Juenico's Profile

失業期間，時間多，可以安排時間與朋友相聚。餐廳位於旺角鬧市，裝修以白色為主，樓底高，環境十分舒適。在位置坐低後，揀好食物，就可以出去Counter點餐。朋友點的是薄荷朱古力Latte ，見到拉花是人馬座，十分精緻。因為最近腸胃不是太舒服，所以沒有點咖啡，選了伯爵茶朱古力，原來就不是點咖啡都會有拉花﹗可能第一杯是人馬座拉花，所以覺得這一杯是獅子座    (雖然有點似猩猩)，剛好我就是獅子座呀~~~朱古力味香濃，入口順滑，滲有少少茶香，伯爵茶味不算太重，個人認為可以再加多一點伯爵茶味。芝麻吞拿魚配柚子醬沙律 吞拿魚比想像中厚，夠鮮味，沙律菜十分新鮮爽脆，配合柚子醬，口味清新，酸酸甜甜，十分開胃。西班牙辣肉腸鹹蛋黃忌廉螺絲粉 餐牌上有辣椒圖案，只是提醒辣肉腸會有少少辣味，但其實一點都不辣，我不能食辣的也可以入到口。一向愛食鹹蛋黃菜式，即不加思索點了這個。鹹蛋黃醬不油膩，螺絲粉都掛滿鹹蛋黃汁，夾有少許的鹹蛋黃碎，入口充滿鹹香味。…Read More

7月時已經想黎試試，但因為想坐室外位，所以等到10月秋涼嘅日子先黎。餐廳以室外花園為主題，比人既舒適又寫意嘅感覺，呢到9成以上都係室外位，另外最有特色嘅係露營帳蓬位，不過設最低消費。坐低後會提供QR，可用手機掃瞄點餐。今次只係2個人黎，食得唔多野，只係叫咗小食、主食、甜品各一。牛油果蟹肉他他脆餅餅底好脆，面層的牛油果蟹肉好creamy，食到啖啖蟹肉，不過牛油果味唔算特出，而且有點過鹹。帶子蟹肉南瓜意大利飯意大利飯嘅軟硬度剛剛好，只係有D乾，可能個人比較鍾意多少少汁。意大利飯有淡淡嘅南瓜味，如果蟹肉可以再多D就更好。飲品 - 戀愛預告 & 紅都面哂呢到凍飲嘅名稱好特別，例如朋友點嘅「紅都面哂」，就係西柚汁。餐牌見到有「阿婆的秘密」及「藍藍天空高掛我的夢」，其實係沙冰。另一杯飲品係「戀愛預告」，顏色非常夢幻，係荔枝汁配上碟豆花，加入玫瑰花蜜，杯底仲有2粒荔枝果肉，最上層有一球雲呢拿雪糕。味道好清新，唔會好甜。我無搞勻雪糕一齊飲，而係由得佢慢慢溶，所以飲到最後只係得返雲呢拿味。下次再黎，我應該會走雪糕，哈哈~~~~~~~甜品 - 玫瑰伯爵茶奶蓋瀑布蛋糕呢款甜品好受歡迎，好多人都會先落單及揀餐後上，如果等用餐後先落單，有機會賣完。甜品擺盤算精緻，碟邊有生果圍著，再有少許玫瑰花瓣，蛋糕旁邊配上一球伯爵茶味雪糕，最啱打卡。蛋糕由膠片圍住，慢慢將膠片向上移開，奶蓋就會好似瀑布咁瀉下。伯爵茶雪糕味道十分特出，而伯爵茶味嘅蛋糕配上玫瑰花奶蓋，入口滲出淡淡嘅玫瑰花味，與伯爵茶味十分相配。…Read More

來到Weekend，食飯嘅時間通常都打亂，雖然係Tea Time時間，但其實係食brunch。落地玻璃令餐廳光線充足，最中意白色為主嘅簡約裝修，高樓底+廣闊嘅景色，對著維港景，可以放鬆心情去享受美食。餐前有牛角包，上枱時仍暖，而且好脆口。Brunch嘅頭盤揀咗「36個西班牙風乾伊比利亞黑毛豬火腿沙律、香橙醋汁」。菜好新鮮，配合香橙醋汁，酸酸地好開胃，風乾火腿嘅鹹香剛剛好，夾住菜食又係另一種風味。Main Course- 三文魚配日本流心蛋、檸檬牛油汁擺盤十分精緻，只係味道有點點失望，三文魚overcook咗少少，唔太滑。流心蛋嘅蛋黃好紅，類似蘭王，原本以為流心蛋係類似日本拉麵嘅原隻流心蛋，再切開兩邊上碟，但原來係荷包蛋。。。誘惑醉人提拉米蘇用藍色嘅杯上枱，十分精緻，好啱打卡。芝士好軟滑，原來下層嘅手指餅係用Lavazza嘅咖啡浸過，之前飲過Lavazza嘅咖啡，覺得好香。除咗咖啡香，仲有少許嘅酒香。不過略嫌底層嘅手指餅過濕，影響口感。…Read More

朋友試過大圍分店，知道將軍澳有分店就推介叫我試下。餐廳設計簡約，有榻榻米位，但選咗普通位，坐得自在d。。。一向中意食茶漬飯，無得去日本，咁啱見餐牌有，當然叫黎頂下癮先。。。味道尚可，湯可以再熱 d，伴菜有酸蘿蔔，另外有紫菜及脆脆可加入湯連湯一齊食，口感不錯。。。甜品點咗芝麻梳乎野，唔夠芝麻味，而且較濕，好似焗唔夠。。。至於抹茶小丘，唔太甜，食到有抹茶香，我覺得抹茶味可以再濃d，但某人就覺得有d澀。。。…Read More

以前返工地點山長水遠，又無啖好食，常會買波仔叮叮飯回公司當LUNCH。我間中又想飲中式糖水，剛好波仔又有，所以經常買來過過口癮。現在沒有晚市堂食，放工後偷懶不想煮，這個時候波仔最適合不過。入去行了一個圈，見到有新登場產品 - 清湯牛腩，原價$48，由即日起可以優惠價$42就可以買到，全線波仔都有~~~~~~清湯牛腩跟其他叮叮飲不同，不是直接放入微波爐，而是先放落碟或碗，再叮，或連包裝袋放入滾水煮。湯算幾清，沒有什麼油。牛腩肉質嫰、夠腍，一點都不韌。牛腩帶少許肥，我就是愛這少少肥，入口帶點油香。除了肉，還有沙律菜。售貨員說不用洗，可直接食用，那如果返工，沒有地方洗菜就最適合了。菜新鮮，爽脆，可以配芝麻沙律醬。剛好家中有意大利醋，可以多一種食法。叉燒雞蛋炒飯沒有想像中油膩 (因為一般炒飯都是很油的)，炒飯乾身，用料幾足，除叉燒粒，還有蘿蔔粒及椰菜絲，有些蔬菜做配料，不會太Dry。叉燒軟硬適中，味道剛好不會過鹹。紅豆沙及喳渣糖水是少不了的，之前食過綠豆沙，覺得不錯，今次的紅豆沙及喳渣也出色，紅豆沙夠多豆又起沙，入口綿滑，喳渣用料亦好足夠，有我喜愛的芋頭、還有很多其他豆、花生，有好香的椰汁味，芋頭粉綿，豆類有咬口，入口有不同口感。…Read More

作為奶茶控的我，試了茶王的奶茶3次，雖然只是試普通版奶茶，已覺滿足。我習慣是不落糖的，最愛這杯奶茶入口質地夠滑，奶及茶的比例剛好，沒有澀味。其中美中不足是，食完其他食物再飲時已經不夠熱。食lunch當日也有點其他食物，味道正常，就不詳寫了。除普通奶茶外，還有樽仔奶茶，但價錢上覺得太貴，不捨得。。。希望他朝有一日會捨得出錢試啦。。。…Read More

上年幫襯過旺角的Mini Friday兩次，味道不錯，特別難忘是火焰豬手。上個月轉工後改到在觀塘返工，剛好觀塘都有Mini Friday，放工後就來試試。坐下後，店員隨即送上一小籃脆片，配千島醬，酸酸的，可以開一開胃。見到「時代抗翼」餐牌，有4款口味，第一眼就被「黃到金雞翼」吸引，因為一直都鍾情鹹蛋黃，所以即時決定點這一個。黃到金雞翼炸雞翼配上鹹蛋黃醬，雞翼炸到好脆，外脆內嫰，上枱時熱辣辣，加上鹹蛋黃味又香又濃，十分滋味。威靈頓牛柳外層的金黃色酥皮，十分吸晴，切開的時候，聽聲音已經知酥脆。切開後牛柳不是全熟，應該有7成熟吧，中間夾有蘑菇汁及蘑菇粒。牛柳焗得剛剛好，肉質嫰，內汁又夠多，酥皮亦十分香脆。旁邊配菜中的黑松露薯蓉，陣陣的黑松露味，十分香滑。西班牙海鮮飯用料十分豐富，龍蝦、蝦、蜆、魚、墨魚仔，炒飯底夠乾身，味道可口。…Read More

之前去其他區份的金記，都時下午，主要食招牌豬潤米粉。早前金記在新都城開店，但撞正第三波疫情，未敢出街食飯，最近疫情緩和，見餐廳做足措施，而且實在煮了太多餐喇~~~~~~所以今晚放工就與老公去金記食晚餐。店內除了有隔板外，卡位還有透明膠膜，入店前都量體溫，因時間尚早，客人未算多。我們分別選了一中一西作為今日的晚餐。老公的選擇 - 枝竹豆腐火腩煲 ($82)，這個是否傳說中的「男人的浪漫」？這個是精選晚餐中的D餐，可以選跟中湯或西湯，配白飯及飲品，很不錯。西湯是紅湯，即羅宋湯，有很香的蕃茄味，帶點點羅宋湯的辛辣，但好易入口。火腩煲上枱時仍然熱，豆腐及火腩切到SIZE差不多大少，而且大少剛好，不會太大件。豆腐炸過，內裡十分滑。以前食過好多火腩煲，火腩都不是太乾，就是過硬，少點牙力都咬不下。但金記的火腩就不同了，軟硬適中，火喉剛好，入口可以輕易咬開，味道不會過鹹，豆腐及火腩都十分入味。另一個西式選擇 – 鮮茄濃汁焗豬扒飯 ($65)上台時已經見到豬扒十分大塊。豬扒上面有一塊蕃茄，一些熔了的芝士。先切開豬扒，真的好厚，見到肉汁流出來。入口果然十分Juicy，肉汁豐富外，而且又腍又軟，肉質嫩滑。豬扒飯的茄汁十分多，適合喜愛汁撈飯的人。蕃茄汁酸中帶甜，配炒飯底，十分開胃。份量方面，十分足夠，相信女士未必食得完。…Read More

古早蛋糕舖越開越多，每次都見很多人排隊等蛋糕出爐。很久前已想試一試古早蛋糕，奈何一直無機會。某日經過見到無人排隊，機會來喇﹗雖然無人排隊，但KEEP住有人來買，在門口的我出現選擇困難，除原味外，還有黃金芝士、蜂蜜蔓越莓，最後經常一輪掙扎，買了原味及抹茶紅豆。蛋糕用紙盒入起，但因為剛出爐，仍然好熱，不宜把盒合上，否則焗住會出濕氣，所以另外再用膠袋入起，紙盒在膠袋內要打開。店員建議蛋糕最好3日內食完，未食可以先放入雪櫃。原來一件好大件的，我只有2個人，這兩件要食幾多日呢﹗？蛋糕面印有店的LOGO，落刀切開時已經感到蛋糕質感軟綿綿，原味蛋糕入口蛋味香濃，口感柔軟。抹茶紅豆味不會太甜，我覺得剛剛好，喜愛抺茶的我，就略嫌抺茶味不夠濃，而紅豆集中在蛋糕底部，數量亦較少，如果可以多一點紅豆，抹茶味再濃一點，就好了~~~~~因為要先放雪櫃，所以預先切好一件件，再包好放入雪櫃。蛋糕的側面見到有少少沉底，即在蛋糕底部有一層薄薄的沉積，我不是做蛋糕的高手，亦未試過其他舖的古早蛋糕，所以不知這一小層是正常還是什麼。其實這一小層對口感影響不大，只是咬到這部份時覺得有點厚。不過如果沒有這一層，相信觀感上會好一點。…Read More

常說創業難守業更難，真是每個行業都可以應用到，飲食業競爭激烈，更是汰弱留強。很多年前食過一次，多年後再來，味道卻比多年前遜色了。還記得以前來食飯要排長龍，現在可能因為疫情，我們7點到，只有一枱客人。因為我跟某人想試雞翼又想試梳乎厘，所以叫了一個餐，有餐湯、焗豬扒飯、瑞士雞翼，另外再叫了一個梳乎厘。瑞士雞翼是招牌菜，卻有點失望。每隻雞翼都好大隻，但只是外皮有瑞士汁味，中間的肉卻淡淡的，無味。相對瑞士雞翼，反而焗豬扒飯更勝一籌，飯粒粒分明，豬扒肉嫰，夠入味。另一個招牌菜，便是梳乎里，上枱的時候，大大個好有氣勢，而且我們先讓相食食完，也沒有縮水。不過入口時，口感跟味道卻有點失望，略嫌太濕，不夠軟綿。「太平館」曾是人人爭著去的，希望經營者可以多放心機，守業之餘，還讓這個經典重拾當年的光彩。…Read More

自疫情以來，多了時間在家食飯。但放工山長水遠，回到家無時間煮，有時都會外賣。我跟某人很喜歡到德美，因為食材新鮮，味道又保持到水準。現在更有外賣自取9折優惠﹐對愛食日本菜的我們，沒有不食的理由。落單後，大約10分鐘已經出到食物，真的好快手，當即回家用餐。我們二人雖然食量不算大，但因為德美的確味道一流，所以忍不住，除了每人一個定食外，另加兩個小食，這餐晚餐實在豐富。9折後，兩個定食加兩個小食不用300﹐而且份量除了足夠我們二人晚餐外，還可以留多一份作為我第二日的午餐飯盒，真抵。豚肉生姜燒定食 - $78用了日本珍珠米，粒粒分明，入口煙韌有嚼感。豚肉份量十分多，煮的時間剛好，肉質沒有過老，配洋蔥一起，醬汁帶少少甜味，十分可口。定食跟日式麵豉湯及沙律。回家要一段路程，雖然隔了一段時間，但麵豉湯仍然微暖，好香濃，除了一大片海帶，還有少量甘荀及豆腐粒粒。沙律一點也不求其，除了菜十分新鮮、爽脆外，中間還夾有一粒帶子刺身，配沙律醬，十分開胃。三色魚生丼 - $118同樣配日式麵豉湯及沙律。三色分別是三文魚、油甘魚及帶子，中間放了溫泉蛋，而上面舖滿粒粒魚子。這個真心推介，性價比十分高，上面的魚生刺身大大片，舖滿整個飯，而且每片都有相常的厚度，十分肥美，不馬虎。刺身十分新鮮，三文魚魚油味香、油甘魚鮮甜、帶子又大大粒，真的是大滿足。醋飯帶有少少黏，酸味剛好，撈了wasabi及醬油後，又有另一番風味。炒野菜 - $58 除椰菜外，還有菇類、露荀、甘荀等等配搭，上面舖了少少木魚，蔬菜十分新鮮，炒得夠火喉。蟹肉忌廉薯餅 - $56 雖然回到家隔了一段時間，但表層仍然香脆，內裡十分creamy，除蟹肉外，還有粟米粒粒，外脆內軟，入口有不同口感，沾上旁邊的沙律醬，味道再提升。…Read More

鮮芋仙在荃灣開了分店，今日跟同事在LUNCH時專登行遠少少幫襯一下，當正餐啊~~~~~~是日午餐 - 招牌豆漿豆腐花 豆漿豆腐花配芋頭、芋圓、珍珠。有豆漿底，配豆腐花，所以豆味相當濃。而芋頭實在超讚，兩大件，又粉又綿，如果可以再多件就好喇。。。很少食芋圓的我，覺得芋圓好好食，Q彈煙韌有嚼感。飲一啖豆漿，原本已有香濃豆味，當中又滲有淡淡的芋頭香，兩種味溶合一起，相比配。至於份量，相當大碗呀。。。食完很飽，原本跟同事打算買麵包，亦改為買小食，待下午茶時間才食。。。…Read More

時新漢堡係紅磡區頗有名氣，當初結業曾令一眾食家失望。得知佢係黃埔重新開舖，今日終於有機會去試下港式漢堡嘅風味。門面係搶眼嘅紅色，類似霓虹光管嘅設計，好有香港特色。收銀枱下可以睇到menu...開放式廚房設計，有電視顯示叫餐號碼，亦有Menu~~~入門右邊係收銀位置，除左入門左邊(即對住收銀枱嘅牆身)及廚房位置有Menu外，收銀枱面都有Menu，可以問店員借黎埋位慢慢揀 (揀完記得還返比店員啊~~~)。除左有漢堡、小食外，仲有飯、意粉可以選擇，照顧埋一定要有啖飯落肚嘅客人~~~ Menu列出嘅選擇好多，有選擇困難嘅客人，可能要花多D時間揀心水。除左可以散叫漢堡、小食外，亦有套餐提供，一定有一樣岩你。揀好心水後，去收銀落單比錢，就可以返埋位等叫號碼。所有食物都係即叫即造，所以要少少時間，客人請耐心等一陣。二人晚餐，2個漢堡、2個小食、2杯飲品，份量剛剛好。單層芝士漢煲 $24 & 單層芝士蛋漢堡 $27 漢堡包可以揀單層或雙層，亦可以加配芝士、蛋或火腿，漢堡可以揀牛肉或豬肉，中間嘅醬料，除左可以揀熱門嘅時新醬，亦有蕃茄醬、咖喱汁、黑椒汁可以選擇，唔中意食醬嘅又可以走醬，呢一個安排讓客人可以靈活配搭之餘，亦照顧到唔同客人嘅需要，唔食牛嘅客人，亦可以嘗試食漢堡嘅滋味。而且漢堡包唔一定配沙律醬或茄汁，亦可以突破一下傳統，配下其他醬汁。。。外層嘅麵包烘得暖暖地，好鬆軟。中間嘅漢堡好厚，差唔多係連鎖漢堡包店嘅2-3倍。同連鎖店嘅唔同，呢到嘅漢堡係用新鮮牛肉造嘅，保證唔會有雪味，亦有好香嘅牛肉味。醬料方面，揀左鎮店嘅時新醬，呢款係時新特製嘅沙律醬，夾雜少少生果碎粒，酸酸地，好開胃，所以食落嘅漢堡唔會膩之餘，味道仲要好夾。脆雞粒 $15 可以配蕃茄醬、咖喱汁、黑椒汁。外層炸到好脆，黑椒汁好香唔會好辣，岩我唔食辣嘅人。波浪粗薯條 $22 粗薯條係我嘅大愛，加埋有波浪，一定係必叫之選。薯條鬆脆，暖暖地剛好岩入口。菠蘿冰 $23 好大粒菠蘿，真係真材實料啊~~~…Read More

將軍澳中心經過大翻新後，多左好多唔同食肆，住將軍澳嘅我，食飯多一個選擇。老公中意食牛，所以見到呢間主打牛嘅餐廳，就約埋老公去試一試。是日餐湯 及牛牛湯今日嘅「是日餐湯」係菠菜湯，顏色都幾鮮綠，入口香滑，因為無加入太多Cream，所以唔會太稠。相對是日餐湯，我同老公覺得「牛牛湯」就更出色。顏色有D似羅宋湯，不過無羅宋湯嘅酸味或辛辣味，話明牛牛湯，當然係有好濃嘅牛肉味啦~~~~~~除了雜菜、燈籠椒、蕃茄薯仔等等，仲有牛肉粒，絕對真材實料，牛魔王真係要試。來到主菜，我地揀左好耐，就揀左威靈頓牛柳 & 安格斯西冷牛方塊三文治﹗威靈頓牛柳比之前見過嘅威靈頓牛柳細少少，岩我地兩個想食多幾款但又細食嘅人。我地點左5成熟，跟沙律菜&薯條。沙律菜配醋汁，酸酸地好開胃~~~威靈頓牛柳上枱時，係金黃色脹卜卜，有D似個波，切開裡面有少少的磨菇汁滲出黎，中間嘅牛柳幾厚，仍帶粉紅色。最外層嘅酥皮吸左磨菇汁味，中間嘅牛柳無過熟，入口好容易咬開，肉質嫰，無筋，內汁又夠多，而且牛味香濃，旁邊配的牛肉濃汁，微暖，食嘅時候點牛肉濃汁，令整體嘅牛味進一步再提升。安格斯西冷牛方塊三文治晚餐我地通常叫扒、飯或麵食，但今次特別少少，新嘗試食三文治~~~~~~同威靈頓牛柳一樣，三文治都有沙律菜及薯條。用安格斯牛來做三文治，好像有點奢侈~~~~~~但人生總要豪幾次~~~~~~三文治分成4件細細件，食嘅時候方便D。見到中間嘅牛肉相當的厚度，牛肉外層炸到好脆，我比部電話食完一輪，入口仍然食到鬆脆感。中間嘅牛肉炸得剛剛好，肉嫰，肉汁豐富，牛味濃，麵包又烘得脆脆地，入面有洋葱蛋黃醬，食完大大件牛肉都唔會覺得油膩。…Read More

對「悠蔬食」的印象一直都好好，因為之前已經試過尖沙咀及銅鑼灣分店，都十分出色。之前兩次都是食晚餐的，今次來到荃灣分店就試試午餐。店內裝修好有童話感覺，顏色柔和，樓底高，空間感十足，坐得十分舒服。午飯時間除餐牌內菜式，亦有午餐，款式亦好多，有飯有麵有沙律，隨餐有飲品，亦可加錢配餐湯及甜品。以前去「悠蔬食」都會選中式，今日見加錢有南瓜湯，是我最愛之一，所以便選了一個較西式的午餐試一試了。南瓜忌廉湯+蒜蓉包 - $10湯很creamy很滑，裡面還有蘿蔔及蘋果粒粒，口感很特別。大啡菇有機豆腐烤南瓜墨西哥卷餅 配 紅菜頭蘋果藜麥沙律 - $78擺盤精緻，墨西哥卷餅包得十分好，無論是叉起時，或是咬開，都沒有散開。另外要讚的是，我讓手機先食，再食完沙律，才食墨西哥卷餅，而墨西哥卷餅仍然熱辣辣啊~~~~~~卷餅內除了有豆腐、南瓜、啡菇，還有菠菜，用料十分豐富，各款材料放在一起，每一口都有不同口感，味道幾「惹味」~~~紅菜頭蘋果藜麥沙律，紅紅的沙律，十分吸晴，望見已十分開胃。除了紅菜頭、蘋果、藜麥，還有少少花生碎及蔬菜，材料十分新鮮，蘋果藜爽脆，紅菜頭偏腍，放在一起，口感上有對比，配合脆脆的花生，口感不錯啊~~~配上黑醋汁，酸酸的，十分開胃~~~~飲品是熱檸蜜，在有點冷的冬天，可以暖下身，滋潤一下。跟以前光顧「 悠蔬食」一樣，餸菜的份量十分足夠，對我來說有點多，真的很大份啊~~~ 我依舊是吃不完。…Read More