喺最後先食💁🏻‍♀️𓇬 雞肝醬配多士 $98雞肝醬質感綿密細滑，唔腥無太多調味面頭多咗一層焦糖，巧妙地壓住雞肝特有嘅內臟味道多士焗到脆一脆，簡單抹上雞肝醬已經好美味𓇬 肉厚活3年帆立貝 $148一上枱就著晒火，火焰燒得耐，俾足時間你打卡🫢帆立貝粒粒厚肉，中間嗰粒最重牛油味😂我掛住影相無留意啲牛油已經融哂喺中間位置如果有多啲牛油就更加好𓇬 海膽汁燒蠔 $118 炸蠔大隻飽滿，海膽汁味道香濃個汁調味偏濃重鹹鮮，一大班人食就啱一人食一隻啱啱好😎𓇬 Apple Soda $38 & Calpis Soda $38…Read More

AMMO 與本地香薰品牌 BeCandle 及香港純素天然護膚品牌SKIN NEED聯乘，攜手推出「No Matter How Far afternoon tea set」隨行系列下午茶🌿AMMO 餐廳獨享山林景觀，該地為活化保育建築，窗外綠茵環繞，環境清幽恬靜，份外愜意，食客可以輕鬆悠哉咁享受美好下午茶時光🧚🏻 𓆰 𝗔𝗠𝗠𝗢 ✕ 𝗕𝗲𝗖𝗮𝗻𝗱𝗹𝗲 ✕ 𝗦𝗞𝗜𝗡 𝗡𝗘𝗘𝗗 𝗡𝗼 𝗠𝗮𝘁𝘁𝗲𝗿 𝗛𝗼𝘄 𝗙𝗮𝗿 𝗮𝗳𝘁𝗲𝗿𝗻𝗼𝗼𝗻 𝘁𝗲𝗮 𝘀𝗲𝘁 $𝟰𝟵𝟴 𝗳𝗼𝗿 𝟮 𓆸包括2件鬆餅、4款鹹點、4款鹹甜點、特飲、茶/咖啡🫶🏻 🎁 現凡惠顧下午茶每位客人將獲贈價值$540禮品、兩張SKIN NEED優惠券及BeCandle $100現金折扣券❣️ 禮品有香氛油、護手霜、潔手啫喱、香氛包，啲贈品仲要唔係sample size，認真超值∗ 鬆餅 𝗦𝗖𝗢𝗡𝗘𝗦 ∗鬆餅厚實香甜，帶少少濕潤Clotted Cream輕盈軟滑配埋清甜自家製玫瑰士多啤梨果醬，好天然滿滿果香👍🏻∗ 鹹點 𝗦𝗔𝗩𝗢𝗨𝗥𝗬 𝗕𝗜𝗧𝗘𝗦 ∗𓇬 ꜱᴄᴀʟʟᴏᴘ ᴄᴇᴠɪᴄʜᴇ & ɢᴜᴀᴄᴀᴍᴏʟᴇ𓇬 ᴘʀᴏꜱᴄɪᴜᴛᴛᴏ & ʜᴏɴᴇʏ ᴅᴇᴡ ᴍᴇʟᴏɴ𓇬 ᴄᴏᴄᴏɴᴜᴛ ꜱʜʀɪᴍᴘ ᴡɪᴛʜ ᴍᴜꜱᴛᴀʀᴅ ʏᴏɢᴜʀᴛ ᴅɪᴘ𓇬 ꜰʀɪᴇᴅ ᴛᴏᴀꜱᴛᴇᴅ ᴡɪᴛʜ ᴛᴜɴᴀ ꜱᴀʟᴀᴅ第一眼就望到蜜瓜，鹹香Prosciutto伴襯甜蜜多汁蜜瓜絕配配搭唔會出錯刺身帶子新鮮厚身，用青檸汁醃漬，醒神開胃，佐以牛油果口感更滑順椰絲炸蝦同吞拿魚沙律多士好啱送酒🤣炸蝦炸至金黃酥脆，椰香迷人，按喜好塗上芥末乳酪汁減低油膩感🍤吞拿魚沙律多士用牛油清煎香過，令多士食起嚟更酥鬆∗ 甜點 𝗦𝗪𝗘𝗘𝗧 𝗕𝗜𝗧𝗘𝗦 ∗𓇬 ᴄᴏᴄᴏɴᴜᴛ & ᴇɢɢ ᴄᴜꜱᴛᴀʀᴅ, ᴄʜᴏᴄᴏʟᴀᴛᴇ ᴋɪᴘᴇᴛᴛɪ𓇬 ʀᴀꜱᴘʙᴇʀʀʏ ꜰʀᴜɪᴛ ᴛᴀʀᴛ𓇬 ᴍᴀᴛᴄʜᴀ ᴍᴏᴜꜱꜱᴇ & ᴍᴀᴄᴀʀᴏɴ𓇬 ᴄʜᴏᴄᴏʟᴀᴛᴇ ʙʀᴏᴡɴɪᴇꜱ值得一讚係甜品唔會太甜🫶🏻特別鍾意朱古力布朗尼，朱古力濃厚甘醇外脆內綿密，配茶一齊享用絕佳紅桑子撻撻底鬆脆，新鮮紅桑子配幼滑吉士醬酸酸甜甜幾開胃❣️椰汁雞蛋吉士非常特別，面層鋪滿朱古力爆炸糖突如其來嘅爆炸口感帶嚟驚喜💥 創意滿分💯抹茶慕絲茶味非常之濃有回甘，搭配酥脆微甜馬卡龍雙倍濃醇！濃茶控必定滿意💚∗ 飲品 𝗗𝗥𝗜𝗡𝗞𝗦 ∗𓇬 ᴊᴀꜱᴍɪɴᴇ ᴋɪᴡɪ ʙʀᴇᴇᴢᴇ𓇬 ᴋɪᴡɪ ᴋɪꜱꜱ (+$68)食Tea嘅重要一環就係歎一壺靚茶🫖有六款Tea Forte茶選擇，一人揀一款茶味清新順喉唔苦澀，令人放鬆心神除咗茶及咖啡之外，Tea set包埋一杯清風茉莉特飲鍾意飲酒嘅話可另加$68叫一杯奇異之吻Cocktail🥝清風茉莉特飲茶香較出，甜度拿捏唔錯Cocktail嗰杯偏Fruity易入口，混合咗Rum及Medori甜甜酸酸帶清爽檸檬香氣，令人沉醉…Read More

位於跑馬地橫巷尾斜坡處嘅Locanda意大利餐廳向來作風低調，全靠良好出品及優質食材贏得口碑餐廳隔離就係其姐妹店Aedes Wine & Pasta BarAedes走親民路線以手工意粉作主打而Locanda則係走高級餐廳路線Locanda由前米芝蓮資深主廚Steve Chiu掌舵人稱「火哥」嘅Steve Chiu來頭不小曾擔任米芝蓮星級餐廳Octavium行政總廚👨🏻‍🍳 更係「白松露之王」 名廚Chef Bombana徒弟！經過餐廳門外就會見到火腿機及吸睛嘅伊比利亞火腿一進門就會見到半開放式廚房工作枱餐廳牆上掛咗唔少畫作，裝潢簡約唔花巧食客都係為咗美食而嚟𝐁𝐫𝐞𝐚𝐝餐前麵包係脆片及自家製酸種麵包🥖脆片脆口唔太油膩，特別配上開胃蕃茄忌廉芝士醬酸種麵包外脆內軟，拎上手仲係熱辣辣麵包內加入橄欖切粒，增添風味𝐒𝐡𝐚𝐫𝐢𝐧𝐠 𝐃𝐞𝐥𝐢𝐠𝐡𝐭𝐬✦ Lobster Carpaccio擺盤賞心悦目，相當有美感✨以Carpaccio薄切做法製作呢道前菜龍蝦肉味道鮮甜，肉質晶瑩剔透，軟嫩細膩配以香濃醬汁、鹹香魚子醬及甘甜雅枝竹將鮮味發揮得淋漓盡致，入口甚為驚喜！每啖都感受到鮮香喺口中綻放，令人著迷😋𝐏𝐚𝐬𝐭𝐚 𝐅𝐚𝐧𝐭𝐚𝐬𝐢𝐚✦ Homemade Tagliolini嚟Locanda點可以唔試佢哋擅長嘅手工意粉！大量Royal Cristal Caviar魚子醬毫不吝嗇放喺意粉上麵質彈牙輕身，用阿瑪菲檸檬製作意粉醬汁加入細蔥提味，清爽醬汁同鹹鮮魚子醬非常夾鮮美盡現🌊 食完好滿足想encore❣️𝐌𝐚𝐢𝐧 𝐏𝐚𝐥𝐚𝐭𝐞 𝐏𝐞𝐫𝐟𝐞𝐜𝐭𝐢𝐨𝐧✦ French Pigeon鍾意食肉嘅朋友可以試吓法式乳鴿呢道菜一鴿兩食🐦 透過兩種烹調方式呈現不同口感第一食係鴿胸以慢煮方式烹製香脆外皮帶油脂香，鴿肉色澤紅潤，質感嫩滑彈牙佐配羊肚菌醬汁，唔會搶去鴿肉本身嘅濃味第二食係將鴿髀用Speck ham包著再燒入口真係香到不得了！伴碟紅菜頭加上開心果碎，口感似醃蘿蔔紅菜頭甜味令整道菜更加豐富同平衡…Read More

Uma Nota係我嘅愛店BEDU嘅姐妹店去過BEDU好幾次，卻遲遲未到訪Uma Nota餐廳位置喺中環荷李活道與卑利街轉角位店面隔離有一大幅壁畫，係中上環打卡熱點之一幅壁畫係Elsa Jeandedieu與Uma Nota合作嘅作品成功吸引遊客打卡，門外人潮絡繹不絕呢間Uma Nota係食巴西日本fusion菜嘅boteco🇧🇷🇯🇵香港主打巴西日本fusion菜嘅餐廳真係唔多而Boteco一詞源自葡萄牙語「小酒吧」嘅意思老闆引入boteco概念到香港，氣氛真係好有外國vibe食客以外藉人士居多，大家都同朋友聚會邊飲酒食嘢邊傾計𑁍 Weekend Brunch $358p.p.𑁍總共5個courses, 3個starters for sharing + 2個mains + 甜品仲包埋1 hour Free Flow🥂 任飲prosecco、紅白酒、啤酒𝐒𝐭𝐚𝐫𝐭𝐞𝐫𝐬✦ Salmon Tiradito三文魚刺身新鮮軟滑，伴以芒果莎莎清爽開胃😙一試個汁覺得好似日式甜豉油原來係用上柚子醬汁，好有日本風味✦ Grilled Baby Corn炭烤玉米荀爽脆甜美，灑上山葵飯素、辣蛋黃醬再配上巴馬臣芝士碎，超級惹味香口令人食唔停好邪惡呀！配冰凍啤酒一流😉✦ Chicken Okonomiyai呢道炸雞上加咗炸豬排醬、蛋黃醬及木魚碎調味令我諗起章魚燒😛 炸雞連皮炸得香脆，炸漿好薄身唔厚粉👌🏻𝐌𝐚𝐢𝐧✦ Grilled Chicken呢道煙燻辣椒乾醃香雞唔算好辣，雞肉腍滑緊緻表面微微焦香，焦糖化嘅醬汁透出微辣味道伴碟嘅粟米忌廉好似有奶味嘅粟米濃湯咁加咗粟米忌廉令道菜變得日本咗👀✦ Ipanema Baby Back Ribs經慢烤過嘅豬肋排軟腍入味切起嚟毫不費力，做到骨肉分離，好容易抽出條骨豬肋排上有層厚厚嘅菠蘿燒烤醬，甜味較出已經有一段時間無遇到呢種咁軟嫰唔黏骨嘅豬肋排！真係可遇不可求🫶🏻 好滿足配埋七味粉菠蘿，少辣解膩𝐃𝐞𝐬𝐬𝐞𝐫𝐭✦ Uma Nota Dessert咁豐富嘅甜品拼盤睇見就開心，忍唔住wow咗一聲🫢 有抹茶雪糕同芒果雪葩，抹茶味清香微澀，芒果味自然清新，感覺似自家出品👍🏻 芝士蛋糕意外地有驚喜，濃厚幼滑，加埋野莓酸中帶甜🫐 另一款蛋糕係檸檬慕絲配lady fingers，酸酸甜甜🍋另外仲有新鮮西瓜、哈密瓜、菠蘿、士多啤梨同藍莓，西瓜係有起沙㗎🍉…Read More

Bingo & Cook銅鑼灣分店由駱克駅搬到京都廣場新舖嘅室內擺設有令人截然不同嘅感覺仲記得舊舖係自修室風格，如今新舖已搖身一變變成韓國街頭風食客仿如置身韓國路邊攤“布帳馬車포장마차” 每個角落都係打卡位，有路牌、紅綠燈、櫻花樹等裝飾亦有地鐵月台、髮型屋等場景💈店內仲有街機遊戲機可以玩👾✦ 麻辣火山鍋 Volcano Beef Stew $380一上菜成個鍋放滿牛肉，好IG-able！加上面頭嘅辣醬，十足一座待爆發嘅活火山🌋牛肉覆蓋着芽菜、洋蔥、金菇等蔬菜，份量十足適合3-4人share食！如果唔太食得辣嘅朋友可以將辣醬𢳂走先再逐啲醬撈入湯～ 呢款麻辣湯底又香又麻蔬菜吸飽湯汁精華，越食辣勁越強，過癮🔥✦ 蒜香醬油炸雞配香腸年糕串 (半份) Soy Garlic Chicken with Sodduck (Half) $140蘸滿蒜香醬油嘅炸雞外皮保留酥脆口感，雞肉多汁嫩滑蒜香味道鹹甜濃郁，蒜香氣息令人著迷另配有韓國街邊小食香腸年糕串香腸係脆皮口感，年糕炸得微脆軟糯✦ 冷麵 (不辣) MulNaengmyeon (Non-spicy) $120食麻辣火山鍋配返碗冷麵，瞬間透心涼🧊麵條十分彈牙，要先用剪刀剪開麵條搭配牛展，青瓜絲，蘿蔔片，半個烚蛋高湯湯底舒爽微酸，幾開胃✦ 芒果沙冰 Mango Smoothies $78芒果沙冰香甜好飲，綿密順滑，唔會過甜✦芒果忌廉溝鮮奶 Mango Milkis $58芒果忌廉溝鮮奶就係芒果Milkis加碳酸水底部有啲粒粒，幾有咬口…Read More