chocopy's Profile

閒日下午喺灣仔工作，早左少少收工趁有啲時間就去左食甜品❤️五點左右係完全冇人嘅...十款果撻&批可選擇，花多撩亂，樣樣都想食！$208+10%可揀三件撻同埋兩款飲品，價錢合理。先來一件雜果撻，水果唔算特別甜，用料一般，厚厚吉士就幾香滑好味嘅，批底都好正路，收貨。Tiramisu撻，唔係好甜好濃味，質地挺身，雖然偏離傳統tiramisu嘅質感，但我個人嚟講係覺得咁樣仲好食😆Banoffee pie，呢個最豐富，係香蕉+拖肥，生果嚟講其實香蕉嘅品質比較穩定，好少食到香蕉會覺得難食，批底同撻底有少少唔同，呢個似消化餅碎加牛油，咸咸地嘅，個人會最鍾意呢一款，如果佢係香蕉咖啡可能仲好食😛友人點左個latte，拉花都幾好和紅茶，可能係泡耐左，有啲苦澀味，另外茶具都好唔吸引，飲茶用隻咁厚嘅杯好似茶餐廳飲熱檸茶咁...Overall嚟講我覺得唔貴，味道都比一般餅店好，下午悠悠閒閒傾下計食少少野係ok。…Read More

早前食左個好難食嘅西班牙海鮮炒飯，我一直嚷著要食個好啲嘅，於是密友挑選呢間正式係西班牙菜嘅小店同我去試😬我好少影食店門面，但呢間鋪頭成個feel幾正有tasting menu，食完呢餐飯後我心諗早知食呢個set...散嗌價錢望落都好似好合理，但選擇較少，同埋唔係好識嗌😅真係少食西班牙菜嗌左white sangria，望到呆左，真係未試過飲現成即開嘅sangria😂平時應該係一jar或一bottle架嘛？支裝酒應該比平時出去飲嘅酒精含量低好多，偏甜，水果粒粒有青萍果同橙肉。呢個係炸茄子嚟，即刻炸起，配個類似千島醬，但辣辣地嘅。Deluxe platter，有三款ham，其中兩款會有分前中後腿都切俾你試，平時食覺得好咸，呢個就真係好濃肉味，唔係得個咸字，到底36個月同48個月有咩分別，我真係唔識評😅我自己就鍾意食紅啲乾身啲，好似肉乾咁😆密友喜歡油脂豐富啲嗰種，我諗ham呢家野係各有所愛。Mini paella，海鮮燒得好香，個飯吸收哂啲汁但煮出嚟唔會太濕，味道係唔錯，不過份量真係勁少！！！我諗呢度一碗飯都冇，真係啱啱鋪滿個pan咁少😂😂😂食到呢度都仲係覺得食左一陣風咁，又再嗌野食。嗌多兩個tapas，其中一個係青椒仔，唔辣嘅，係鹽燒咸咸地，每隻有兩節手指咁長左右，味道普通。另一個嗌左calamari，好細隻，粉好薄，都幾好食嘅。喺度食嘅野係幾有特式，唔係周圍食到，味道都ok，兩個人埋單1200左右，都唔算平，但真係食唔飽😅早知嗌tasting menu，我諗食嗰個餐應該會滿足啲😌…Read More

一講星記，第一時間已經諗到要試佢個菠蘿咕嚕肉，今次第一次嚟食飯，就當然要點呢味餸！格局其實係普通酒樓，唔係特別高級，價錢都合理，想食米芝蓮推介餐廳都唔一定要俾天價嘅😉先上個前菜，呢碟餣蘿蔔又幾好食，酸酸甜甜又爽口，幾開胃。傳說中嘅菠蘿咕嚕肉呀！！！上菜超快，我仲心諗係咪炸定架，點知一咬係勁熱嘅😆睇相都睇得出個汁係均勻沾上每一塊肉，隻碟係冇汁嘅，咕嚕肉肉多骨少半肥瘦，甜酸汁剛剛好，菠蘿好甜👍🏻嗌左半煲老火湯，蓮藕鱆魚煲豬骨，都幾夠火侯嘅，大概有四碗左右。湯渣跟碟豉油上埋俾你，冇乜點食，淨係食左幾嚿蓮藕同蘿蔔。老家肉四季豆炒鮑魚角，有蝦乾肉碎一齊炒感覺好小炒王，鮑魚角我諗係一隻新鮮鮑魚切粒炒，唔會靭都幾好食。最後仲送紅豆沙，陳皮味幾重，起沙又夠甜，好啱口味！埋單五百幾蚊，兩餸一湯平過蛇王芬啦（雖然個湯冇得比），價錢唔算貴，味道都幾好，見好多人點炸野食，如果下次再嚟都會試下！…Read More

周六下午想搵個地方食晏，打電話去幾間都話walk-in冇位😞密友寧機一觸話不如去食鐵板燒，好彩1:30pm有位😀佢話之前一路想帶我去，但又冇左件事，今日下晝咁啱喺天后先醒起。米芝蓮一星，話好難book喎🙄Set lunch$280起，我揀左chef’s special lunch。先上個蟹肉沙律，成個組合好西式，竟然係落橄欖油同醋，我突然發現原來今日食呢一餐唔係日本菜嚟😅大蝦好好肉，咬落爽口彈牙，連蝦頭部分都有肉食👍🏻我諗呢個甘鯛魚係鎮店名物，先將甘鯛魚有麟一面落油炸，炸透左係脆卜卜好似花瓣咁，再蓋住佢以半蒸炸方式煮熟，肉質保持得好嫩滑。配上南瓜汁、紫蘇花，紫蘇花有啲似梅子味，酸酸甜甜，成個感覺好特別。牛肉薄燒（有兩件），平時食牛排我嗌七成，今日呢個咁薄就試下嗌五成，都一樣食到，唔會好生啱啱好，中間包住蔥同蒜，炒香哂先包入去，食落覺得好正，但把口臭左幾個鐘🙊麵豉湯冇乜特別白飯魚炒飯，落左薑同蛋，成件事好似好補身咁😅睇大廚炒覺得幾好睇，但食落又唔覺得有咩賣點。最後炒芽菜，勁淡綠茶紅豆雪糕，中間有冰碎混埋一齊，有啲失望。坐低點菜到最後炒完個芽菜係40分鐘嘅事，好似好趕時間咁食食食，到最後係食飽左，但係食飯同菜食飽左真係好唔滿足😣密友話下次帶我食夜晚，set dinner多啲肉、海鮮食，我諗佢係講下，應該都冇乜機會再嚟🙄…Read More

心血來潮好想食烏冬，無奈以烏冬做主打嘅地方又唔多，揀下揀下都係搵間日本料理滿足左我先！餐牌選擇多，lunch $145起，價錢可以接受，難怪午市座無虛席。原來menu冇乜烏冬嘅option🙄最後揀手卷拼牛肉烏冬呢個餐😛牛肉都幾多油脂，滑就幾滑，但令到成個湯底偏油，配左少少洋蔥、大蔥同金菇，整體幾好食，滿足左我嘅烏冬癮😆配兩個手卷其實一定夠食，但又貪心加$50要埋刺身😆一上碟個份量我係有啲嚇親，加$50竟然有咁多，3件三文魚好厚切，兩隻帆立貝切開共4件，帆立貝好大隻好新鮮😍兩個手卷都唔講得笑，勁足料，海膽有幾排，好甜，Toro多數太肥太油我自己唔係好啱食，但呢個剁成魚蓉大大減低嗰種一口油嘅感覺。兩個手卷都係難得食到最底都仲有餡👍🏻👍🏻整體覺得唔錯，份量好多，食得好飽，但一個鐘要交枱就有少少趕趕地。…Read More

是日感覺好納悶，收工想食杯雪糕醒神啲，第一時間諗IFC，但冇位坐所以最後揀呢間。之前嚟過好幾次，印象中好似係加左價...雪糕口味都幾多最開心係見到個cone😍本身都幾鍾意食呢啲脆米，係溶左棉花糖再黏上個cone度嘅，要有心理準備係好甜架！好節制咁淨係嗌左單球，個cone要加$20，即係要$65。如果一球雪糕$45其實都唔算貴，因為比起Haagen daze嗰啲大球好多！呢個特濃咖啡朱古力曲奇味，有朱古力醬、曲奇、咖啡豆，加埋個cone，口感好豐富。味道價錢都ok，同埋最緊要係有地方坐嘛！…Read More

收工行到pmq，時間尚早，入到餐廳覺得裝修幾別緻，但企左一陣都冇人理我哋😥地方都唔細，幾多位，因為冇乜人去，所以任你坐邊Menu都幾多野揀，選擇比一般台式料理多，尤其係啲菜，全部都未食過，亦都未喺其他地方見過（或者其他地方唔同名？）價錢非常相宜，全部都係幾十蚊一樣野。叫左個清炒過貓，我諗落左單五分鐘左右就上左碟菜，我已經心知不妙，一夾落口果然不出所料，肯定係即刻叮返熱，因為有啲好熱有啲係暖嘅🙄講返味道就ok嘅，質感一咬落去爽爽地，咬咬下係滑潺潺，類似秋葵咁，未必個個鍾意。茶燻雞佐烏龍茶漬飯，個雞幾香，唔嚡，但又係唔熱嘅😢個飯夠熱，茶漬飯咸咸地，混埋紫菜同少少黑芝麻都幾好餸飯。宜蘭葱餡餅，有少少似胡椒餅，係細件啲、餡少啲同埋炸左，賣相咁深色，加上係咁滴油，估計係翻炸🤦🏻‍♀️玫瑰洛神花茶，一睇咁深色就知中伏，嗰種好人工嘅酸酸甜甜，係台灣風味嚟，只怪自己大意醒唔起台式飲品都一律係咁。人流太少，預先整好嘅食物難免質素較差，但啲野唔好食又好難令人再光顧，絕對係惡性循環。裝修幾有心思，價錢又平，如果味道好啲嘅話會考慮再嚟，可惜可惜。…Read More

一早知呢間餐廳其實只係一間唔同名嘅simplylife，美心旗下一間普通嘅西餐，冇話特別大期望。價錢只係百幾蚊，平時一個意粉百幾蚊唔係特別平，但呢度係IFC，俾個四四正正嘅環境你食西餐，呢個價係超值。個包硬到食左1/4件就叫人收左佢凱薩沙律，有雞肉同冇雞肉爭十蚊，梗係要有肉。份量都幾多，雞肉唔算柴皮，咬落至少係軟嘅。菜就都係咁上下，好就好在dressing唔多，唔會好膩。茄香燒虎蝦手製紐紋粉，又真係幾濃蕃茄味，手製紐紋粉質感會較厚身煙靭，都幾唔錯，蝦都有好幾隻，一隻虎蝦特別大啲啲，用料還可以。蛋糕好似係加$35，朱古力香蕉撻，唔算特別出色。食物質素中規中矩，但埋單唔到$400咁仲有咩好挑剔？喺IFC食個漢堡包快餐都百幾，呢度環境唔差，選擇都幾多，性價比非常高，即使味道3星都俾個好評😋…Read More

呢間位於荷李活道嘅台式小店，地方唔算大，但喺同一條街相對附近嘅食店都算幾受歡迎。午餐set lunch $78加一，同茶木差唔多。種類就大同小異，都係鹽酥雞呀、排骨呀、紅燒牛肉嗰啲啦，配滷肉飯或蕎麥冷麵。飲品係熱茶，要特飲先再加錢又幾好，有時食個飯再飲珍珠奶茶會太飽😅嗌左個鹽酥雞配滷肉飯，上菜好快，賣相都幾吸引，個炸雞仲熱辣辣出哂煙。即刻炸起就衰極有個譜嘅，炸雞個texture幾好，外脆內滑，但味道就爭啲，好似冇乜點餣過咁，得個炸粉咸咸地。個飯都ok，肉碎冇話特別肥，亦唔算好油，唔錯。份量頗多，飯都食唔哂。埋單八十幾，ok啦，可以下次嚟試下其他。同埋啲侍應個個都好似台仔，係幾有台灣feel😉…Read More

上星期天氣持續寒冷，人人都去食碗蛇羮暖身，蛇羹唔啱我，但都嚟到蛇王芬飲個燉湯補一補😉6點幾攞位已經差唔多坐爆，都幾旺場，有燉湯有燒味有小菜，碟頭飯唔算貴，小菜就中價，都要百幾蚊一個。左邊係海底椰蘋果雪梨燉豬𦟌，右邊係蜜瓜瑤柱燉螺頭，$100一盅都幾貴，但真係好足料。蘋果雪梨係勁甜，所以我覺得蜜瓜螺頭有「湯水」嘅感覺多啲😅家鄉什菜煲，要$110，其實只係一個普通什菜煲，冇咩好挑剔。粟米石斑塊，$180，從商品說明條例生效開始，好多地方都將呢味餸改返做「粟米魚塊」算數，佢寫得石斑即係真係用斑啦😎份量都幾多，製法都係炸好先再煮個汁淋上去，上碟就仲會食到脆卜卜。個斑塊略嫌切得太薄，炸出嚟粉比較多，冇啖啖肉嘅效果。兩個人都食六百幾蚊，小菜ok啦，講唔上好出色，不過係間唔時嚟飲下湯架乍。…Read More

密友偶爾會話同我去陸羽飲茶，但遲遲未有機會，咁啱一早出左灣仔，靈機一觸提議去福臨門飲茶，豪富飯堂福臨門！！講明係富豪飯堂就梗係價格不菲架啦，喺中環飲餐茶，翠亨邨呢啲比較高檔嘅酒樓，賣四五十蚊一個點心都算貴，呢度起碼再貴三四成🙈先嚟碟四季豆作前菜，唔記得睇單都唔知要幾錢蒜蓉蒸鮮魷、鮮蝦蒸粉菓、筍尖鮮蝦餃，全部即叫即蒸夠哂新鮮熱辣，味道都冇令我地失望。蝦餃咬開條蝦勁粗🙈蝦肉爽口，用料上盛。$80一碟牛肉腸都咪話唔貴，但我同密友一人食一件後相視而笑....點解可以咁滑架？？😂整蝦餃整鮮魷要整得好，原材料係首要條件，但拉一個腸粉，考嘅係功夫。呢碟腸粉我可以話係成世人食過最好食嘅腸粉😆南瓜紅豆餅，南瓜搓成嘅皮係煙煙靭靭嘅，裡面嘅紅豆茸唔會好似一般唐餅用嘅豆沙咁甜，但估計係半煎炸製成，極之吸油，太油膩。半份荷葉飯，個阿姐話都有6碗份量（我地兩個人食哂🌚）荷葉好大塊，質地成塊布咁，唔會蒸到濕哂一夾開就爛。一拆開一陣荷香好吸引，雖然賣相平平，但呢個飯真係好足料。米飯粒粒分明，材料全部都切到好細好細粒，非常考刀功， 有冬菇、瑤柱、雞粒、蟹肉、火鴨粒、筍粒等等，夾埋有十種八種配料😯夾埋前菜、茶錢、加一，埋單$700左右，飲餐茶一般一個人真係好少食到$350，但話分兩頭，點心真係好高質，同埋真係好飽，6個鐘都未餓😂結論係物有所值，值得一試。…Read More

近年中環開左一間又一間越南粉麵店，間間都索價近百，成行成市開到好似日本拉麵店咁多。今次食呢間位置喺荷李活道，冇記錯前身就係日本拉麵店，可見飲食業真係唔易做，潮流呢家野話變就變。三款湯粉，見呢度有米線食都糾結左一陣，因為上次喺九如坊食嗰間有好印象。最後都係決定要返牛肉河😛有啲人好執著牛河就要全部牛肉，但越來越多地方做嘅牛河都唔止生熟牛肉咁簡單。呢碗牛河有生牛肉片、牛丸、牛腩、牛尾。先講個湯，有色但只係咸咸地，唔算好濃牛味，河粉夾起唔易斷，掛湯力都ok。生牛肉仲見到係未熟嘅👍🏻雖然唔係滿佈雪花，但食落竟然非常嫩滑！牛腩用上和牛，炆得好腍，兼且肉味特濃，牛尾用少少黑椒炆煮，唯質感稍靭，牛丸質素都唔錯。$88唔加一，絕對唔平，但食物質素、味道、裝修都對得住呢個價錢，又加上早前喺附近另一家牛肉粉嘅唔愉快經驗，更顯得呢一間物有所值。…Read More

中環嘅漢堡店我都食過幾多間，呢間butchers club位於一堆大排檔中間，位唔算多，時不時經過都見佢幾旺。價錢合理，中環一般漢堡店都係呢啲價錢要左the classic，加$20配duck fat fries同汽水。個包我覺得好大個，目測在場嘅女士都食唔哂，我自己食完個包都唔係好食得落薯條。包唔係好軟塾嗰種，係重牛油香煎到脆脆地嘅，漢堡medium，好厚，但唔算好濃肉味，仲有maple bacon都不能缺少，令整體味道層次多啲。overall係味道唔錯嘅。個duck fat fries就有啲失望，佢係顏色有啲唔同嘅薯角，完全食唔出有咩特別，但個名咁heavy食完真係好有罪咎感🙊食物ok，環境就確實差，附近大排檔炒野啲油煙長期湧哂入嚟，煙霧瀰漫咁，食完成個身都好臭😞佢不如整返道玻璃門會唔會好啲？…Read More

經過威靈頓街見到有個易拉架話lunch $48起，心諗又幾抵，反正新野未試過，即管上去試下😎上去坐低見到個menu真係得啖笑，說好的$48係個米紙卷😒最平嗰個小食$38，不如索性寫$38添啦... 完全有被騙嘅感覺。anyway一場嚟到都照嗌架啦呢個老撾牛肉100%全米湯粉，賣相又幾吸引，牛肉都仲見係半生熟，牛丸有兩粒，仲有個豆卜、各樣配菜。米粉質地幼滑，但個湯係完全冇味，水咁樣，唔夾埋啲芫萎熟蒜一齊食係完全入唔到口，牛肉都滑架，但又係完全冇味，牛肉連少少肉味都冇到底係點做到？？求其打邊爐一塊白恰嘅肥牛都濃味過佢😩新張期內送熱飲，不過熱飲又值幾多錢丫，$78加埋一要$86，$86食碗咁嘅粉我可以話係幾離譜。再貴啲嘅牛肉河我都食過，人地貴得嚟俾返相對質素嘅食品，再比較埋裝修環境，睇埋個餐牌設計，點睇都係小本經營，但價錢同人地裝修得勁靚勁dum本嗰啲睇齊，個人認為完全唔值🤧…Read More

今次嚟唔係食ON Dining Kitchen & Lounge，而係食呢間餐廳29樓嘅期間限定Le Bistro At On，menu比較平啲😉雖然話係比On Dining”平啲”，但價錢都絕對唔平😅先來一個Egg Ravioli，基本上都唔係一個餃嘅形狀，係有兩塊麵皮咁解，咖哩味唔係好strong，配啲juicy嘅菠蘿好易入口，味道ok，不過份量好少，幾啖食哂。Sicilian Cavatelli，呢個貝殼粉同平時嗰啲唔同，呢個厚身啲好煙靭，口感好好，龍蝦切到細細粒但都幾濃味，好食👍🏻半份烤雞，配左沙律同薯條，估唔到呢個份量又咁多😮沙律同薯條都係standard野，冇咩好挑剔，個烤雞就睇下咩部位，雞腿同雞胸肉質係好大分別，雞腿幾滑但雞胸勁嚡。食頭幾啖都覺得幾好，但食到近骨嘅位會食到有雪味，香草落得勁重手都食到有雪味，以呢個價錢嚟講係幾失望🤦🏻‍♀️個人認為唔係好值，價錢真係唔平，份量唔多，味道同擺盤亦同一般西餐廳無異，服務係幾好，不過可能要真係去樓下28樓食貴嗰個menu先會feel到有分別？…Read More